ESB umsóknin - Sveipuð leynd og pukri - Lygum og svikum !

Leyndarhyggjan fyrir Hrun um raunverulegt hryllings ástand íslenska bankakerfisins varð ekki hvað síst til þess að gera Hrunið enn verra og illviðráðanlegra.

 

"Keep it under a wrap" hvíslaði Ingibjörg Sólrún í eyrað á Össuri í aðdraganda Hrunsins. Enginn mátti vita neitt um þjóðhættulega stöðuna ekki einu sinni sjálfur banka- og viðskiptamálaráðherrann.

 

En fólkið sem tók við stjórnartaumunum eftir kosningar 2009 lofaði að nú yrði breyting á og stjórnsýslan öll yrði nú öll opin og gegnsæ.

 

Samt sem áður hafa þessi sömu stjórnvöld staðið í umsóknar og aðlögunarferli við ESB stjórnsýsluna í bráðum þrjú ár og allt meira og minna í undarlegu og óskiljanlegu spunaferli og hulið leyndarhjúp.

 

Samningsmarkmiðin sem áttu að liggja fyrir í upphafi viðræðnana hafa aldrei verið sett fram eða þolað dagsins ljós og allt þar í óljósri þoku og reyndar breyst daglega allt eftir hentugleikum aðildarsinna og kröfum ESB, hverju sinni.

 

Aftur og aftur er utanríkisráðherrann fláráði sem talar tungum tveim, marg staðinn að því að gefa rangar og villandi upplýsingar um framgöngu mála, allt eftir hentugleika hverju sinni, þ.e. hvort hann er að tala í Brussel eða Reykjavík.

Vinnubrögðin öll meira og minna umsveipuð pukri og leynd, enda allt ferlið unnið í mikilli andstöðu við stærstan hluta þjóðarinnar og því hefur þetta mál í heild sinni aldrei þolað dagsljósið eða sannleikann !

 

Mál er að þessum hörmungum linni. Trúnaðarbrestur og algert umboðsleysi þessa fólks gagnvart þjóð sinni er öllum orðið löngu ljóst.

 

Slíta þarf ESB viðræðunum strax og boða til nýrra kosninga ! 

Sérkennilegur fundur um samskipti við ESB

Nú er meira nóg komið ! Framkvæmdastjórn ESB heimtar að taka beina afstöðu gegn hagsmunum Íslands í ICESAVE málinu !

Þeir taka nú harða og einarða afstöðu gegn okkur í Makríldeilunni !

Nú taka þeir líka beina og harða afstöðu gegn okkur í ICESAVE nauðunginni !

Er virkilega ekki nóg komið ?

Stöðvum ESB ruglið !

ESB vill aðild að Icesave málinu

"Margur heldur mig sig" - Össur hinn "slóttugi" segir orð Írska ráðherrans aðeins til heimabrúks !

Þetta sýnir augljóslega að Össur heldur að allir séu jafn ófyrirleitnir og slóttugir eins og hann sjálfur.

 

Össur hefur nefnilega sjálfur marg verið staðinn að því að segja sitthvað hér og svo allt annað þar, allt eftir hentugleikum hans sjálfs og stað og stund.

Bara ef það hentar hans upphöfnu og blygðunarlausu tækifærismennsku við að nota aðstöðu sína til að misnota og "brúka" heiðarlegt fólk og meira að segja sína, eigin þjóð líka.

 

Samviskan plagar hann akkúrat ekkert því að hjá honum helgar tilgangurinn sjálfur alltaf meðalið og því réttlætir hinn lævísi og tungulipri Össur ávallt allar gerðir sínar við að ljúga og blekkja og misnota og "brúka" fólk og heilar þjóðir í eigin þágu og síns vafasama málsstaðar.

  

Þegar mikið liggur við þá afmarkar Össur stundum brúksemi sína og fórnarlömb sín að mestu við einhvern einn ákveðinn einstakling, til þess að ná fram slóttugum vilja sínum.

