Gummi Steingrímss & "Besti" = illa grímuklætt útibú frá Samfylkingunni og ESB trúboðinu á Íslandi.

Fólki ber að varast eftirlíkingar er oft sagt, sérstaklega ef um slæmar eftirlíkingar er að ræða.

 

En í þessu tilviki er því þannig varið að þeim mun betur sem þeim tekst upp við að gera eftirlíkinguna líkari frummyndinni því afleitari og hættulegri verður útkoman, íslensku þjóðinni ! 

 

En þegar eftirlíkingarnar eru orðnar svona augljósir og misheppnaðir brandarar eins og þessi, þá þarf fólk að hafa allan vara á sér.

 

Ekki nóg með að þetta sé einskonar útibú og eftirlíking af Samfylkingunni og ESB trúboði þeirra þá sýnist mér að þessi drög að flokksstofnun séu að mestu leyti samansafn og uppsóp sundrunga liðs og tækifærissinna sem ætla sér nú að nýta tækifærið sem svona ný framboð hafa alltaf haft, sérstaklega þegar illa árar í þjóðfélaginu.

Gríðarlegur áhugi á framboðinu

Loksins sammála Jóhönnu. Þetta mál á að leiða til lykta í samræmi við stjórnarsáttmálan.

Þetta er allt hið sorglegasta mál og því miður hefur Jón Bjarnason og ráðuneyti hans algerlega brugðist í málinu og reynst algerlega ófær um að leiða þetta mál og fylgja nokkurn veginn eftir nánast samhljóða stefnu beggja stjórnarflokkana í þessu fiskveiðistjórnunar máli og ná fram eðlilegum breytingum á því.

 

Það sem ég hef séð af þessum drögum að frumvarpi er alger bastarður og þó svo að LÍÚ forystan mótmæli þessu og þykist gráta.

 

Þá er það einungis sýndarmennska og tár þeirra krókudílatár, því að í raun er þeim þetta mikið gleðiefni.

 

Ef þetta fær að fara svona í gegn þá er verið að festa núverandi afturhalds kerfi í sessi og einokun örfárra yfir fiskveiðiauðlindinni um aldur og ævi.

 

Þetta er enn sorglegra ef þetta klúðrast svona því að þetta er sennilega eina stórmálið þar sem þessi Ríkisstjórn hefur mikinn meirihluta fólks í landinu með sér.

 

Ef að þið klúðrið þessu máli, en haldið áfram að keyra áfram ykkar stærstu og hörmulegustu mistök þ.e. ESB umsóknina sem er í óþökk mikils meirihluta þjóðarinnar. Þá eruð þið endanlega búin að vera.

 

Ég studdi ekki VG í síðustu kosningum til þess að senda inn þessa ESB umsókn og svo í ofanálag að eyðileggja fyrir því að eðlileg og sanngjörn breyting yrði gerð á fiskveiðistjórninni !

 

Það er þokkalegt fyrir mig að hafa hrökklast úr Samfylkingunni á sínum tíma út af ESB vitleysunni og ISG og yfir til VG og sjá svo þessa tvo flokka fara saman svona illilega að ráði sínu.

 

Það verður erfitt að kjósa næst, eftir þessa endemis vitleysu.

Kannski Framsókn eða Sjallana eða kannski vonum við bara að Lilja Mósesdóttir stofni alvöru flokk, til höfuðs þessum tveimur íhalds- og afturhaldsflokkum ! 

Þetta er ekki stjórnarfrumvarp

Íbúar ESB óttast SKULDA- og EVRU-kreppuna meira en allt annað !

Samkvæmt neðangreindri frétt þá óttast íbúar ESB ekkert meir en þessa hroðalegu skulda- og EVRU kreppu.

 

Væri ekki rétt hjá Áróðurs- og útbreiðslumálacommísar ESB Stefan Fulle fyrrverandi háttsettum félaga í harðlínu Kommúnistaflokki Tékkóslóvakíu að fá Össur hinn Skarpa og kannski líka Árna Pál og Jóhönnu líka til að fara í yfirreið um lendur ESB og róa ótta þessa fólks.

 

Þó Össur hinn Skarpi hafi reyndar lýst því yfir í Rannsóknarskýrslu Alþingis að hann hafi ekki hundsvit á efnahags- og peningamálum.

 

Þá er hann marg búinn að segja okkur hér að þessi vandi á ESB/EVRU svæðinu sé bara smámál sem hin óskeikula Commísaraklíka Evrópusambandsins sé búinn að teikna upp og kortleggja og að bæði Evran og Bandalgið sjálft komi mun sterkari út úr þessum smá vandræðum innan skamms !

