ESB hótar ólöglegum refsiaðgerðum gagnvart íslendingum, vegna fullkomlega löglegra veiða okkar á makríl ! !

Yfirgangur og ólöglegar hótanir ESB ganvart okkur Íslendingum vegna fullkomlega löglegra veiða okkar á makríl innan okkar eigin 200 mílna fiskveiðilögsögu, eru algerlega óþolandi, gagnvart fullvalda og sjálfsstæðri þjóð.

 

Veiðar okkar á makríl innan okkar eigin fisklveiðilögsögu hér eru þjóðréttarlega lögvarðar samkvæmt alþjóðalögum og sáttmálum sem við og ESB erum skuldbundin af s.s. samkvæmt Hafréttarsáttmála Sameinuðu Þjóðanna.

 

Þó svo að ágreiningur sé um veiðikvóta þá getur ESB ekki einhliða tekið sér alræðisvöld og ákveðið einhliða refsiaðgerðir, aðrar en þær léttvægu og gagnkvæmu aðgerðir að banna landanir á sínu svæði á makrílafla þeirra íslenskra fiskiskipa sem veiða þennan afla, meðan deilan er ekki leyst.

 

Allar frekari og víðtækari einhliða þvinganir eða refsiaðgerðir, viðskiptalegar eða með öðrum hætti, eins og þeir nú hóta, eru algerlega ólöglegar og brjóta í bága við Hafréttarsáttmála Sameinuðu Þjóðanna og sáttmála Alþjóða Viðskiptamálastofnunarinnar (IMF) og þar að auki sjálfan EES samninginn.

 

Það yrði saga til næsta bæjar, en kæmi svo sem ekki á óvart ef ESB ætlar að fara að taka sér alræðisvöld á alþjóðlegum vettvangi og brjóta alþjóðalög og alþjóðlegar skuldbindingar með því að beita íslendinga ólöglegum refsiaðgerðum vegna makríldeilunnar.

 

Þjóðinni ber þegar í stað að slíta öllum samninga- og aðlögunarviðræðum við þennan ESB stjórnsýslu- þurs, sem í valdhroka sínum og yfirgangi skirrist ekki við að brjóta alþjóðalög gagnvart viðsemjendum sínum ! 

Refsiaðgerðum gegn Íslandi verði flýtt

Sameiginleg sjávarútvegsstefna ESB - Er óskapnaður, hefur alltaf verið og verður aldrei neitt annað !

Allir sem þekkja Sjávarútvegsmálastefnu ESB og allt dæmalausa ruglið með hana hana um árabil vita þetta.  Kerfi sem er marg stagbætt og hefur byggt á stanslausri sóun og spillingu, þar sem að þær systur ofstjórn og óstjórn hafa drottnað og ríkt áratugum saman !

Það er búið að tala og tala um nauðsynlegar breytingar á þessu kerfi í áratugi, en aldrei gerist neitt, aðeins hent enn einum naglanum ofan í þessa baneitruðu moðuðu og naglasúpu.

Alltaf trúa ESB Commísararnir því að með aðeins meiru og flóknari regluverki geti þeir fullkomnað sköpunarverk sitt.  En samt eru allir alltaf jafn hundóánægðir og virðinginn fyrir þessum óskapnaði er langt undir núllinu hjá sjómönnum og öllum þeim sem nálægt þessari atvinnugrein koma.

Hugsið ykkur að ESB eyðir milljörðum EVRA árlega úr sjóðum Sambandsins í styrki við sjávarútveg aðildarríkjanna, þrátt fyrir að útvegurinn búi að því að hafa 500 milljón manna heimamarkað við hliðina á sér.

Ég hugsa að Íslenska Ríkið og íslenskir sjómenn og útgerðarmenn gætu tekið af þeim þetta ómak og öll þessi vandræði og tekið að sér að reka þennan sjávarútveg þeirra í framtíðinni og gera það með hagnaði án nokkurra styrkja. 

Það mun ekkert breytast að viti í þessu handónýta kerfi þeirra nú frekar enn fyrri daginn - Ekki frekar en að 5 ára áætlanir Sovét kerfisins bötnuðu aldrei neitt frá einni til annarrar ! 

Sjávarútvegsstefna ESB verður aldrei neitt annað en óskapnaður þessa handónýta og óskilvirka ofstjórnunar apparats ESB ! 

Brottkast gæti kostað ESB milljarð punda

Samfylkingin hefur sundrað þjóðinni með ESB umsókninni, fær því aldrei neina þjóðarsátt um eitt né neitt !