Þannig laug hann því blákalt að Ögmundi Jónassyni "vini" sínum sem hann smjaðraði mikið fyrir eftir kosningarnar 2009 til þess að reyna að fá hann og VG til þess að samþykkja ESB umsóknina gegn vilja sínum.

Össur fullyrti að umsóknarferlinu yrði hespað af og kláraðist árið 2010 og þá yrði einfaldlega kosið um málið og þar með væri það þjóðin sjálf sem segði af eða á.

Þetta er bara eitt lítið dæmi um blekkingar og brúksemi Össurar og hvernig hann brúkar ýmsa hluti þegar og þar sem það hentar honum.

Það má eiginlega kalla það að þetta hafi eiginlega bara verið til svona "Ömmabrúks".

Því að Ögmundur gekk í gildruna og þessi brúksemi Össurar heppnaðist fullkomlega, því Ömmi lét þennan svokallaða "vin" sinn ljúga þessu í sig.

 

Svona mismunandi "brúksemi" og einbeittur blekkingarvilji kallast einu orði ekkert annað en  "siðleysi".

 

Mannkynssagan segir okkur að slíkir einstaklingar geta orðið hættulegir þjóðfélögum sínum, komist þeir þar til einhverra metorða.

Segir hótunina ekki til heimabrúks

Árni Þór Sigurðsson er ESB svikari, með mjög einbeittan brotavilja til áframhaldandi kosningasvika !

Árni Þór virðist vera með mjög einbeittan brotavilja við að svíkja kjósendur VG  og þjóð sína í ESB málinu !

Hann er eitthvert það aumasta mannkerti og versti skrifræðis-skarfur sem setið hefur á Alþingi fyrir VG og þó víðar væri leitað.

Hann hefur ásamt Steingrími J. diggilega staðið vaktina við að svíkja kjósendur sína og þjóð sína, enda hefur nú u.þ.b. helmingur af stuðningsfólki VG frá síðustu kosningum yfirgefið flokkinn. 

Honum mun sem betur fer fljótlega hefnast óafturkræft og rækilega fyrir kosningasvik sín, sem sífellt gerast nú, langvinnari, svívirðilegri, stórtækari og forhertari !

"Hefnist þeim er svíkur sína huldumey, honum verður erfiður ....."

Gæti tafið ESB-viðræðurnar

Dauðadæmt - Síðasta vígi ESB- trúboðsins á Íslandi er kolfallið !

Það er fagnaðarefni, því hvað oft hafa ekki sérstakir ESB trúboðar Samfylkingarinnar barið sér á brjóst og þóst vera að sækja um aðild í nafni og fyrir hagsmunum og vilja atvinnulífsins.

 

Nú er komið í ljós að andstaðan við ESB aðild meðal félagsmanna SI er gríðarlega afgerandi eða 68,8% félagsmanna (SI) Samtaka Iðnaðarins eru andvígir ESB aðild, þar sem 26.7% félagsmanna svara spurningunni  

Þetta er svipuð afgerandi ESB andstaða eins og mælst hefur undanfarið meðal þjóðarinnar allrar.

 

Það má hiklaust hæla forystu SI fyrir að láta gera svona lýðræðislega könnun á afstöðu félagsmanna sinna.

 

Forysta SI hlýtur nú að taka niðurstöður svona skýrrar og afgerandi könnunar mjög alvarlega og snúa nú algerlega við blaðinu.

Annaðhvort með því að fara að vilja mikils meirihluta félagsmanna sinna og berjast opinberlega gegn ESB aðild.

Eða þá í versta falli alla vegana hafa alls engar opinberar skoðanir eða meiningar á afstöðu forystunnar til ESB aðildar.

 

Nú eru orðið ljóst að öll samtök atvinnuveganna er orðin andsnúinn ESB aðild.

 

Á hröðu undanhaldi ESB trúboðsins á Íslandi er nú aðeins eitt raunverulegt vígi, sem enn er eftir og það er "Fílabeinsturn ASÍ Forystunnar" sem reyndar hefur alltaf stundað ESB áróður sinn algerlega umboðslaust, enda forystan lifað í áratugi í sínum eiginlega fílabeinsturni praktuglega og gjörsamlega úr öllum tengslum við hinar vinnandi stéttir.