 

Sumir af valdamestu og raunsærri leiðtogum Sambandsins eins og Angela Merkel lýsa því aftur á móti yfir að þetta sé alvarlegasta kreppa sem Evrópa standi frammi fyrir síðan á stríðsárunum og að það muni taka áratugi að komast út úr henni, ef það þá tekst.

 

En Össur hinn Skarpi brosir bara bísperrtur sem aldrei fyrr og gefur ekkert fyrir svona yfirlýsingar, frekar en annarra sérfræðinga, þó svo að hann hafi opinberlega lýst því yfir að hann hafi reyndar ekki hundsvit á efnahags- eða peningamálum !

 

Þessu Íslenska ESB trúboði er nefnilega ekki við bjargandi, því að það tekur hvorki rökum eða staðreyndum.

Því að fyrir þeim er ESB- og Skuldavafningurinn Evra nefnilega há heilög og óhrekjanleg trúarbrögð ! 

Óttast efnahagskreppuna meira en hryðjuverk

Auðvitað verður Ísland alltaf hluti af Evrópu, þó svo að þjóðin hafni hinu handónýta stjórnsýsluapparati sem heitir ESB !

Nú virðist fokið í flest skjól hjá ESB trúboðinu á Íslandi, enda flest öll rök þeirra fokin út í veður og vind fyrir löngu síðan.

 

Nú reynir Össur á lymskulegan hátt að læða því inn að gera þurfi aðildarsamning við ESB til þess að þjóðin fái að ákveða það hvort að við "verðum í Evrópu eða ekki".

 

Þvílíkt rugl, auðvitað munum við alltaf tilheyra heimsálfunni Evrópu.

 

Eru þá Noregur og Sviss í Ameríku eða Asíu, en ekki í Evrópu af því að þau bæði höfnuðu því að gerast aðilar að ESB stjórnsýsluapparatinu, sem Össur skarpi þráir að koma þjóð sinni inn í - sama hvað.

 

Þeim gæti þegar nær dregur, alveg eins dottið í hug í ófyrirleitnum ESB áróðri sínum að láta líta svo út að kosningar um ESB aðild muni snúast um það hvort við ætluðum að tilheyra mannkyninu eða einhverri annarri óæðri dýrategund.

 

Auðvitað kemur rík þjóð með gríðarlega framleiðslugetu og miklar og dýrmætar auðlindir eins og Ísland alltaf til með að greiða árlega milljarða inn í þetta skrifræðis- SKULDA og KREPPUBANDALAG, það hefur lengi legið ljóst fyrir.

 

Meira að segja hörðustu ESB aftaníossar eins og Össur skarpi viðurkenna það, þó þeir reyni ávallt að gera eins lítið úr því eins og mögulegt er.

 

Margir sérfræðingar sem farið hafa óhlutlægt yfir þessi mál segja að þessi tala muni nema allt að 6 til 12 milljörðum árlega umfram það sem við mögulega fengjum til baka í mjög svo vafasömum ölmusu styrkjum.

 

Sem gera lítið annað en bjaga og skekkja samkeppnisstöðu heilbrigðs atvinnulífs og hafa sýnt sig í að framkalla gríðarlega spillingu og skapa litla sem enga aukna framleiðni miðað við umfang og kostnað við skrifræðið sem fyrirtækin þurfa að leggja í til að þjóna skrifræðinu sem tekur styrkina fyrir og útdeilir þeim.

Þá er ótalinn nokkurra milljarða kostnaður við að halda úti embættisskaranum í Brusssel og nýjum óþörfum skrifræðis stofnunum og embættisaðli hér innanlands að kröfu ónýts regluverks ESB sem telur samtals hátt í 100.000 blaðsíður af tilskipunum og regluverki !

Ísland verði nettógreiðandi

Markaðurinn hefur greinilega enga trú á hinum nýju Tecnókrötum eins og Mario Monti sem voru skipaðir beint af Ráðsstjórn ESB Elítunnar í Brussel !!

Þetta er bara niður og niður !

Landsstjóri Ítalíu, Commisarinn  Mario Monti sem nýlega var skipaður af Ráðstjórn ESB Elítunnar í Brussel til að deila og drottna yfir Ítalíu, ásamt sínum tæknikrötum ræður ekki neitt við neitt og markaðurinn hefur greinilega enga trú á töfralausnum hans né Ráðsstjórnar Brussel valdsins !

