Nú verður Jón Bjarnasyni fórnað ! - Það er aðalmálið og þá er vonandi úti um þessa aumu ESB- Ríkisstjórn !

Skil ekki hvað þau eru að reyna að hanga þetta lengur á völdunum.

 

Þjóðin vill ekki sjá þessa Ríkisstjórn lengur og þjóðin vill alls ekki ESB aðild.

 

Þrír þegar stokknir fyrir borð af þingmönnum VG, vegna þýlindis og þjónkunnar Steingríms J. og forystu VG við Samfylkinguna og flokkurinn er rjúkandi rústir á eftir.

 

Ábyggilega eru þau nú að leggja á ráðin um að koma Jóni Bjarnasyni fyrir kattarnef, þess vegna er nú leitað logandi ljósi að finna einhverjar mútuþægar varaskeifur til að þau geti áfram hangið á völdunum og haldið áfram þessu ESB- rugli að kröfu Samfylkingarinnar !

 

Yfirgengilegt þetta ESB- rugl sem hefur á versta tíma, sundrað þjóðinni miklu meir og verr en frá sjálfri  Sturlunga öld ! 

Breytingar á ríkisstjórninni ræddar

Athugasemdir

[Anna Sigríður Guðmundsdóttir, 29.12.2011 kl. 19:17]

Gunnlaugur.

Guð hjálpi þessu forystu-fólki í ríkisstjórninni ef þau láta Jón Bjarnason fara, því þá fyllist þolinmæðis-mælirinn hjá meirihluta þjóðarinnar. Þegar íslendingum endanlega ofbýður, þá verða mótmælin eftirminnileg.

Ábyrgð þessa ríkisstjórnar-fólks er mikil á afleiðingunum, ef hún ætlar að hundsa lýðræðið meir en orðið er.

Þetta er ekki hótun heldur viðvörun.

Það eru takmörk fyrir hversu langt er hægt að ganga í svikunum, án þess að fólk rísi upp. Líka á Íslandi, þó sumir haldi að það sé endalaust hægt að svíkja og kúga Íslenska alþýðu án alvarlegra afleiðinga!

Almættið algóða gefi að fólk átti sig á hversu alvarlegt ástandið er orðið hjá þolinmóðum og sviknum almúganum. Sök bítur sekan.

Hvar er lýðræðis-virðingin, friðurinn og náunga-kærleikurinn hjá stjórnvöldum? Fyrir hvað stendur þessi ríkisstjórn?

M.b.kv.

[Gunnlaugur I., 29.12.2011 kl. 19:38]

Já heil og sæl Anna Sigríður. Satt segir þú.

Ég segi nú bara fyrir mig að vonbrigði mín yfir þessari hörmungar Ríkisstjórn eru enn meiri og sárari, vegna þess að ég studdi sjálfur VG fyrir síðustu kosninngar, sérstaklega vegna harðrar og að því er virrtist einarðrar ESB andstöðu en einnig vegna þess að þeir höfðu verið lengst frá sjálfu Hruns-liðinu.

En síðan ganga þeir til liðs við SF og eins og glópar láta þá plata sig í þetta ESB fúafen, sem hefur eyðilagt og hálf stútað þessu annars þjóðþrifa stjórnmálaafli sem VG var.

Mikil er ábyrgð og hörmung SJS í þessu máli.

Nú er ég svo langþreyttur og svekktur og reiður á þessari Ríkisstjórn að ég er bara á móti þessari Ríkisstjórn sama hvað !

Fari hún bara Norður og Niður, sem allra fyrst !