Þráinn Bertelsson - ESB Trjóuhesti Samfylkingarinnar smyglað inn í innstu raðir VG !

Það er búið að vera vitað nokkuð lengi, en er nú orðið alveg dagljóst að Þráinn Bertelsson er og hefur verið sérlegur Trjóuhestur Samfylkingarinnar og ESB trúboðsins í röðum Vinstri hreyfingarinnar græns framboðs.

 

Þráinn hefur beinlínis verið agent og sérlegur njósnari og hagsmunagæslumaður þessara afla sem smyglað var inn í innstu raðir VG að undirlægi Össurar Skarphéðinssonar, Samfylkingarinnar og ESB trúboðsins.

 

Lymskuleg refskák Össurar í ESB málinu er með miklum ólíkindum.

Hann færir þar til heila flokka og bæði menn og málefni og svífst þar einskis. Tilgangurinnn einn helgar ESB meðalið.

 

Enginn stjórnmálamaður fyrr og síðar kemst með tærnar þar sem silfurrefurinn og lygamörðurinn Össur Skarphéðinsson hefur hælana í bíræfni, fláttaskap og fláræði ! 

 

Þráinn sem aldrei hafði tekið þátt í grasrótar eða félags starfi VG hvað þá að hann hefði samþykkt stefnu þeirra eða samþykktir.

Enda var Þráinn ekkert kjörinn á þing fyrir VG eða valinn af kjósendum þess flokks.

Heldur slefaði honum inn á þing sem uppbótarmaður fyrir Borgarahreyfinguna. En þegar sá flokkur splundraðist nokkru síðar eftir að ríkisstjórn Samfylkingar og Vinstri grænna lagði af stað helreiðina til Brussel og kosningasvik VG í ESB málinu urðu öllum ljós, þá er nú ljóst að undirlagi Össurar þá var Þránni allt í einu smyglað yfir í þingflokk VG.

 

Nú er ljóst af yfirlýsingum Þráinns sjálfs að honum hafði verið plantað þar einungis út af einu máli og af einni ástæðu.

Það er það að passa upp á það fyrir þessi öfl að VG stæði öruglega að öllu leyti allan tímann við öll kosningasvikin í ESB málinu !

 

Það er sorglegt að forysta VG skuli frekar hafa treyst þessum Tjóuhesti ESB og kosið að láta Samfylkinguna traðka á sér og samþykktum sínum og hugssjónum, frekar en að standa í lappirnar.  

Þetta hefur kostað flokkinn það að fylgi þeirra er nú algerlega hrunið og dugmiklir þingmenn, hundruðir trúnaðarmanna og tugþúsundir stuðningsmanna hafa nú yfirgefið flokkinn.

 

Það er svo til að toppa algerlega áróðurs ruglið í Þránni og þessu fláræðis liði að þeir skuli nú að leiðarlokum reyna með góðum árangri, að því er virðist, að trúa leyfunum af VG trú um það að fylgishrun þeirra sé fyrst og fremst því að kenna að þeir hafi bara alls ekki staðið nógu þétt með Samfylkingunni og ekki verið nógu harðir á ESB- svikum sínum við kjósendur sína !

 

Endalokin virðist óumflýanlega ætla að verða þau að Steingrímur Joð og það sem eftir er af hans liði keyrir nú á fullri ferð með bundið fyrir augun fram af bjargbrúninni með ESB fánann í fanginu ! 

„Betra að slíta stjórnarsamstarfinu“

Sendiherra Samfylkingarinnar og ESB - Ekki lengur sendiherra þjóðarinnar !

Þórir Ibsen sendiherra talar í fystu eins og sannur diplómati þegar að hann segist ekki geta tjáð sig um það hvort ný ríkisstjórn eftir kosningar muni hafa minni eða meiri áhuga á ESB.

