Nú verður Jón Bjarnasyni fórnað ! - Það er aðalmálið og þá er vonandi úti um þessa aumu ESB- Ríkisstjórn !

Skil ekki hvað þau eru að reyna að hanga þetta lengur á völdunum.

 

Þjóðin vill ekki sjá þessa Ríkisstjórn lengur og þjóðin vill alls ekki ESB aðild.

 

Þrír þegar stokknir fyrir borð af þingmönnum VG, vegna þýlindis og þjónkunnar Steingríms J. og forystu VG við Samfylkinguna og flokkurinn er rjúkandi rústir á eftir.

 

Ábyggilega eru þau nú að leggja á ráðin um að koma Jóni Bjarnasyni fyrir kattarnef, þess vegna er nú leitað logandi ljósi að finna einhverjar mútuþægar varaskeifur til að þau geti áfram hangið á völdunum og haldið áfram þessu ESB- rugli að kröfu Samfylkingarinnar !

 

Yfirgengilegt þetta ESB- rugl sem hefur á versta tíma, sundrað þjóðinni miklu meir og verr en frá sjálfri  Sturlunga öld ! 

Breytingar á ríkisstjórninni ræddar

Gleðileg jól til allra hér á mbl.is og vina og vandamanna nær og fjær.

Héðan frá Spáni sendum við jólakveðjur til allra vina okkar og vandamanna nær og fjær, svo og allra hér á Mbl.is.

 

Vonum að jólahátíðin færi ykkur öllum frið, kærleika og gæfu.

 

Hér á Costa Blanca strönd Spánar er blíðskapar veður nú á aðfangadag jóla 16 stiga hiti og sól.

 

Að Kaþólskum sið byrja nú ekki nein jól hér fyrr en á morgun jóladag, en aðal jóladagurinn þeirra er samt ekki fyrr en 6. januar á degi konunganna þriggja, það er vitringana þriggja, sem þeir segja að hafi ekki heimsótt Jesú barnið fyrr en á þrettánda degi jóla.

Þá ríða hér að fornum sið um borg og bæi, 3 prúðbúnir konungar og dreifa sælgæti til barna og unglinga. 

 

En við ætlum að hafa þetta upp á okkar gamla sið og hér mun hátíðin byrja hjá okkur hjónakornunum í kvöld kl. 19 að spænskum tíma sem er kl 18 að íslenskum tíma og þá ætlum við að hlusta á gömlu góðu Gufuna hringja inn jólin, gegnum netið.

Síðan borðum við íslenskt hangiket með uppstúf og alles og hlustum á íslensku jólamessuna frá Dómkirkjunni.

 

Á morgun förum við svo í jólaboð til enskra vinahjóna okkar sem búa norður af Alicante og eyðum með þeim jóladeginum og förum ekki heim fyrr en daginn eftir.

 

Ég er búinn að lofa konuni að vera ekki með neitt ESB- rugl um jólin, þannig að það verða engar bloggreinar um ESB hjá mér nú um sinn, enda á maður ekki að láta svoleiðis hégóma skemma fyrir sér góða jólaskapið! 

 

Gleðilega hátíð - Feliz Navidad 

Össur og stóra ESB- Gulrótin; Heldur hann að þjóðin hans séu ASNAR ?

Þá á ég auðvitað við ferfætlingana sem nefnast ASNAR og hafa verið plataðir til að hlaupa endalaust eftir gulrótum og öðru grænmeti sem er dinglað fyrir framan þá bundna í bandi á stöng.  

 

"Þið eruð ekki þjóðin" sagði fyrrverandi formaður Samfylkingarinnar.

En Össur hefur greinilega fundið þjóðina sem var "ekki þjóðin".

 

Össur og Samfylkingin halda nefnilega að þjóðin þeirra séu ASNAR sem hægt sé að plata inní ESB með lygasögum um ofvaxnar GULRÆTUR  !

 

Nú ætlar hann að reyna að nota þessa stóru gulrót til að þess að reyna að tæla þjóðina sína eins og hverja aðra ASNA alla leið til Brussel og inní ESB Asna-réttina þar ! 