Þetta er hlægilegt örvæntingarhróp frá konunni og flokknum hennar sem hefur sundrað þjóðinni á versta tíma í sögu hennar, með ESB þráhyggju og trúarofstæki sínu gegn miklum meirhluta þjóðarinnar.

 

Kallar nú eftir einhverri þjóðarsátt um eigin öfgastefnu sem er strand vegna andstöðu þjóðarinnar !

 

Nei það verður aldrei nein þjóðarsátt um ESB öfgastefnu Samfylkingarinnar.

 

Eina þjóðarsáttin sem gæti átt sér stað og ætti að eiga sér stað sem allra fyrst, væri að allir hinir stjórnmálaflokkarnir, VG þar á meðal, tækju sig saman og boluðu Jóhönnu og hennar skaðræðis- sundrungarpakki út úr Stjórnarráðinu.

 

Því fyrr því betra ! 

Vill þjóðarsátt um gjaldmiðil

Samfylkingin er hættulegur sértrúarsöfnuður og svívirðilegir þjóðníðingar ! Þeirra ESB-Guð býr í Brussel !

Þessum þjóðhættulega sértrúrsöfnuði Samfylkingunni og öllu þeirra hyski þarf að velta úr valdastólum við fyrsta mögulega tækifæri áður enn meira tjón hlýst af fyrir land okkar og þjóð.

 

Þeir vega ítrekað með svívirðilegum hætti að fullveldi þjóðarinnar og sitja um að skaða þjóðina og gjaldmiðil hennar sem mest þeir geta.

 

Hvaða forsætisráðherra nokkurrar frjálsrar og fullvalda þjóðar í veröldinni bölvar og ragnar gjaldmiðli þjóðar sinnar reglulega, þó á móti blási og segir hann handónýtan.

Enginn ábyrgur þjóðarleiðtogi talar, eða hefur talað af slíkum glannaskap og ábyrgðarleysi eins og forsætisráðherra Íslands leyfir sér að gera, þó að það gefi á bátinn !

 

Ekki bölvuðu Svíar sinni Sænsku krónu í upphafi tíunda áratugarins þegar þeir lentu í alvarlegri efnahagskreppu sem setti stýrivexti yfir 500% um tíma. Þeir drógu andann varlega og pössuðu sig engu að síður á að tala varlega og af festu og virðingu um gjaldmiðl sinn.

Þeir prísa sig nú sæla fyrir að hafa haldið í sína krónu og ekki glapist til að taka upp skuldavafninginn EVRUNA.

 

Ekki bölvuðu Rússar svona gjaldmiðli sínum Rúbluni í upphafi tíunda áratugarins þegar gjaldmiðill þeirra var í frjálsu falli og verðbólgan fór yfir 2000%  Þeir stigu varlega til jarðar og réðust að rótum vandans til að treysta gjaldmiðil sinn og spöruðu öll svona gífuryrði.

Nú er rúblan með sterkustu gjaldmiðlum heims.

 

Ekki bölvuðu V-þjóðverjar sínum gjaldmiðli þýska markinu eftir stríð þegar óðaverðbólga og óáran herjaði á efnahag þeirra sem var í molum og lék grátt þáverandi gjaldmiðil þeirra. Þeir bitu á jaxlinn, hugsuðu sitt en sögðu ekkert slæmt sem skaðað gæti gjaldmiðil þeirra eða efnahag, með því tókst þeim með samstilltu átaki þjóðarinnar allrar hægt og bítandi að gera þýska markið að einum öflugasta gjaldmiðli heims, fyrr og síðar.

Meirihluti þjóðverja sér enn eftir markinu sínu og óskar þess heitt og innilega að þeir hefðu aldrei tekið upp vandamála skulda vafninga gjaldmiðilinn EVRU.

 

En hér gefur á bátinn og kerlingin í brúnni telur það helst til bjargræðis að öskra og bölva og ragna og níða niður gjaldmiðil þjóðarinnar hvenær sem tækifæri gefst til. Engu máli skiptir þó hún valdi stórtjóni og sundri enn frekar þjóðinni sem hún átti að sameina en ekki sundra !

 

Þetta er að ganga ítrekað og gróflega gegn hagsmunum þjóðarinnar og kallast ekkert minna en LANDRÁРá kjarnyrtri íslensku!

Það er komið nóg, burt með þessa þjóðníðinga, þetta landráða Samfylkingarhyski !