 

En síðan sýnir hann sitt rétta andlit og getur ekki á sér setið að þverbrjóta allar reglur og venjur sem gilda um ráðna embættismenn utanríkisþjónustu Íslenska Lýðveldisns, þegar han segir að "vonir hans standi til þess að ESB viðræðurnar muni standa áfram eftir kosningar"

 

Þessi "hlutlausi" embættismaður þjóðarinnar hefði alveg eins getað sagt að vonir hans stæðu til þess að Samfylkingin hefði hreinan meirihluta á þingi eftir kosningar.

Össur og Samfylkingin hafa ESB- og flokks vætt utanríkisþjónustuna og gert embætismenn hennar að ESB sinnum og þægum verkfærum Samfylkingarinnar í þeim efnum !

 

Þar þarf greinilega að hreinsa til og taka til í utanríkisþjónustunni eftir kosningar, þegar þjóðin mun moka Össuri og Samfylkingunni þaðan út.

Dauði viðræðnanna stórlega ýktur

Litla Samfylkingin og BF - Haltur leiðir staurblindan og vilja báðir inn í ESB !

Guðmundur Steingrímsson er ekki gamall maður en eftir að hafa verið í þremur stjórnmálaflokkum á stuttum tíma þá er hann er nú þegar orðinn eldgamall í flokkapólitíkinni og valdabröltinu.

Enda er Guðmundur fæddur inn í þá valda elítu kreðsur með silfurskeið í munni.

Hann byrjaði í Samfylkingunni sem klaufskur og litlaus tæknikrati, en hröklaðist svo þaðan yfir í Framsókn þar sem hann taldi að völdin væru sér í blóð borin. Á þeim tíma var Framsókn á góðri leið með að glata uppruna sínum og sérkennum og breytast í annan svona litlausan tæknikrata flokk eins og Samfylkinguna.

Þegar Guðmundi varð ljóst að Framsókn ætlaði að spyrna við fótum og ekki að ganga þessa leið tækifæris mennsku og glötunar þá ákvað hann í samstarfi við vini sína og félaga í Samfylkingunni að stofna svona eins konar hjáleigu frá Samfylkingunni til þess að reyna með öllum mögulegum ráðum að afvegaleiða þjóðina inn í Sovétríki Evrópusambandsins.

 

Þjóðin mun átta sig í tíma á því að framboð Guðmundar Steingrímssonar er umbúðir án alls innihalds og framboðið hefur ekkert nýtt fram að færa í íslenskum stjórnmálum - nema ESB trúboðið og að vera hækja og bergmál Samfylkingarinnar í þeim málum.

 

Það getur vel verið að Guðmundi takist með trúðslátum og svo að ná í einhverja hinna sárafáu úr öðrum flokkum sem að styðja ESB- aðild.

En ef BF fær nægt fylgi til þess að ná inn þingmönnum þá verður sá gerfisigur fyrst og fremst á kostnað höfuðbólsins það er Samfylkingarinnar.

 

Því verður að telja fylgi greitt BF sem innistæðu á samstæðureikningi Samfylkingarinnar eftir kosningar. 

 

Forðumst svona lélegar eftirlíkingar ! 

„Er þetta flókið?“

ESB umsóknin; - Einhver ákvörðun um frestun "varð ofan á" og var tekin einhvern tímann, af einhverjum, sem ekki er vitað hverjir voru !

Allt leikur þetta á lyginni. Þetta ferli hefur allt saman verið unnið í pukri og leynd og hulið í þoku og leyndarhjúp ólýðræðislegra vinnubragða og allt á forræði og undir stjórn ESB, alveg frá upphafi.  

Nú er samt allt í einu að koma í ljós að svo virðist sem;

einhver ákvörðun hafi verið tekin, einhverntímann, af einhverjum sem ekki er vitað hverjir voru, en þar "varð ofan á" - eins og talsmaður ESB orðar það afhverju erfiðustu og þýðingarmestu kaflarnir um sjávarútvegs- og landbúnaðarmál hafa ekki enn verið opnaðir og yrðu ekki ræddir fyrr en lang síðastir, eða eftir dúk og disk þegar ESB hentaði það.