 

Það er nú komin tími til að ASÍ láti gera almenna könnun með stóru úrtaki meðal allra félagsmanna sinna um afstöðu þeirra til ESB aðildar.

 

Efast samt um að þeir vilji eða þori það og vilji bara áfram lifa í sínum sýndarveruleika praktuglega og þyggja áfram allar fríu boðsferðirnar til Brussel og búa í svítunum á 5 stjörnu ESB hótelunum.

 

Nú er komin tími til að Ríkisstjórnin og þingið átti sig á því að þessi ESB umsókn er dauðanum dæmd og hefur ekkert gert annað en kosta þjóðina ógrynni fjár og fyrirhöfn.

Auk þess að hafa unnið þjóðinn ómælt tjón með því að ala hér á sundurlyndisfjandanum og óeiningu um alla skapaða hluti sem hefur kostað þjóðina meira en nóg.

 

ESB trúboðið á Íslandi er einangrað og dauðadæmt fyrirbæri.

Iðnaðurinn á móti aðild að ESB

"Össur Skarpi" ESB Galgopinn veit upp á sig blekkingarnar og lygarnar !

Össur hinn Skarpi sagði sumarið 2009 þegar hann plataði Ögmund "vin" sinn og svo líka mjög nauman meirihluta Alþigis til þess að styðja tilrauna viðræður við ESB að þetta myndi aðeins taka ca 16 til 18 mánuði og þá fengi þjóðin sérstaka hraðferð og síðan sinn lýðræðislega rétt um að fá að kjósa um þetta ágreiningsmál af eða á.

 

Allt auðvitað tóm lygi og blekkingarleikur, því að nú mörgum mánuðum, eða eiginlega árum síðar, er þjóðin enn og aftur í gíslingu og þvæld í óafturkræfan lyga- og blekkingarvef Samfylkingarinnar í þessu hroðalega ESB máli og endalausu ESB aðlögunar og lyga ferli í þokkabót! Reyndar er allt ferlið algerlega í höndum ESB.

 

ESB Lymsku refurinn "Össur hinn Skarpi", reynir enn og aftur að flækja þjóð sína í þennan ESB lyga- og blekkingarvef, þó hann viti vel að meirhluti þjóðarinnar sé algerlaga andvígur þessu rugli og "Sovétsku" lyga lýðskrumi hans.

 

Nú hefur hann komið því þannig fyrir "alveg óvart" að ESB stofa og séstakt Sendiráð ESB á Íslandi er búið að opna hér sérstakar sendiskrifstofur með milljóna EVRU kostnaði til þess að útbreiða dásemdir og listisemdir ESB trúboðsins á Íslandi.  

 

Sjálfur þykist hann svo sem fyrr, alls ekkert vita frekar enn fyrri daginn, þegar það hentar honum "sitjandi á sprelanum" einhvers staðar alveg sárasaklaus !

 

Hans ótrúlegu tækifærismennsku og lýðskrumi virðast enginn takmörk sett !

Ekki lokið fyrir kosningar

ESB - Hvað ! Tekjurnar mun meiri og jafnari á Íslandi en í nokkru öðru ESB landi !

Til hvers ættum við að sækja inn í ESB óhroðann og Brussel - helsið!

 

Þar sem atvinnuleysið, vonleysið og öfugur hagvöxtur er alls ráðandi !

 

Atvinnuleysið hér á Íslandi miklu mun minna en meðaltal ESB svæðisins og kaupmáttur launa hér svipaður og 2004 og miklu hærri og jafnari en meðaltal ESB ríkjanna ! 

Kaupmáttur svipaður og 2004

"Landinn" á RÚV - Misnotaður og flekkaður með áróðurs subbuskap Spunadeildar ESB á Íslandi !

Ekki nóg með að fréttamenn og fréttaskýringarfólk RÚV hafi um árabil allt verið meira og minna litað af ESB áróðri í allri umfjöllun sinni og efnistökum.