 

Ég vil þakka Sigmundi Davíð fyrir að mótmæla þessu og skora á hann og allan þingheim, VG þar meðtalið, að taka nú höndum saman um að bola þessu Samfylkingar- landráðahyski og þjóðníðingum út úr Stjórnarráðinu nú þegar.  

 

Því fyrr því betra !

„Sértrúarsöfnuður en ekki stjórnmálaflokkur“

Rétt að þjóðin fái loksins að segja álit sitt á þessu þá 4ra ára ESB feigðarflani !

Alveg hárrétt hjá Þorgerði Katrínu það á að leyfa þjóðinni beint og milliliðalaust að segja álit sitt á ESB í næstu Alþingis kosningum og reyndar löngu kominn tími til.

 

En það hefur íttrekað verið hindrað að þjóðin fengi milliliðalaust að segja álit sitt á þessu máli.

 

Benda má á að í áróðurs- og blekkingarskyni við þjóðina og ekki síst við samstarfsflokkinn, þá sögðu forsvarsmenn Samfylkingarinnar strax í upphafi að við fengjum sérstaka hraðferð og aðildarviðræður tækju ekki nema þetta 14 til 16 mánuði og svo yrði þjóðin látin kjósa um niðurstöðuna.

 

Með þessu reyndu þeir að gefa í skyn að þetta gengi allt fljótt og vel fyrir sig og með þessari lymskulegu tálbeitu tókst þeim að kaupa fylgi flestra þingmanna VG við að fara í þetta feigðarflan og draga þá inn í þessa gildru.

 

Ekki einu sinni 36 mánuðum seinna verður komin nein endanleg niðurstaða í þessa vitleysu, sem ESB dregur viljandi á langinn vegna fylgisleysis þjóðarinnar við ESB.

 

Það er enginn spurning að ef þjóðin fær að segja beint álit þá mun mikill meirihluti hennar hafna þessu skuldabandalagi ESB strax og hún fær tækifæri til þess.

Vill kjósa um ESB í þingkosningum

ESB / EVRU - Rétttrúnaðurinn skal keyrður yfir þjóðina. Aðrir möguleikar skulu þaggaðir niður !

Það er greinilegt og leynir sér ekki að hér hafa komið að fingraför Samfylkingar hluta Ríkisstjórnarinnar.

 

Þau hafa sent Kanadískum stjórnvöldum skilaboð um það að þau kærðu sig ekki um þessa umræðu.

 

Það er því í sjálfu sér algerlega skiljanlegt að ábyrg Kanadísk stjórnvöld hafi brugðist við með þessum hætti. Því að ekki vilja þau að óbreyttur sendiherra þeirra fari að koma af stað einhverju sem skaðað gæti góð samskipti þjóðanna allt frá stofnun íslenska Lýðveldisins.

 

En það er með ólíkindum hvernig Samfylkingin gengur fram í þessu máli.

 

Reynt er með öllum hætti að kæfa helst í fæðingu allar umræður sem ganga út á annað, en þann heilaga rétttrúnað þeirra að hér verði gengið í ESB og tekinn upp baneitraður skuldavafningur sem heitir EVRA.

 

Skuldavafning sem er missmíði frá upphafi og er langt komin með að gera út af við efnahag fjölda ríkja sem glapist hafa við að taka upp þetta fyrirbæri.

 

Án þess að ég sé einhver fylgismaður þess að hér verði tekinn upp Kanada dollar sem lögeyrir, þá finnst mér hinns vegar alveg sjálfssagt að allir möguleikar í þessum efnum verði skoðaðir vandlega. Sérstaklega reyndar möguleikinn að halda hér áfram í okkar krónu og renna styrkari stoðum undir hana.  

 

Það er heldur ekkert búið að loka fyrir það í framtíðinni að þessi umræða verði tekinn upp við Kanadísk stjórnvöld að nýju, þau hafa alls ekki lýst neinni andstöðu við þessa hugmynd.

En það gerist náttúrulega ekki fyrr en búið verður að moka Samfylkingunni út úr Stjórnarráðinu og koma þessari ESB umsókn sem heldur þjóðinni í gíslingu fyrir kattarnef með einum eða öðrum hætti.  

 

Sá tími færist nú óðum nær !

Stjórnvöld andvíg umræðunni

Forstjóri Össurar, atvinnustjórnandinn er sjálfur "Fíllinn í postulínsbúðinni" með órökstuddar dylgjur!

