"ESB- og Trúða Fylkingin" eða "Litla Samfylkingin" !

Ég hélt að þeir ætluðu að kynna einhverja nýja og alvöru bitastæða stefnu þessa nýja framboðs.

En það kemur ekki margt fram hjá þeim, nema svona almennt froðusnakk og svo mikið lagt upp úr því að þykjast vera fyndnir, sem heppnast reyndar mjög illa hjá þeim.

Ætli þeir viti það nokkuð almennilega sjálfir hvert þeir stefna, ja nema að að taka upp stefnu ESB Trúboðsins á Íslandi og svo að styðja þessa Ríkisstjórn.

Mér hefur alltaf verið frekar hlýtt til Guðmundar Steingrímssonar og þetta er sjálfssagt hinn besti maður.

En mér finnst hann því miður ekkert hafa haft fram að færa í íslensk stjórnmál.

Það hefur ákaflega lítið komið frá honum og hann hefur verið einstaklega atkvæðalítill, áttavilltur og ráðleysislegur þó hann hafi verið lengi í stjórnmálum, þ.e. fyrst fyrir flokkinn sem hann var fæddur inn í með silfurskeið í munni þ.e. Framsókn og síðan í Samfylkinguna og setið á Alþingi fyrir báða þessa flokka og svo fór hann aftur í Framsókn og svo þaðan út og svo nú út í þetta og dregur einhverja parta af Besta flokknum með sér svona til uppfyllingar og til að reyna að slá sér eitthvað upp á.

Þó að forfeður hans hafi verið stjórnmálaskörungar á sínum tíma í Framsóknarflokknum, þeir Hermann Jónasson afi hans og Steingrímur Hermannsson faðir hans sem báðir voru lengi í stjórnmálum og báðir gengdu forsætisráðherra stöðum fyrir þjóð sína lengi, þá kemst Guðmundur ekki neitt nálægt því að vera með tærnar þar sem þeir voru með hælana.

Faðir hans var ákaflega frjálslyndur umbótamaður og umburðarlyndur og í flestu farsæll stjórnmálamaður. En hann gat líka gert sín mistök, en öfugt við flesta aðra stjórnmálamenn þá gat hann oftast viðurkennt mistök sín og alltaf fljótur að biðja þjóð sína afsökunar á mistökum sínum. Enda var honum líka oftast fyrirgefið.

Steingrímur var líka mikill og sannur náttúrverndarsinni og mikill baráttumaður fyrir sjálfsstæði og frelsi íslensku þjóðarinnar enda var hann harður andstæðingur ESB aðildar landsins alla tíð, enda einn af stofnendum Heimssýnar, þ.e. sjálfsstæðissinna í ESB málum og var þar virkur félagi fram á síðustu ár meðan heilsa hans leyfði.

Ég spái þessu framboði sem ég vil helst kalla ESB & Trúðafylkinguna einhverju froðufylgi til að byrja með í næstu skoðanakönnunum, en þegar nær dregur kosningum munu þeir missa flugið og trúverðugleikann að mestu.

Hugsanlegt þó að þeir nái inn 2 til 4 mönnum, en það verður þá alfarið á kostnað Samfylkingarinnar sem á þó örugglega eftir að tapa meiru fylgi en bara til þessa flokks.  

Nýtt nafnlaust stjórnmálaafl

Setjum ESB umsóknina alla á "ATHUGUNARLISTA" og stöðvum BLINDFLUGIÐ til Brussel !

Í framhaldi af þessari niðurstöðu Standard & Poor´s væri það rökrétt niðurstaða að setja alla kafla þessarar ESB umsóknar á ís, á meðan farið væri í rækilega og óháða athugun á öllum ferlum þessarar umsóknar.

Það er mikil ábyrgð að ætla að láta soga þjóðina ofan í þetta yfirveðsetta skuldavafnings svarthol sem ESB/EVRU svæðið er orðið.

En "Einkaflipps- Þota Samfylkingarinnar" heldur áfram þessu þjóðhættulega blindflugi til Brussel með alla þjóðina innanborðs og við stýrið situr enginn annar en yfirflugstjórinn Össur hinn Skarpi.