 

En þessi Stóra ESB Gulrót hans Össurar stækkar sennilega í hvert skipti sem Össur lýgur að okkur um dýrðir ESB- apparatsins, svona álíka og nefið á Gosa.

 

En allir sem þekkja eitthvað til grænmetisræktunar vita auðvitað að stórar og úr sér sprottnar gulrætur eru bæði trénaðar og óætar með öllu.

Ekki einu sinni nothæfar til sultu- eða grautargerðar.

 

En af því að íslenska þjóðin mun ekki láta Össur plata sig með þessari trénuðu ofvöxnu gulrót þá gæti hann kannski fært hana ESB- Commmiserunum í Brussel að gjöf, það gæti verið að hún gæti komið sér vel þar í enn eina naglasúpuna sem þeir eru sífellt að sjóða til lækningar og björgunar þessum fársjúka skuldavafningi Evrunni.

 

Sem nú allt í einu hefur einhverja hönnunargalla segir Össur !

„Liggur á að komast út úr þessu endemis rugli“

Össur sagði Eiðsvarinn í Rannsóknarskýrslu Alþingis; "Að hann hefði ekki hundsvit á efnahags- eða peningamálum"

Samt á að treysta honum til að leiða þetta vandasama ICESAVE mál, þar sem tekist verður á um gríðarlega háar fjárhæðir og flóknar greiðsluskuldbindingar.

 

Össur hefur sjálfur lýst sig eiðsvarinn algjörlega óhæfan til að hafa vit á þessum málum.  

Hann er því augljóslega algerlega óhæfur til þessa verks og þeir sem fá hann til þess eru líka óhæfir til að gæta hagsmuna þjóðarinnar.

 

Í annan stað er Össur ekki bara algerlega óhæfur því að hann er líka það sem kallað er "vanhæfur" því að því að ég best veit þá er hann félagi í Breska Verkamannaflokknum og búinn að vera allt frá velmektarárum Tonys Blairs.

 

En Breski Verkamannaflokkurinn leiddi Ríkisstjórn Bretlands allt frá því að ICESAVE var stofnað þar og þar til það hrundi síðan og í framhaldinu setti Breska Verkamannaflokksstjórnin hin endemis frægu hryðjuverkalög á Ísland.

 

Af þessum sökum er Össur ekki hlutlaus og er því algerlega vanhæfur til þess að gæta hagsmuna þjóðarinnar.

 

Í þriðja lagi hefur hann sýnt af sér þvílík undirferli og klækjastjórnmál í sambandi við þessa ESB umssókn og þar margsinnis verið staðinn að blekkingum og lygum að hann nýtur ekki neins trausts þjóðarinnar lengur.

 

Síðan til að bæta gráu ofan á svart þá hefur hann margsinnis og ítrekað orðið þjóð sinni til stórskammar á erlendri grundu og sjálfum sér til atlægis vegna galgopaháttar og hreinnar glópsku í yfirlýsingum sínum og með samskiptum sínum við æðstu yfirmenn í Brussel.

 

Fari þessi Ríkisstjórn, Norður og Niður - Því fyrr því betra !

Össur fer með Icesave-málið

Össur er óhæfur, en ekki bara það hann er líka algerlega vanhæfur: Því hann er félagi í Breska Verkamannaflokknum !

Það er alveg öruggt að Össur er af mörgum ástæðum algerlega óhæfur til að gæta hagsmuna þjóðarinnar í ICESAVE málinu.

En í annan stað er hann líka algerlega vanhæfur.

Því að ég veit ekki betur en að hann sé ennþá skráður sem félagi í Breska Verkamannaflokknum, sem hann og Björgvin G. Sigurðsson hældu sér af á velmektardögum Tonys Blair á valdastóli.

En Verkamannaflokkurinn, sem er í raun Breska Samfylkingin og sat einn á valdastóli allan tíman þegar ICESAVE var hleypt af stokkunum í Bretlandi og líka þegar það endaði meðan Gordon Brown var forsætisráðherra Breta og setti Hryðjuverkalögin á Ísland og félagi Björgvin G. sat í Armani jakkafötunum sínum með hendur í skauti og gerði ekki neitt. 