Stoðtækjafyrirtækið Össur h.f. var stofnað árið 1971 af frumkvöðlinum og stoðtækjasmiðnum Össuri Kristinssyni og ber nafn hans enn þann dag í dag.

 

Fyrir dugnað og framtakssemi hans og samstarfsfólks síns tókst honum að gera Össur h.f að viðurkenndu íslensku en jafnframt alþjóðlegu stórfyrirtæki á sviði stoðtækja og tengds búnaðar.

 

Löngu eftir að fyrirtækið hafði fengið alþjóðlega viðurkenningu seldi Össur síðan fyrirtækið til innlendra og erlendra fjárfesta fyrir líklega eitthvað innan við 10 árum eða svo.

 

Hjá fyrirtækinu starfa nú um 1700 manns í fjölmörgum löndum en höfuðstöðvar þess og yfirstjórn eru á Íslandi þar sem starfa u.þ.b. 300 manns við yfirstjórn, og þróunarstarfssemi.

 

Jón Sigurðsson núverandi forstjóri var ekki stofnandi eða frumkvöðull þessa merka fyrirtækis, án þess þó að kasta nokkurri rýrð á stjórnun hans á fyrirtækinu eftir að Össur sjálfur hætti þar þá hefur Jón Sigurðsson aldrei verið neitt annað en ráðinn hálaunaður atvinnustjórnandi þessa stórfyrirtækis sem hafði þegar náð alþjóðlegri viðurkenningu og hann hefur því aldrei nokkurn tímann þurft að vinna þau stórafrek sem frumkvöðillinn og stofnandinn Össur Kristinsson þurfti að ganga í gegnum í upphafsárum þess, með sínu starfsfólki.

 

Fyrirtækið sjálft hefur dafnað og sprungið út á Íslandi með íslensku starfsfólki í íslensku umhverfi og fyrir hugvit og elju stofnandans og íslensks starfsfólks hans sem vann á gólfinu hörðum höndum við að gera það að því alþjóðlegu stórveldi sem það varð með íslenskri krónu og sem það er sem betur fer enn í dag.  

 

Ég veit ekki betur en að Össur hf sem selur sínar vörur að mestu í erlendum gjaldeyri sé fullkomlega heimillt að haga reikningsuppgjöri sínu í hvaða erlendum lögeyri sem er og geri það.

 

Ég veit að við þær aðstæður sem íslenska krónan nú býr við vegna ástandsins í efnahagsmálum hér og heimsins alls, þ.e. að það eru tímabundinn og takmörkuð gjaldeyrishöft hér og alheims kreppa að þá fær fyrirtækið samt sem áður nánast allar þær undanþágur sem það þarfnast hér til þess að fyrirtækið geti starfað og dafnað sem best. Fyrirtækið hefur vaxið og dafnað og hagnast vel ár frá ári.  

 

Ég veit að fyrir skömmu síðan lenti Ísland í að mig minnir í 11 sæti í alþjóðlegri rannsókn yfir þau lönd þar sem auðveldast og einfaldast væri að stofna og reka fyrirtæki, þá var tekið tillit til allskonar samkeppnisþátta, s.s. skrifræðis, leyfisveitinga og annarra íþyngjandi takmarkana.

 

Ég tók eftir að flest ríki ESB voru fyrir neðan Ísland á listanum.

 

Ég hef sjálfur í mörg ár og stend enn í út- og innflutningsviðskiptum á Íslandi en mest í öðrum löndum heims t.a.m. í ESB löndum og ég gef Íslandi og Asíu hiklaust hæstu einkunn fyrir gott viðskiptaumhverfi og skilvirkni og áreiðanleika allra þátta sem áhrif hafa á viðskiptin. Slíkt á ekki við mörg ríki ESB, þó vissulega sé hið "samræmda" kerfi mjög misjafnt þar. 

 

Þó að ég ætli ekki að bera minn smáa rekstur saman við rekstur stórfyrirtækisins Össurar þá finnst mér beinlínis lúgalegt og ódrengilegt hjá þessum hálaunaða atvinnustjórnanda Össurar h.f. að ráðast með þessum ódrengilega hætti að íslensku krónunni og blanda sér með svo ósmekklegum og órökstuddum hætti inn í eitt af mestu deilumálum samtímans og það án nokkurs sýnilegs rökstuðnings, aðeins einhverra merkingarlausra gífuryrða og það með því að nota sér kraft og mikilvægi stöðu sinnar.