Þessi sá hinn sami sem sagði eyðsvarinn í Rannsóknarskýrslu Alþingis: 

"Að hann hefði ekki hundsvit á efnahags- eða peningamálum"

Það sama á við nú að hann hefur heldur ekki hundsvit á flugvélum eða hvernig eigi að stýra þeim og hvað þá í blindflugi á hraða hljóðsins.

Samt hefur hann gefið enn meira í, við hverjar hörmungarfréttirnar sem berast af kreppunni og vandræðunum frá Brussel.

Hróðugur og bísperrtur segist hann engan tíma mega missa !

Mikill og vaxandi meirihluti farþegana vill samt alls ekkert fara til Brussel, hann vill þegar snúa vélinni heim og fá einhvern af farþegunum sem hefur full flugstjórnarréttindi til þess að setjast í yfirflugstjórasætið.

Sumir höfðu verið lokkaðir um borð af því að þetta væri einskonar huggulegt könnunarflug yfir Brussel með góðum fararstjórum og fríjum og huggulegum veitingum.

En svo hefði fljótlega komið í ljós að þetta væri aðeins "one way ticket flight"

Yfirflugstjórinn segði að það ætti að lenda vélinni í Brussel, sama hvað hver segði. Þá reyndar mættu farþegarnir fá að kjósa um það hvort að vélin ætti að halda kyrru fyrir eða fljúga heim á leið. En sú kosning væri aðeins leiðbeinandi en ekki bindandi fyrir flugáhöfnina, sem réði hér för.

Mikill ágreiningur virðist samt vera meðal sumra áhafnarmeðlima og oftsinnis hefur heyrst hávaða rifrildi úr flugstjórnarklefanum og stundum hefur vélin tekið óþægilegar dýfur og síðan verið flogið í nokkra hringi, áður en sama stefnan virtist aftur vera tekin á ný.

Óhug sló að farþegunum þegar fréttist  að 3 úr áhöfninni hefðu hent sér fyrir borð í fallhlífum yfir Færeyjum.

En bæði yfirflugstjórinn, fyrsti flugstjóri og sjálf Yfirflugfreyjan hafi öll reynt að róa mannskapinn og sagt að þetta skipti alls engu máli og hefði enginn áhrif á þetta frábæra flug. "Þeim brást víst örendið" heyrðist Fyrsti flugstjóri tauta við Yfirfreyju. 

Síðan gengju flugþjónarnir sífellt um vélina með einhverja staðlaða tékklista og spyrðu farþegana í þaula furðulegra og áreitinna spurninga um hitt og þetta, sem þeir margir hverjir kærðu sig ekkert um að svara. Jafnframt lásu þeir upp einhvern óskiljanlegan tilskipunarlista og sögðu að þetta væri gert til að uppfræða þá hlutlaust um göfug grunngildi hinns "Evrópska samrunaferils"

Þegar farþegarnir spyrðu hverju þetta sætti þá segðu þau bara að þetta væri partur af bráðnauðsynlegu aðlögunarferlinu ! Aðlögunarferli hvað ? spurðu margir á móti, en fengu enginn svör. 

Meirihluti farþegana væri orðinn öskureiður og sumir steittu hnefana að áhöfninni.

En þá hafi yfirflugstjórinn ásamt Yfirfreyju tilkynnt til að reyna að róa mannskapinn að nú myndi áhöfnin dreifa seðlabúntum meðal farþeganna og það meira að segja í Evrum.

Þetta væru sérstakir svokallaðir IPA aðlögunarstyrkir sem væru óafturkræfir og væru til þess að auðvelda fólki aðlögunina og lífið eftir lendinguna í Brussel.

Þessi tilkynning hafði lítið að segja til að sefa reiði flestra farþegana á almenna farrýminu, margir bölvuðu og rögnuðu og sögðust aldrei þyggja svona mútufé.

Að vísu klappaði lítill og einangraður hópur farþega sem sat á SAGA CLASS fremst í vélinni, um leið og þeir otuðu höndunum í átt að flugþjónunum í von um að verða fyrstir til að ná til sín sem mestu af þessu óvænta fé, sem þegar var byrjað að útdeila þar. 

