Fellum tillögur Stjórnlagaráðs í heild sinni - Vegna verulegra ágalla !

Tillögur Stjórnlagaráðs eru um margt gallaðar, en samt að sumu leyti ágætar, en því miður virðist vera passað upp á það að þjóðin fái aðeins tækifæri til þess að kjósa um tillögurnar í heild sinni, já eða nei.

Utan það að leita á aðeins sérstaks álits á 5 sundurliðuðum og sérvöldum tillögum sem fólk á náðarsamlegast að fá að segja álit sitt um sérstaklega.

 

Mjög vandlega er passað uppá það að kjósendur fái alls ekkert að segja sérstaklega um álit sitt á einhverri umdeildustu tillögu Stjórnlagaráðsins þ.e. að ríkisvaldinu verði heimillt að framselja eða gefa eftir hluta af fullveldi þjóðarinnar og deila því með öðrum þjóðum, eða ríkjasamböndum, eins og það er kallað svo ísmeygilega.

 

Því miður eru þessi tillaga og framsetning hennar óásættanleg fyrir mjög stóran hluta þjóðarinnar, hvað sem annars má segja um aðrar tillögur.

 

Þegar við bætist að kjósendum skuli heldur ekki verða leyft að segja álit sitt á þessari umdeildu tillögu, þá er það ekkert annað en bein ögrun og atlaga að okkur fullveldissinnum, sem viljum hafna ESB aðild.

 

Því hvet ég að öðru óbreyttu fólk til þess að fella tillögur Stjórnlagaráðs í fyrirhugaðri þjóðaratkvæðagreiðslu í heild sinni.

 

Þar með er ég ekki að segja að allt starf Stjórnlagaráðs sé ónýtt.

 

Vinna má áfram með tillögurnar og ræða þær úti í þjóðfélaginu og síðan vinna út úr þeim tillögur þar sem þjóðin getur á breiðum grundvelli sæst á heilsteypta Stjórnarskrá sem nýtur víðtæks og afgerandi stuðnings.

 

Flas er ekki til fagnaðar í þessum efnum.

 

Okkar gamla Stjórnarskrá hefur reynst okkur vel, þrátt fyrir allt og átti alls engan þátt í Hruninu.

Þjóðaratkvæðagreiðsla fari fram

Athugasemdir

[Ingibjörg Guðrún Magnúsdóttir, 20.3.2012 kl. 21:31]

Já ég var einmitt að hugsa um það að það er hvergi minnst á afsal Fullveldis okkar eða hvað þá með já eða nei spurningu hvort fólk vilji breytingu á Stjórnarskránni eða ekki...

Þegar háværar raddir koma upp um að breyta Stjórnarskrá þá á að skoða vel og vandlega ástæðurnar fyrir því og sérstaklega hvers vegna hún henntar ekki eins og hún er...

Ég las það líka að það eigi aldrei að breyta Stjórnarskrá á ólgu tíma...