En svo í annan stað er Össur hinn "Skarpi" líka algerlega óhæfur vegna vankunnáttu sinnar og algeru skorti á trausti.

Hann hefur marg ítrekað orðið þjóð sinni til skammar á erlendri grundu með galgopahætti og orðið að atlægi á fundum með ráðmönnum ESB fyrir, hégóma sinn og barnaskap.

Síðan er hann eini maðurinn sem sagði meira að segja  eyðsvarinn í Rannsóknarskýrslu Aþingis:

"Að hann hefði ekki hundsvit á efnahags- eða peningamálum"

Þjóðin getur alls ekki treyst þessum manni til að gæta hagsmuna þjóðarinnar í þessu ICESAVE máli sem snerta hagsmuni Breta og ESB snúast þar að auki um háar fjárhæðir og túlkanir á peninga- og gjaldeyrisgerningum, sem hann hefur sjálfur sagt að hann hafi ekki hundsvit á !

Þá er veðurvitinn Árni Páll þó skömminni skárri af tveimur slæmum kostum !

Óvíst um forræði í Icesave

ICESAVE - Hlakkar nú í mörgum ESB sinnanum því ESA hefur ákveðið að kæra okkur til EFTA dómstólsins.

Einn af þeim sem hlakkar nú í yfir þessari niðurstöðu er ESB aftaníossinn og ritstjóri Baugs-Fréttablaðsins, sjálfur Ólafur Þ. Stephensen.

En þeir eru reyndar margir fleiri sem eins og fyrrnefndur ritsstjóri börðust af öllu afli, fyrst fyrir framgangi ICESAVE I og síðan fyrir ICESAVE II og að síðustu fyrir ICESAVE III virðast af undarlegum ástæðum kætast nú yfir þessari niðurstöðu, Eftirlitsstofnunar ESA að senda málið til EFTA Dómstólsins.

Ég segi nú bara við fólk andið með nefinu og slappið af.  

Ísland hefur nú þegar þegar sloppið við að greiða "Cash" 100 milljarða í erlendum gjaldeyri bara í vaxtagreiðslur bara vegna þess að meirihluti þjóðarinnar lét ekki hræða sig með heimsenda spám og sagði þvert NEI við þessum nauðungarsamningum.

Það er því alveg sama hvernig þetta mál endar það hefur þegar sannað sig í því að NEIIÐ með því að standa gegn þessum ósvífnu og ófyrirleitnu kröfum hefur fært þjóðinni allri stórkostlegan ávinning og sigur.

Menn skulu alveg átta sig á því að þessi EFTA Dómsstóll er alls enginn "Stóri Dómur" eins og margir ESB aftaníossar og ICESAVE lúbarðir þrælar hér virðast vona og halda, heldur er þesssi dómsstóll aðeins til áréttingar og leiðbeiningar og getur á engan hátt dæmt okkur til fésekta eða til greiðslu skyldu vaxta eða kostnaðar.

Eftir kannski 2 til 3 ár þegar og ef þessum málaferlum mun þá linna er dómurinn aðeins prentuð orð á blaði og varla meira en pappírsins virði.

Líklegast er að á þessum tíma muni málinu annað hvort verða vísað frá eða það fellt niður eða samið verði um málamynda bætur til þess að því verði hætt.

Ef svo ólíklega vildi til eftir þennan tíma að okkur yrði dæmt í óhag sem kæmi reyndar ESB kerfinu og öllu því handónýta bankaeftirliti öllu verst í koll.

Þá værum við samt ekki greiðsluskyld hvorki á vöxtum eða höfuðstól.

Þessir meintu sparifjáreigendur sem þá allra líkast til væru þá þegar búnir að fá allar sínar höfuðstóls kröfur greiddar af þrotabúi Gamla Landsbankans yrðu þá að fara með málið fyrir Íslenska dómsstóla.

Ólíklegt er að þeir legðu í þann kostnað og þá áhættu eftir að vera búnir að fá þrátt fyrir allt búnir að fá höfuðsstól krafna sinna greiddan að fullu af þrotabúi Gamla Landabankans, að vísu án nokkurra vaxta, sem annars hefðu fallið á okkur og numið hundruðum milljarða af hálfu íslensku þjóðarinnar og íslenskra skattgreiðenda !  