 

Þá virðist nú enn herða á þessum ófögnuði enda streyma nú þúsundir ESB milljóna eftirlitslaust og skattfrjálst um þjóðfélagið til að smyrja ESB peningum feitt á landann og mest gerist þetta undir borðum.

 

Nú er því miður svo komið að meira að segja hinn fræðandi og þjóðlegi þáttur "Landinn" virðist nú hafa verið illa misnotaður og flekkaður með þessum áróðurs subbuskap spunadeildar ESB á Íslandi.

 

Þessi þáttur Landans í gær setur þáttastjórnandann Gísla Einarsson mjög niður, þ.e. úr nokkuð ágætis flokki, þar sem hann var, beint niður í ruslflokk og hann verður af stórum hluta þjóðarinnar ekki litinn réttu auga eftir þetta.  

 

En með sýningu þáttarins gengur RÚV eina ferðina enn, einhliða og gagnrýnislaust erinda ESB trúboðsins á Íslandi og jafnframt þverbrýtur þessi stofnun allrar þjóðarinnar, enn einu sinni illilega öll lög um hlutleysi og hlutlægni í viðkvæmasta og umdeildasta þjóðfélagsmáli samtímans.

 

það er bæði sorglegt og vítavert !

Björn sakar RÚV um áróður

Hvað með endalaust - ESB RUGLIÐ ! Ögmundur bara í ALLRA síðasta sinn ! Stattu nú einu sinni í lappirnar ! Leikþættirnir virka ekki lengur !

Ekki meir, ekki meir, ekki lengur !

Annað hvort stöndum við með eða á móti ESB !

Engin fölsk látalæti lengur ! 

Ögmundur með fyrirvara vegna þjóðaratkvæðagreiðslu

Fellum tillögur Stjórnlagaráðs í heild sinni - Vegna verulegra ágalla !

Tillögur Stjórnlagaráðs eru um margt gallaðar, en samt að sumu leyti ágætar, en því miður virðist vera passað upp á það að þjóðin fái aðeins tækifæri til þess að kjósa um tillögurnar í heild sinni, já eða nei.

Utan það að leita á aðeins sérstaks álits á 5 sundurliðuðum og sérvöldum tillögum sem fólk á náðarsamlegast að fá að segja álit sitt um sérstaklega.

 

Mjög vandlega er passað uppá það að kjósendur fái alls ekkert að segja sérstaklega um álit sitt á einhverri umdeildustu tillögu Stjórnlagaráðsins þ.e. að ríkisvaldinu verði heimillt að framselja eða gefa eftir hluta af fullveldi þjóðarinnar og deila því með öðrum þjóðum, eða ríkjasamböndum, eins og það er kallað svo ísmeygilega.

 

Því miður eru þessi tillaga og framsetning hennar óásættanleg fyrir mjög stóran hluta þjóðarinnar, hvað sem annars má segja um aðrar tillögur.

 

Þegar við bætist að kjósendum skuli heldur ekki verða leyft að segja álit sitt á þessari umdeildu tillögu, þá er það ekkert annað en bein ögrun og atlaga að okkur fullveldissinnum, sem viljum hafna ESB aðild.

 

Því hvet ég að öðru óbreyttu fólk til þess að fella tillögur Stjórnlagaráðs í fyrirhugaðri þjóðaratkvæðagreiðslu í heild sinni.

 

Þar með er ég ekki að segja að allt starf Stjórnlagaráðs sé ónýtt.

 

Vinna má áfram með tillögurnar og ræða þær úti í þjóðfélaginu og síðan vinna út úr þeim tillögur þar sem þjóðin getur á breiðum grundvelli sæst á heilsteypta Stjórnarskrá sem nýtur víðtæks og afgerandi stuðnings.

 

Flas er ekki til fagnaðar í þessum efnum.

 

Okkar gamla Stjórnarskrá hefur reynst okkur vel, þrátt fyrir allt og átti alls engan þátt í Hruninu.

Þjóðaratkvæðagreiðsla fari fram