Samt hefur það legið ljóst fyrir frá upphafi að annar stjórnarflokkurinn krafðist þess að kaflarnir um sjávarútvegs- og landbúnaðarmál yrðu strax teknir fyrir og utanríkisráðherra hefur líka marg lýst vilja sínum til þess sama alveg frá upphafi.

Eða var það kannski bara til heimabrúks til að slá enn frekara ryki í augu þjóðarinnar og samstarfsflokksins, sem hann hefur reyndar blekkt alveg frá upphafi !

„Þetta er fullkomlega óásættanlegt“

VG stefnir í sögulegt afhroð - Flokknum fórnað fyrir blindflugið til Brussel !

Ef þetta verða úrslit kosninganna stefnir í algert afhroð og hrun á fylgi Vinstri hreyfingarinnar græns framboðs í næstu kosningum.

Í síðustu kosningum hlaut VG 22,7% greiddra atkvæða eða alls um 40.600 atkvæði. Samkvæmt þessum tölum fengju þeir nú aðeins 9,1% og hafa því tapað meira en 23.000 atkvæðum eða nálægt 60% af fylginu er farið.

Reyndar sýnir þessi könnum líka gríðarlegt fylgistap Samfylkingarinnar. 

Samfylkingin var með 29,9% greiddra atkvæða í s.l. kosningum eða 55.700 atkvæði.

Samkvæmt þessum tölum fengi Samfylkingin aðeins 19,1% atkvæða og hafa því tapað yfir 20.000 atkvæðum eða u.þ.b. 35% fylgisins er farið.

 

VG gæti hreinlega átt á hættu að detta út af þingi. Það er greinilegt að ESB herleiðing forystu VG er stærsti örlagavaldur þessa flokks ! 

 

 

Björt framtíð eykur fylgi sitt

Enn einn þingmaður VG flæmdur á brott af flokksforystu á villigötum !

Guðfríður Lilja Grétarsdóttir er nú fjórði þingmaður VG á kjörtímabilinu sem að annað hvort hefur verið flæmdur burtu eða hrökklast frá sökum svika og yfirgengilegar valdníðslu flokksforustunar.

Það verður mikill missir af brotthvarfi Guðfríðar Lilju af Alþingi.

Hún hefur verið einn af hæfustu og réttsýnustu þingmönnum VG á Alþingi. Hún hefur verið verðugur fulltrúi jafnréttis- og félagshyggju og einn trúverðugasti og glæsilegasti þingmaður þjóðarinnar.

Hún hefur notið trausts og virðingar langt út fyrir raðir VG.

Áður hafði flokksræðisklíka SJS séð um að bola henni úr flestum trúnaðarstörfum á vegum flokksins s.s. stöðu þingflokksformanns.

 

Steingrími Joð og hanns flokksræðisklíku býður nú ekkert annað en sanngjarnt afhroð í næstu kosningum. Það afhroð eiga þau fyllilega skilið !

Guðfríður Lilja hættir um áramótin

EKKI MEIR, EKKI MEIR, Árni Þór ! - Þú hefur algerlega brugðist - Undirferli, leynd, pukur og svikin loforð í ESB málinu varða vegin þinn !

Hver á eiginlega að trúa þessum manni?

Árni Þór hefur verið lúmskur en þægur skósveinn SJS og Flokksráðs VG í ESB málinu og þannig verið helsti "Kvislingur" flokksins í þeim svikum og undirferli.  

Önnur eins "gunga og drusla" hefur ekki sést á Alþingi íslendinga hvorki fyrr né síðar.

Svo notuð séu fræg svigurmæli þíns eigins flokks- formanns.  

Þú hefur svo sannarlega unnið fyrir því að kjósendur refsi þér og flengi þig ærlega í næstu kosningum ! 

 

 

Ferlið jafnvel lagt til hliðar

Persson segir langmikilvægast sé að þjóðin nái samstöðu, þannig náist mestur árangur við kreppuna. Kratarnir hér, hafa með ESB umsókninni alið á ófriði og sundrungu þjóðarinnar.