Blindfglugið til Brussel heldur víst enn áfram, með yfirflugstjóra sem aldrei mun geta lent vélinni ólaskaðri og með sífellt fleiri reiðum og örvæntingarfullum farþegum.

En spurningin er, mun hluti áhafnarinnar og farþegarnir gera uppreisn og snúa vélinni heim aftur áður en kemur að óhjákvæmilegri brotlendingu vélarinnar á Brussel völlum ? 

Allt evrusvæðið á athugunarlista

VG - Forystan með ESB þjónkunn sinni, alveg að verða búinn að eyðileggja þetta sem var hér áður, eina raunverulega vinstra afl Íslenskrar alþýðu !

Ekki er ég hissa á að þessi unga, gáfaða og vel hugsandi kona og nú fyrrverandi formaður "Ungra Vinstri Grænna" Brynja Halldórsdóttir skuli nú á endanum eftir endalaus vonbrigði segja sig úr flokknum sem eitt sinn var að hennar og margra annarra mati flokkur staðfestu og þjóðfrelsis.

Flokkurinn og forysta hans er fyrir löngu búinn að missa allt raunverulegt jarðsamband við "grasrótina" í flokknum og ekkert bendir til annars en þeir verði bara áfram auðmjúk og sífellt eftirgefandi hækja Samfylkingarinnar.

Um fjórðungur þingmannaliðs sem kosinn var af stuðningsmönnum flokksins í s.l. kosningum er nú genginn fyrir borð og hefur sagt skilið við flokkinn og annar fjórðungur sem þó enn eftir situr er niðurlægður og er samt á báðum áttum.

Áfram keyrir samt formaðurinn SJS og harðlínuklíkan í kringum hann, þetta hroðalega ESB- stef og þetta þjóðhættulega blindflug til Brussel í boði Samfylkingarinnar. 

Þetta eru einhver mestu pólitísku vonbrigði sem ég hef upplifað og það á við um mörg þúsundir annarra íslendinga sem í sannfæringu sinni köstuðu atkvæði sínu á þetta pólitíska afl sem ég í reiði minni kalla nú ekkert annað en "flokksskríbbli" og ómerkilega hjáleigu og hundakofa Samfylkingarinnar ! 

 

Segir sig úr VG

Ætli Kínverski Kommúnistinn, Huang Nubo sé orðinn félagi í Samfylkingunni, eða með sérstakaka óskráða auka- og velvildaraðild ?

Það mætti ætla að Kínverjinn Huang Nubo sé genginn í Samfylkinguna.

Eins og æðstu menn þar á bæ snúast nú fyrir hann.

Nú leitar þetta lið logandi ljósi að því að sniðganga eða finna smugur í íslenskum lögum til þess að fá Huang Nubo háttsettan félaga í Kommúnista flokki Kína og milljarrðamæring til þess að koma hér að málum.

Þó svo að Huang Nubo sé félagi í Kommúnistaflokki Kína þá er víst ekkert að því að hann gerist líka félagi í svona andlega skyldum flokki eins og Samfylkingunni á Íslandi.

Þetta gerðu a.m.k. þeir Össur Skarphéðinsson og stórsnillingurinn Björgvin G. Sigurðsson "Hinn fyrsti"  þegar þeir hældust yfir því að vera orðnir gildir meðlimir í Breska Verkamannaflokknum, þeim sama og setti svo hin alræmdu "hryðjuverkalög á Ísland".

Annars gæti líka verið að Huang Nubo sé bara svona óskráður auka- og velvildar meðlimur í Samfylkingunni.

Svona svipað og Jón Ásgeir Jóhannesson var fyrir "Hrunið"

En svoleiðis óskráð auka- og velvildar aðild að Samfylkingunni mun víst kosta miklu mun meira en venjuleg félagsjöld kosta hinn almenna félaga.

Því eins og sannaðist með Jón Ásgeir þá kostaði þessi sérstaka auka- og velvildar aðild hans tugir milljóna króna í flokksssjóði Samfylkingarinnar og einnig þurfti hann líka að bera fé á ýmsa frambjóðendur flokksins og það líka á hinum ýmsu kennitölum.

Gummi Steingrímss & "Besti" = illa grímuklætt útibú frá Samfylkingunni og ESB trúboðinu á Íslandi.