 

Mér finnst því orð hans um "fílinn" léttvæg ein fundinn og hitta hann best sjálfan fyrir, nema þá að hann skýri mál sitt skilmerkilega og án svona merkingarlausra upphrópana og svo skiljanlegt sé venjulegu fólki.

 

Ég veit ekki betur en frumkvöðlastarssemi smárra og stórra fyrirtækja á Íslandi blómgist nú sem aldrei fyrr. Alla vegana eru fjölmargar nýlegar fréttir af því.

Auk þess sem ég þekki til íslenskra aðila í slíkum rekstri sem kvarta alls ekki, nema síður sé.

Krónan er fíllinn í stofunni

Frekleg afskipti ESB Ráðstjórnarinnar af innanríkismálum Íslands ! Hvers vegna er þessi lögleysa látin viðgangast.

Það er með ólíkindum að það skuli ekki vera búið að stöðva þennan ósóma og þennan taumlausa fjáraustur í þennan áróður ESB hér á landi.

"Samkvæmt lögum nr. 68 frá 1978 um bann við fjárhagslegum styrkjum erlendra aðila við íslenska stjórnmálaflokka og útgáfu erlendra sendiráða á Íslandi".

En markmið þessara laga var einmitt að koma í veg fyrir íhlutun erlendra aðila um íslensk málefni.

En Samfylkingin er eini íslenski stjórnmálaflokkurinn sem hefur ESB aðild á stefnuskrá sinni, fyrir utan Guðmundarflokkinn með aðeins einn þingmann.

Þetta er því ekkert annað en gróf og frekleg pólitísk íhlutun erlendra aðila um viðkvæm og mjög umdeild innanríkismál íslensku þjóðarinnar.

Ekki nóg með að þeir reki hér sendiráð sem hlýtur að kosta fúlgur fjár og ber fé á fólk og fyrirtæki og heldur úti stanslausum boðsferðum áhrifafólks til Brussel heldur á líka að leggja a.m.k. 220 milljónir í þessa svokölluðu Evrópustofu (ESB stofu) sem á að standa hér fyrir kynningu og áróðri fyrir ESB stjórnsýsluapparatið og mikilfengleik ESB aðildar.

Auk alls þessa á svo að setja 5000 milljónir króna í svokallaða IPA styrki til þess að smyrja aðlögun þjóðarinnar að regluverki ESB.

Í ofanálag og til að bíta höfuðið af skömminni þá á allur þessi fjáraustur frá ESB á fólk og fyrirtæki að vera hafinn yfir íslensk lög og njóta sérstaks skattfrelsis.

Ég spyr nú bara, ætla þingmenn stjórnarandstöðunar að greiða þessum landráðum atkvæði sitt á Alþingi, ég vona ekki.

En það sem verður enn meira spennandi að fylgjast með er það hvort að allir þingmenn VG séu svo miklar "Gungur og Druslur" að þeir muni greiða þessum landráðum atkvæði sitt.

Það yrði síðasti líkkistu naglinn í kistu þess annars fyrrum ágæta flokks og þá hefði sá flokkur endanlega bitið höfuðið af ESB skömm sinni og sú skömm mun verða skráð í Íslandssöguna og verða uppi meðan land vort byggist.

Evrópusambandið kynnir sig sjálft

Kúgun og valdníðsla ESB Ráðstjórnarinnar gagnvart Grikkjum er óforskammaður kapítalisma fasismi ! !

Hvað hefur hin forna menningarþjóð Grikkir til saka unnið, annað en það að hafa gengið í ESB og tekið upp skuldavafninginn EVRU fyrir 10 árum síðan sem hefur sprengt efnahag þeirra í loft upp.

Fölsku öryggi evrunnar, fylgdi óráðsía og ábyrgðarleysi í ríkisfjármálum.

En auk þess var stanslaust haldið að opinbera- og einkageiranum líka gríðarlegu lánsfé á lágum vöxtum, frá helstu stórbrask bönkum á EVRU svæðinu.

Allt of hátt skráð EVRA hefur alls ekki passað þeirra efnahagslífi og eyðilagt efnahag þeirra, útflutningsatvinnuvegi þeirra og ferðamannaiðnaðinn líka.

Nú sýnir valdaelíta Ráðstjórnarinnar í Brussel sitt rétta andlit. Þessar svokölluðu björgunaraðgerðir þeirra eru ekkert til þess að bjarga Grikklandi eða Grískum almenningi. Síður en svo þeir skulu samkvæmt valdboði þeirra enn herða sultarólarnar, skattar skulu ofurhækkaðir, laun almennings skulu lækkuð. Sjúkrahúsum og skólum lokað og öll samfélagsþjónusta skorin niður við trog.