Svei þessu ESB aftaníossaliði og ICESAVE rugl liði! 

 

 

 

 

 

Hótanir ESB- um ólögmætar viðskiptaþvinganir, vegna aþjóðlegra lögmætra veiða okkar á Makríl í okkar eigin fiskveiðilögsögu - Eru ólíðandi !

Á sama tíma og alla vegana annar hlemingur Íslenska Ríkisvaldsins á í samningum um inngöngu í þetta yfirráðasama Stjórnsýsluapparat ESB.

Þá grípa þau nú til hótana um ólögmætar viðskiptaþvinganir og ólögmætra refsiaðgerða gegn okkur ef við látum ekki tafarlaust og einhliða að vilja þeirra um að þeir skipi einhliða svo fyrir hvað við megum og eigum að fá að veiða lítið af makríl í okkar eigin fiskveiðilögsögu.

Við höfum mjög sterka þjóðréttarlega og hafréttarlega stöðu í málinu, af því að við erum sjálfsstætt fullvalda ríki en ekki innan miðstýringarapparats ESB.  Því að þá hefðum við enga stöðu í málinu.

Okkar sterka staða byggðir líka á fiskirannsóknum á makrílstofninum sem hefur undanfarin ár dvalið í íslensku fiskveiðlögsögunni umhverfis allt landið að stórum hluta.

Hér í sumar voru mæld yfir milljón tonn á beit í íslensku lögsögunni og af því veiddum við  kvótan okkar eða aðeins 148 þúsund tonn, en það er aðeins 1/3 af þeirri þyngdaraukningu sem þessi stofn sem hér var er talin hafa bætt á sig meðan hann dvaldi hér við að aféta okkar seyðabúskap og beitilönd íslenskra fiskstofna.

Við eigum að taka á hótunum þeirra af fullri hörku og einurð.

Gerum hlé á viðræðunum við ESB nú þegar eða jafnvel slítum þeim fyrir fullt og fast. Hagsmunum okkar er mikið betur borgið utan þessa skuldabandalags sem nú logar stafnana á milli af skuldum og ofstjórn en ekki hvað síst af óstjórn !

Ekki nóg með að þeir hafi lagt sín eigin fiskimið í rúst með áralangri óstjórn og ofstjórn. Þá berast nú líka fréttir af því að þeir séu langt komnir með að eyða upp fiskimiðum hinns fátæka Afríkulands Marokkó. 

Fá frest fram í janúar

Enn syrtir í álinn fyrir ESB ! Þrátt fyrir "Neyðarfund nr. 8" sem öllu átti að bjarga. Þá trúir markaðurinn ekki á nýjar umbúðir án innihalds !

Hlutabréfavísitölur um alla Evrópu falla enn og aftur að meðaltali vel yfir 3% í stærstu ESB- ríkjunum, sem er gríðarlega mikið fall á eftir allar þær hörmungar sem á undan hafa gengið.

En reyndar er lækkunin lang minnst í Bretlandi eða aðeins 1,83%.  

Þetta gerist þrátt fyrir "allar stóru aðgerðirnar" sem áttundi "Neyðarfundurinn" um helgina skilaði.

Sem reyndust reyndar þegar betur var að gáð ðeins innihaldslaust froðusnakk í nýjum en skrautlegum umbúðum skreyttum bláum gulstjörnufána þessa stjórnsýslu apparats !

Nú þarf enn og aftur að blása til enn eins "Neyðarfundarins" þar sem aftur og enn verður reynt að búa til eitthvað frekara "show" til bjargar skuldavafningnum EVRU og vonlausu og úrsérgengnu Stjórnsýsluapparati Evrópusambandsins !

Ætli að hann Össur hinn "Skarpi" sem nú er víst í höfuðstöðvum ESB Elítunnar í Brussel með sína skósveina viti nokkuð af þessu.