Fólki ber að varast eftirlíkingar er oft sagt, sérstaklega ef um slæmar eftirlíkingar er að ræða.

 

En í þessu tilviki er því þannig varið að þeim mun betur sem þeim tekst upp við að gera eftirlíkinguna líkari frummyndinni því afleitari og hættulegri verður útkoman, íslensku þjóðinni ! 

 

En þegar eftirlíkingarnar eru orðnar svona augljósir og misheppnaðir brandarar eins og þessi, þá þarf fólk að hafa allan vara á sér.

 

Ekki nóg með að þetta sé einskonar útibú og eftirlíking af Samfylkingunni og ESB trúboði þeirra þá sýnist mér að þessi drög að flokksstofnun séu að mestu leyti samansafn og uppsóp sundrunga liðs og tækifærissinna sem ætla sér nú að nýta tækifærið sem svona ný framboð hafa alltaf haft, sérstaklega þegar illa árar í þjóðfélaginu.

Gríðarlegur áhugi á framboðinu

Loksins sammála Jóhönnu. Þetta mál á að leiða til lykta í samræmi við stjórnarsáttmálan.

Þetta er allt hið sorglegasta mál og því miður hefur Jón Bjarnason og ráðuneyti hans algerlega brugðist í málinu og reynst algerlega ófær um að leiða þetta mál og fylgja nokkurn veginn eftir nánast samhljóða stefnu beggja stjórnarflokkana í þessu fiskveiðistjórnunar máli og ná fram eðlilegum breytingum á því.

 

Það sem ég hef séð af þessum drögum að frumvarpi er alger bastarður og þó svo að LÍÚ forystan mótmæli þessu og þykist gráta.

 

Þá er það einungis sýndarmennska og tár þeirra krókudílatár, því að í raun er þeim þetta mikið gleðiefni.

 

Ef þetta fær að fara svona í gegn þá er verið að festa núverandi afturhalds kerfi í sessi og einokun örfárra yfir fiskveiðiauðlindinni um aldur og ævi.

 

Þetta er enn sorglegra ef þetta klúðrast svona því að þetta er sennilega eina stórmálið þar sem þessi Ríkisstjórn hefur mikinn meirihluta fólks í landinu með sér.

 

Ef að þið klúðrið þessu máli, en haldið áfram að keyra áfram ykkar stærstu og hörmulegustu mistök þ.e. ESB umsóknina sem er í óþökk mikils meirihluta þjóðarinnar. Þá eruð þið endanlega búin að vera.

 

Ég studdi ekki VG í síðustu kosningum til þess að senda inn þessa ESB umsókn og svo í ofanálag að eyðileggja fyrir því að eðlileg og sanngjörn breyting yrði gerð á fiskveiðistjórninni !

 

Það er þokkalegt fyrir mig að hafa hrökklast úr Samfylkingunni á sínum tíma út af ESB vitleysunni og ISG og yfir til VG og sjá svo þessa tvo flokka fara saman svona illilega að ráði sínu.

 

Það verður erfitt að kjósa næst, eftir þessa endemis vitleysu.

Kannski Framsókn eða Sjallana eða kannski vonum við bara að Lilja Mósesdóttir stofni alvöru flokk, til höfuðs þessum tveimur íhalds- og afturhaldsflokkum ! 

Þetta er ekki stjórnarfrumvarp

Íbúar ESB óttast SKULDA- og EVRU-kreppuna meira en allt annað !

Samkvæmt neðangreindri frétt þá óttast íbúar ESB ekkert meir en þessa hroðalegu skulda- og EVRU kreppu.

 

Væri ekki rétt hjá Áróðurs- og útbreiðslumálacommísar ESB Stefan Fulle fyrrverandi háttsettum félaga í harðlínu Kommúnistaflokki Tékkóslóvakíu að fá Össur hinn Skarpa og kannski líka Árna Pál og Jóhönnu líka til að fara í yfirreið um lendur ESB og róa ótta þessa fólks.

 

Þó Össur hinn Skarpi hafi reyndar lýst því yfir í Rannsóknarskýrslu Alþingis að hann hafi ekki hundsvit á efnahags- og peningamálum.