Skuldatryggingarálag landsins er enn óbærilegt og hlutabréfamarkaðir landsins eru í hættulegri og stöðugri niðursveiflu.

Atvinnuleysi eykst enn og efnahagslífið áfram í alvarlegri og stöðugri kreppu.

 

 

Hlutabréfaverð tekur dýfu

ESB ber mútufé og fríðindi á íslenska fjölmiðla og fjölmiðlafólk. Til stórskammar fyrir sjálfsstæða fréttamiðla !

Það er ekkert að því og ekki nema sjálfssagt að blaða- og fréttamenn kynni sér rækilega kosti og galla ESB aðildar og jafnvel heimsæki höfuðstöðvar þess í þeim tilgangi.

 

En þá eiga þeir líka að gera það á gagnrýnan hátt og á sínum sjálfsstæðu og faglegu forsendum og þá líka á kostnað þeirra fjölmiðla sem þeir starfa fyrir.

 

En ekki þyggja lúxus boðsferðir á SAGA CLASS búandi á 5 stjörnu lúxushótelum og allur matur, vín og drykkir í boði ESB og svo smá sporslur að auki í formi beinna peningagreiðslana sem laumað er í vasa hvers og eins þeirra, er algert hneyksli, eins og uppvíst er nú orðið um 16 íslenska frétta og blaðamenn þar af nokkra af RÚV fréttamiðli allra landsmanna !

 

Þetta lyktar allt illa af mútustarssemi og að verið sé með óeðlilegum hætti að hafa áhrif á skoðanir íslenskra fjölmiðla og fréttamanna þeirra !

 

Síðan í ofan á lag er rækilega séð til þess að þessir blaðamenn fái ekkert færi á að kynna sér starfssemi ESB á óhlutlægan og sjálfsstæðan hátt.

 

Nei, nei dagskráin er öll á færibandi og á forsendum ESB, skipulögð og framreidd af Áróðurs- og kynningarapparati ESB sem sér til þess að skipuleggja allt heila "Showið" alla fundina, hverja þau hitta og hverja þau mega ekki hitta, öll kokteilboðin og rándýru matarboðin og hvaða silkihúfur Ráðsstjórnarinnar skála nú við þau og sitja með þeim til borðs sem viðhlæjendur og "vinir".

 

Leiktjöld ESB Ráðstjórnarelítunnar, eru leiktjöld fáránleikans en verða samt að líta vel út á yfirborðinu, sérstaklega fyrir fjölmiðlafólki.

 

Heim koma svo þessir forrituðu fréttamenn eftir Brusselreisuna svolítið vankaðir og smá þunnir til að byrja með eftir öll kokteilboðin og flestir líka bætt á sig nokkrum aukakílóum.  

 

En jafnframt algerlega stútfullir af fróðleik og gríðarlegri þekkingu um ESB-stjórnsýsluna og þá miklu og merkilegu starfssemi hinna óskeikulu Commísara ráða og nefnda sem þar er rekinn í "þágu alþýðunnar".

 

En þeir eru samt eftir allar trakteringarnar og vasapeningana líka algerlega "hlutlausir".  

 

Trúir fólk því virkilega að svo sé og þeir kannski líka með loforð í vasanum um aðra og enn glæsilegri boðsferð á næsta ári.

 

Þetta er mjög óeðlileg mötun og hrein mútustarfssemi sem ber öll merki þess að ESB- Ráðstjórnarapparatið sé að reyna að kaupa sér velvild fjölmiðla og fréttamanna þeirra með mjög óviðeigandi og ógeðfelldum hætti.

Mikill meirihluti þjóðarinnar vill afturkalla ESB umsóknina ! Mikið reynt til að þagga það í hel !

Þessi nýja en faglega skoðanakönnun MMR sem sýnir svo ekki er um að villast að afgerandi meirihluti þjóðarinnar vill nú afturkalla ESB umsóknina og slíta þessum ESB samninga/aðlögunar viðræðum, nú þegar.

Merkilegt er að sjá hvernig flestir helstu fréttamiðlar landsins reyna að sniðganga, þagga í hel, eða að afvegaleiða fréttir af þessari niðurstöðu skoðanakönnunar MMR. 

Niðurstöðurnar eru nefnilega sláandi og sýna að minnihluti þjóðarinnar, rétt rúmur þriðjungur, styður áframhaldandi aðildarviðræður við ESB, eða aðeins 35,3% meðan 50,5% lýsa sig vera andvígir frekari aðildarviðræðum.