Sennilega ekki enn því að um um þetta leyti dags eru þeir sennilega að skála við Stefan Fulle þessum forstokkaða fyrrverandi Tékkóslavíska harðlínukommúnista og nú áróðurs- og stækkunarstjóra Sambandsins og -öðrum fulltrúum þessa yfircommisars valdaelítunnar á einum af 5 stjörnu "eðal" útvöldum hótelum ESB Elítunnar í Brussel, þar sem allt verður í boði Elítunnar sjálfrar ! 

Töluverð lækkun á evrópskum mörkuðum

Virðum vilja þjóðarinnar. Kjósum strax um það hvort að eigi að halda þessri ESB vitleysu áfram !

Myndin sýnir Össur okkar hinn "skarpa" baða sig, afkáralega sigri hrósandi í bláa gulstjörnufána þessa fallandi og ráðvillta Ríkjasambands. Alveg há heilagur með báðar hendur upp til himins eins og vígður pokaprestur að blessa elskaðan söfnuð sinn.

 

Þessi mynd minnir á áróðursmyndir frá Sovétríkjunum í den þar sem framámennirnir létu ævinlega mynda sig einmitt svona sigri hrósandi með bros á vör og í grunninn voru rauðu fánarnir með gulu sigðina og hamarinn, eða eithvað af hinum nú föllnu "symbolum" kommúnismans. Össur kann þetta og nýtur þess alveg í botn. En hann hefur ekkert umboð meirihluta þjóðarinnar til þess að halda þessari vitleysu áfram, né að leiða okkur inn í þetta helsi þessa gíruga skuldabandalags.

 

Fréttin segir líka frá því að þarna töluðust þeir við gömlu kommarnir tveir þeir Össur hinn Skarpi og svo sjálfur stækkunarstjórinn Stefán Fulle sem var alla tíð framámaður í hinum harðneskjulega harðlínu kommúnistaflokki Tékkóslóvakíu, eftir Dubchek og allt þar til þeir hrökkluðust frá völdum.

 

Nú er hann komin til æðstu metorða hjá ESB elítunni sem yfircommisar útbreiðslu og áróðursmála hjá ESB stjórnsýsluapparatinu. Enginn tilviljun það.

 

Hann ætti að þekkja öll trikkinn sem þeir gömlu kommarnir beittu þar í landi í áróðri sínum og til að halda völdum án þess að almenningur skipti sér af þeim málum, svona rétt eins og þeir gera nú hjá valdaelítu ESB.

 

Geri ekkert með þessa ófaglegu og bæði villandi og leiðandi skoðanakönnun sem Fréttablaðið og hinir Baugsmiðlarnir létu gera um afstöðu fólks til þessara aðildarviðræðna.

 

Sem er svo blygðunarlaust blásinn upp sem vísindalegar niðurstöður og notuð í ómerkilegu áróðursstríðinu af úrtölu og landsöluliðinu sem vill koma okkur undir ESB helsið, sama hvað !

Skref áfram í viðræðum við ESB

Gylfi Arnbjörnsson - Yfirjólasveinn ESB/ASÍ Elítunnar á að segja af sér !

Maðurinn er algerlega óhæfur til að gæta hagsmuna íslenskrar alþýðu.

 

Hann er að auki algerlega umboðslaus í þessu sífellda ESB/EVRU trúboði sínu.

 

Þetta er svona jafn hættulegt og vitlaust og að hvetja fólk til að hraða sér og ganga inn í brennandi húsbyggingu, þar sem eldar loga og stórhætta er á eldssprengingu og frekari hörmungum.

 

Er maðurinn með réttu ráði?

 

Eða er hann kannski svona álíka vel að sér í efnahags- peningamálum og flokksbróðir hans sjálfur Össur hinn "skarpi" Utanríkis, sem hefur sagt eyðsvarinn í sjálfri Rannsóknarskýrslu Alþingis "að hann hafi ekki hundsvit á efnahags- eða peningamálum"

En samt þykist hann nú eins og Gylfi hafa svo mikið vit á efnahags- og peningamálum að það besta sem þjóðin gerði væri að hraða okkur inn í ESB til að geta tekið upp Evru sem allra fyrst !

 

Þessa tvo kumpána þarf þjóðin að losa sig við sem ráðmenn sem allra fyrst, það er að slá þá af sem fyrst, því fyrr því betra ! 

Undarleg tímasetning ASÍ