Í ofan á lag er þeim nú gert að selja helstu eigur ríkisins, á brunaútsölu s.s. sjúkrahús og skóla, samgöngumannvirki, heilu eyjaklasana og svo mætti lengi telja. Kaupendurnir verða helstu hrægamma vogunarsjóðir á EVRU svæðinu, sem kaupa á hrakvirði.

Grískt þjóðfélag er í upplausn, þeir sjá að þessi "björgunarpakki ESB" er ekki til þess að hjálpa þeim að standa á fætur og vinna sig út úr erfiðleikunum. Nei þessi lánapakki og þessar harkalegu ráðstafanir eru gerðar til þess að helsta stórkapítal á EVRU svæðinu fái sem mest upp í sínar óabyrgu lánveitingar til Grikklands. Reikningurinn verður síðan sendur á næstu kynslóðir Grikkja. Þeir skulu blóðmjólkaðir.

Yfir þá verður síðan settur harðstjóri frá Elítuhirðinni í Brussel sem einskonar Landsstjóri, sem afnemur lýðræðið en fær sjálfur alræðisvöld yfir fjármálum landsins og þegnum þess og sér svo um að skattpína almenning næstu áratugina og senda fjármunina burt frá Grikklandi og til Brussel valdsins sem sér síðan um að útdeila þeim meðal þeirra útvöldu stórkapítalista sem þeir hafa velþóknun á.  

Þetta er meiri kúgun og niðurlæging en nokkur þjóð hefur orðið að þola á síðari tímum. Þetta er miklu verra heldur en hinir illræmdu Versala samningar voru Þjóðverjum. Sú rangsleitni varð kveikjan að Síðari heimsstyrjöldinni, mannskæðustu styrjöld mannkynssögunnar.

Hlutverk þessa alræðis landsstjóra ESB Ráðstjórnarinnar verður svona svipað og Rómverjar höfðu til forna sína leppstjóra yfir skattlendum sínum sem þeir höfðu hrifsað undir sín yfirráð. 

Er furða að nú geysi harðir götubardagar í Aþenu og helstu borgum Grikklands. Landið rambar á barmi uppreisnar og blóðugrar byltingar fólksins.

Svo segist ESB nú fyrst og fremst vera "friðarbandalag".

Þessi yfirgangur og kúgun sem ESB og Þjóðverjar beita Grikki nú er ekkert annað en ótýndur kapítalista fasismi, sem er uppskrift að uppreisnar og stríðsástandi.

Það ættu Þjóðverjar að þekkja allra þjóða best. 

  

 

Grikkir gefi ekki eftir stjórn

Áróðursmiðstöð ESB- stjórnsýslu apparatsins opnar á Íslandi !

Það vantar ekki takmarkalausa fjármunina sem ESB leggur nú til í áróður sinn fyrir innlimun Íslands undir ESB stjórnsýslu- apparatið í Brussel.

Öllu er nú tjaldað til í skefjalausum áróðrinum, til þess að reyna að selja þjóðinni, undur og stórmerki þessa Yfirríkjabandalags.

Búið er að opna veglegt sendiráð ESB á Íslandi og nú er einnig búið að opna eina af tveimur áróðursmiðstöðvum ESB sem þeir áforma að opna á Íslandi.

Þetta er ójafn og beinlínis óheiðarlegur leikur að þessi erlendi aðili, geti með hjálp skósveina sinna á Íslandi og takmarkalausum fjármunum ausið lymskufullum áróðri sínum yfir þjóðina.

Meðan sá hluti þjóðarinnar sem er algerlega andsnúinn ESB aðild hafi úr miklu minni og verulega takmörkuðum fjármunum að ræða.

Ég hélt að ESB málið væri innanríkismál okkar þjóðar og að það væri bæði brot  gegn stjórnarskrá og lögum landsins að leyfa erlendum aðilum að hafa hér áhrif á skoðanamyndun þjóðarinnar, utanríkisstefnu okkar og fullveldi.

Þetta er ólíðandi að aflsmunar sé beitt í þessu heitasta deilumáli Íslensku þjóðarinnar.

 

Þetta er mál sem þjóðin sjálf, sín á milli á að ákveða, án afskipta erlendra aðila. 

 

Upplýsingamiðstöð ESB á Íslandi opnuð