Aðeins 14,2 hafa enn ekki tekið afstöðu eða eru hlutlausir.

Þetta segir að 58,9 % eru andvígir frekari ESB aðildarviðræðum en 41,1% vilja halda þeim áfram, ef aðeins er tekið mið af þeim sem afstöðu taka eins og gert væri í alvöru kosningum.

Þetta þýðir náttúrulega ekki að þessi 14,2% sem ekki hafa tekið afstöðu vilji allir halda ESB viðræðum áfram, síður en svo.

Samkvæmt öllum faglegum kosningarannsóknum er líklegast að helmingur þessara 14,2 % muni aldrei ná að mynda sér skoðun eða verða áfram hlutlausir og eða aldrei mæta á kjörstað.

Þeir verða því aldrei taldir með í niðurstöðum þegar og ef kosningar verða haldnar.

Samkvæmt sömu könnunum myndi hinn helmingur þessa hóps eða ca 7,1% skiptast í sömu hlutföllum, hlutfallslega milli þessara 2ja fylkinga.

Það segði okkur að þeim sem vildu slíta þessum viðræðum myndi heldur aðeins fjölga og ef aðeins væri tekið tillit til þeirra sem afstöðu tækju þá myndu yfir 60% íslendinga vilja slíta þessum ESB aðildarviðræðum nú, en innan við 40% halda þeim áfram. 

En nú er fróðlegt að skoða hvað íslenskir fjölmiðlar segja og eða þegja:

1. Morgunblaðið skýrði frá þessari athyglisverðu könnun rétt, en hlutlaust.

2. Vísir og Bylgjan hafa þagað þunnu hljóði að því að ég best veit.

3. EYJAN, ESB-Samfylkingar Eyjan eins og sumir kalla hana þegir einnig þunnu hljóði.

4. Hið kolhlutdræga ESB- Ríkisútvarp "allra landsmanna" reyndi allt hvað þeir gátu að þagga þetta niður. Þannig sagði Sjónvarpið eða Fréttatímar útvaprs rásar 1 eða 2 ekkert frá þessu.

5. Vefmiðill Rúv sagði frá þessu í fyrirsögn að: "Helmingur landsmanna væri á móti ESB aðildarviðræðum" Reyndi sem sagt að gefa í skyn að hinn helmingurinn væri  hlynntur áframhaldandi ESB viðræðum. Þetta væri svona einskonar 50/50 dæmi.

Enn og aftur sést hvað ESB trúboðið á Íslandi er berskjaldað og fylgislaust nema helst í íslenskum ESB- sinnuðum fjölmiðlum landsins, sem flestir halda enn úti sínum vonlausa ESB áróðri.

Kannski sumir þessara fjölmiðla og fréttamanna séu nú þegar á launum og fjár- og mútugreiðslum frá ESB ráðsstjórninni sjálfri, eða Auglýsingastofunni Athygli sem hefur fengið nokkur hundruð milljónir frá ESB- Ráðsstjórninni í Brussel til að bera fé á ESB sinnaða fjölmiðla, félagasamtök og einstaklinga sem vilja bera út hið óskeikula fagnaðarerindi ESB Elítunnar ! 

 

 

 

Örvænting ESB Yfircommísarana þeirra Barroso og Rompuy eykst: Nú leggja þeir til "ástarbréfaleiðina" til að fjármagna Neyðarsjóðina. Sömu leið og íslensku Hrunbankarnir fóru.

Þessi örvæntingarfullu neyðarúrræði eru gerð til að reyna að blása upp fjármagn sem er ekki til.

Svona til að reyna að "gíra fjármagn upp" eins og það hét í sápukúluhagfræði Bankaglæponana íslensku þegar þeir sendu hvorir öðrum á víxl svokölluð ástarbréf sem voru innistæðulausir skuldabréfa vafningar.

Þó þeir vissu að þeir stefndu óðfluga fram af hengifluginu, en bara til þess að geta haldið veislunni aðeins lengur áfram og blekkt Seðlabankann enn einu sinni og aðra til að lána sér enn meira fé.

 

Þessar örvæntingarfullu aðgerðir ESB Elítunnar vísa bara áfram veginn niður til heljar !

Evran er dauðadæmdur skuldavafningur.

"Evran er hættulegasti gjaldmiðill í heimi" eins og hið virrta Þýska viðskiptatímarit Der Spiegel sagði nýlega. 