 

Þá er hann marg búinn að segja okkur hér að þessi vandi á ESB/EVRU svæðinu sé bara smámál sem hin óskeikula Commísaraklíka Evrópusambandsins sé búinn að teikna upp og kortleggja og að bæði Evran og Bandalgið sjálft komi mun sterkari út úr þessum smá vandræðum innan skamms !

 

Sumir af valdamestu og raunsærri leiðtogum Sambandsins eins og Angela Merkel lýsa því aftur á móti yfir að þetta sé alvarlegasta kreppa sem Evrópa standi frammi fyrir síðan á stríðsárunum og að það muni taka áratugi að komast út úr henni, ef það þá tekst.

 

En Össur hinn Skarpi brosir bara bísperrtur sem aldrei fyrr og gefur ekkert fyrir svona yfirlýsingar, frekar en annarra sérfræðinga, þó svo að hann hafi opinberlega lýst því yfir að hann hafi reyndar ekki hundsvit á efnahags- eða peningamálum !

 

Þessu Íslenska ESB trúboði er nefnilega ekki við bjargandi, því að það tekur hvorki rökum eða staðreyndum.

Því að fyrir þeim er ESB- og Skuldavafningurinn Evra nefnilega há heilög og óhrekjanleg trúarbrögð ! 

Óttast efnahagskreppuna meira en hryðjuverk

Auðvitað verður Ísland alltaf hluti af Evrópu, þó svo að þjóðin hafni hinu handónýta stjórnsýsluapparati sem heitir ESB !

Nú virðist fokið í flest skjól hjá ESB trúboðinu á Íslandi, enda flest öll rök þeirra fokin út í veður og vind fyrir löngu síðan.

 

Nú reynir Össur á lymskulegan hátt að læða því inn að gera þurfi aðildarsamning við ESB til þess að þjóðin fái að ákveða það hvort að við "verðum í Evrópu eða ekki".

 

Þvílíkt rugl, auðvitað munum við alltaf tilheyra heimsálfunni Evrópu.

 

Eru þá Noregur og Sviss í Ameríku eða Asíu, en ekki í Evrópu af því að þau bæði höfnuðu því að gerast aðilar að ESB stjórnsýsluapparatinu, sem Össur skarpi þráir að koma þjóð sinni inn í - sama hvað.

 

Þeim gæti þegar nær dregur, alveg eins dottið í hug í ófyrirleitnum ESB áróðri sínum að láta líta svo út að kosningar um ESB aðild muni snúast um það hvort við ætluðum að tilheyra mannkyninu eða einhverri annarri óæðri dýrategund.

 

Auðvitað kemur rík þjóð með gríðarlega framleiðslugetu og miklar og dýrmætar auðlindir eins og Ísland alltaf til með að greiða árlega milljarða inn í þetta skrifræðis- SKULDA og KREPPUBANDALAG, það hefur lengi legið ljóst fyrir.

 

Meira að segja hörðustu ESB aftaníossar eins og Össur skarpi viðurkenna það, þó þeir reyni ávallt að gera eins lítið úr því eins og mögulegt er.

 

Margir sérfræðingar sem farið hafa óhlutlægt yfir þessi mál segja að þessi tala muni nema allt að 6 til 12 milljörðum árlega umfram það sem við mögulega fengjum til baka í mjög svo vafasömum ölmusu styrkjum.

 

Sem gera lítið annað en bjaga og skekkja samkeppnisstöðu heilbrigðs atvinnulífs og hafa sýnt sig í að framkalla gríðarlega spillingu og skapa litla sem enga aukna framleiðni miðað við umfang og kostnað við skrifræðið sem fyrirtækin þurfa að leggja í til að þjóna skrifræðinu sem tekur styrkina fyrir og útdeilir þeim.

Þá er ótalinn nokkurra milljarða kostnaður við að halda úti embættisskaranum í Brusssel og nýjum óþörfum skrifræðis stofnunum og embættisaðli hér innanlands að kröfu ónýts regluverks ESB sem telur samtals hátt í 100.000 blaðsíður af tilskipunum og regluverki !