Áætlun um evruskuldabréf lögð fram

Mario Monti, Landsstjóri ESB Ráðstjórnarinnar á Ítalíu, fer með alræðisvöld og drottnar nú í nafni Ráðstjórnar ESB yfir Ítalíu !

Það kaus enginn á Ítalíu þennan mann.

Hann er skipaður af Ráðsstjórninni, sjálfri valdaelítunni í Brussel til að sjá um að Ítalía fari að þeirra ráðum í einu og öllu, hann stjórnar ekki Ítalíu hann drottnar í nafni ESB !

Lýðræðinu skal nú sem oft áður umsvifalaust vikið til hliðar.

Nú skal enn og aftur vernda sjálft valdasystemið þ.e. ESB/EVRU Elítuna og þennan handónýta skuldavafning þeirra Evruna og svo að sjálfssögðu stórkapítal Evrópu.

Alla þeirra helstu braskbanka- og vogunarssjóði og almenningur ESB/EVRU svæðisins verður látinn borga allan fórnarkostnaðinn og sukkið um ókomin ár og margar kynslóðir.

"Mamma mía"

Ég hugsa af að tvennu illu að þá hefði Ítalska Mafían getað stjórnað Ítalíu betur og alla vegana hugsað betur um Ítalskan almenning en þetta uppþornaða embættismanna ESB- hyski, sem Marío Monti Landsstjóri ESB Ráðsstjórnarinnar á Ítalíu  stendur fyrir !

Ráðstjórn ESB-Sovéttsins verður alltaf augljósari og ófyrirleitnari eftir því sem meira fjarar undan henni í sjálfum Ráðstjórnarríkjum Evrópusambandsins og nú á sjálfri Ítalíu.

Grikkland, Portúgal og Írland eru þegar fallinn fyrir þessari ólýðræðislegu ófreskju ESB- Ráðstjórnarinnar ! Fleiri bíða í biðsal ESB/EVRU dauðans. Hönd ESB dauðans vofir yfir !

Monti fer sjálfur með efnahagsmál

Nýr "Landsstjóri" Brussel Ráðstjórnar-valdsins, Mario Monti, með valdboði og hótunum um efnahagslega tortýmingu settur yfir Ítalíu !

Enginn kaus hann, hann er handvalinn af Ráðstjórninni í BRUSSEL og af Elítunni þar.

Lýðræðinu er nú sem oft áður vikið til hliðar að kröfu ESB valdsins, en nú með sérlega freklegum hætti.

Sama á við um Grikkland þar sem Papandreo var bolað úr embætti fyrir að ætla sér þá "AND-ESB sinnuðu" aðgerð að ætla Grískum almenningi að ráða örlögum sínum í almennri þjóðaratkvæðagreiðslu.

Bæði þessi ríki hafa nú verið tekin yfir af Ráðsstjórninni í Brussel, sem skipað hefur í æðstu stöður, trúholla ESB Tecnokrata sem hafa í áratugi þjónað ESB elítunni í Brussel af trúmennsku og við ECB bankann, Seðlabanka Evrópusambandsins.

Nú skal harðlínunni frá Brussel fylgt í einu og öllu og þeir hafa nú beint tangarhald sitt á öllu saman.

Minnir á þegar Sovéttið deildi og drottnaði til dæmis þegar óþægum Stjórnendum í Ungverjalandi og Tékkóslóvakíu var bolað frá völdum og þægir harðlínu leppar Ráðstjórnarinnar í Moskvu settir í þeirra stað.

Sovéttið notuðu að vísu vopnaðan her til sinna óhæfuverka en ESB Ráðstjórnin notar nú vopnuð Pappírstígristír og fjármuni og fjárhagslega yfirburði og dómineringu ECB bankans sem hótanir við sín óhæfuverk til að berja einstök aðildarríki til tafarlausrar undirgefni og hlýðni við Ráðstjórnina í Brussel.

Annars verði viðkomandi ríki einangruð og lögð í fjárhagslega rúst !

Er þetta það lýðræði sem fólk vill, ég bara spyr !

Ég sannfærist alltaf meira og meira um að Vladímir Bukovsky vísindamaður og fyrrum andófsmaður og fangi Sovétt Ráðstjórnarinnar í Moskvu hefur alveg rétt fyrir sér þegar hann varar alvarlega við að hið ólýðræðislega ESB stjórnsýslu apparat sé að öllu leyti að líkjast æ meir hinum hörmulegu Sovétríkjum ! 

 

Tekur formlega við útnefningunni