Ísland verði nettógreiðandi

Markaðurinn hefur greinilega enga trú á hinum nýju Tecnókrötum eins og Mario Monti sem voru skipaðir beint af Ráðsstjórn ESB Elítunnar í Brussel !!

Þetta er bara niður og niður !

Landsstjóri Ítalíu, Commisarinn  Mario Monti sem nýlega var skipaður af Ráðstjórn ESB Elítunnar í Brussel til að deila og drottna yfir Ítalíu, ásamt sínum tæknikrötum ræður ekki neitt við neitt og markaðurinn hefur greinilega enga trú á töfralausnum hans né Ráðsstjórnar Brussel valdsins !

Skuldatryggingarálag landsins er enn óbærilegt og hlutabréfamarkaðir landsins eru í hættulegri og stöðugri niðursveiflu.

Atvinnuleysi eykst enn og efnahagslífið áfram í alvarlegri og stöðugri kreppu.

 

 

Hlutabréfaverð tekur dýfu

ESB ber mútufé og fríðindi á íslenska fjölmiðla og fjölmiðlafólk. Til stórskammar fyrir sjálfsstæða fréttamiðla !

Það er ekkert að því og ekki nema sjálfssagt að blaða- og fréttamenn kynni sér rækilega kosti og galla ESB aðildar og jafnvel heimsæki höfuðstöðvar þess í þeim tilgangi.

 

En þá eiga þeir líka að gera það á gagnrýnan hátt og á sínum sjálfsstæðu og faglegu forsendum og þá líka á kostnað þeirra fjölmiðla sem þeir starfa fyrir.

 

En ekki þyggja lúxus boðsferðir á SAGA CLASS búandi á 5 stjörnu lúxushótelum og allur matur, vín og drykkir í boði ESB og svo smá sporslur að auki í formi beinna peningagreiðslana sem laumað er í vasa hvers og eins þeirra, er algert hneyksli, eins og uppvíst er nú orðið um 16 íslenska frétta og blaðamenn þar af nokkra af RÚV fréttamiðli allra landsmanna !

 

Þetta lyktar allt illa af mútustarssemi og að verið sé með óeðlilegum hætti að hafa áhrif á skoðanir íslenskra fjölmiðla og fréttamanna þeirra !

 

Síðan í ofan á lag er rækilega séð til þess að þessir blaðamenn fái ekkert færi á að kynna sér starfssemi ESB á óhlutlægan og sjálfsstæðan hátt.

 

Nei, nei dagskráin er öll á færibandi og á forsendum ESB, skipulögð og framreidd af Áróðurs- og kynningarapparati ESB sem sér til þess að skipuleggja allt heila "Showið" alla fundina, hverja þau hitta og hverja þau mega ekki hitta, öll kokteilboðin og rándýru matarboðin og hvaða silkihúfur Ráðsstjórnarinnar skála nú við þau og sitja með þeim til borðs sem viðhlæjendur og "vinir".

 

Leiktjöld ESB Ráðstjórnarelítunnar, eru leiktjöld fáránleikans en verða samt að líta vel út á yfirborðinu, sérstaklega fyrir fjölmiðlafólki.

 

Heim koma svo þessir forrituðu fréttamenn eftir Brusselreisuna svolítið vankaðir og smá þunnir til að byrja með eftir öll kokteilboðin og flestir líka bætt á sig nokkrum aukakílóum.  

 

En jafnframt algerlega stútfullir af fróðleik og gríðarlegri þekkingu um ESB-stjórnsýsluna og þá miklu og merkilegu starfssemi hinna óskeikulu Commísara ráða og nefnda sem þar er rekinn í "þágu alþýðunnar".

 

En þeir eru samt eftir allar trakteringarnar og vasapeningana líka algerlega "hlutlausir".  

 

Trúir fólk því virkilega að svo sé og þeir kannski líka með loforð í vasanum um aðra og enn glæsilegri boðsferð á næsta ári.

 

Þetta er mjög óeðlileg mötun og hrein mútustarfssemi sem ber öll merki þess að ESB- Ráðstjórnarapparatið sé að reyna að kaupa sér velvild fjölmiðla og fréttamanna þeirra með mjög óviðeigandi og ógeðfelldum hætti.