Ég held að gamli Persson þessi útbrunni Sænski Krati, hafi svo sem ýmislegt til síns máls, þegar að hann segir að á erfiðum tímum og í kreppuástandi þá sé það mikilvægast að sameina þjóðina og að stjórnmálamenn og stjórnvöld snúi bökum saman.

 

Hann gæti kannski reynt að kenna ofstopafullum ESB sinnum og skoðanabræðrum sínum úr Samfylkingunni hér, að það sé ekki vænlegt til árangurs og í raun vonlaust að tvístra og sundra þjóð sinni, jafn illulega og þau hafa gert með þessari hörmungar ESB umsókn.

 

Sem hefur nú þegar valdið stórtjóni og vaxandi úlfuð og sundrungu meðal þjóðarinnar.

 

Enda nýtur aðildarumsóknin sáralítils minnihlutafylgis og ítrekaðar skoðanakannanir sýna að aðeins um og innan við 30% þjóðarinnar eru raunverulega hallir undir ESB aðild.  

Samstaðan mikilvægust

VG - Hörmuleg kosningaþátttaka í forvali - Deyjandi flokkur sem mun bíða afhroð í næstu kosningum !

Það má efast um það hvort VG nái yfirleitt inn einum einasta manni á þing í Reykjavík í næstu kosningum.

Kosningaþátttakan er fyrir neðan allar hellur og sýnir glöggt hvað þessi sjálfhverfa flokkselíta er algerlega úti á túni og einangruð í eigin flokki. 

Þrír fjórðu hlutar skráðra félagsmanna í VG sjá ekki ástæðu til þess að mæta á kjörstað. Frambjóðendur flokksins, sem flestir eru reyndar annaðhvort hluti af flokkselítunni eða þægir þrælar hennar virðast líka meira og minna vera veruleikafirrtir og blindaðir af Stalínisku flokksræði flokksforystunar.

Þess vegna hefur þeim tekist með hroka sínum og yfirlæti að flæma burt helming af stuðningfólki sínu frá síðustu kosningum og fylgishrunið er ekki búið það mun halda áfram alveg fram að kosningum.

Helstu ástæður þess að fylgið hefur hrunið af VG og hversu hörmuleg staða flokksins er orðin eru þær að flokksforystan hefur ekki hlustað á kjósendur sína og staðið fyrir stórfelldum kosningasvikum með því að brjóta gegn stefnu flokkisns með því að standa fyrir ESB herleiðangrinum til Brussel.

 

Í sameiginlegum kynningarbæklingi allra frambjóðenda flokksins í Reykjavík þar sem frambjóðendum hverjum fyrir sig var gefin kostur á að kynna sig og helstu stefnumál sín og hvernig þau hyggðust koma þeim fram. En í þessum kynningarbæklingi var vandlega passað upp á það að enginn þeirra minntist einu orði á afstöðu sína til ESB eða aðildar umsóknarinnar. Þetta þótti mörgum ansi klént, eins og þetta væru saman tekin ráð að undirlagi Flokksfoustunnar.  

Þess vegna var það ekkert skrítið að á bloggsíðunni "Vinstri Vaktin gegn ESB" var leitað eftir ákveðnum svörum frá öllum frambjóðendum VG í Reykjavík í þessu forvali um afstöðu þeirra til ESB aðildar og umsóknarinnar.  Skemst er frá því að segja að mjög illa gekk að fá svör frambjóðenda við þessum sjálfssögðu og lýðræðislegu spurningum. Svör eða einhver viðbrögð bárust vægast sagt seint og illa. Á endanum tókst að fá einhver svör eða yfirlýsingar frá aðeins um þriðjungi þessa fólks.

Hin sýndu þann fádæma hroka að hundsa algerlega spurningarnar.

Þau fáu sem að þó svöruðu, með örfáum undantekningum þó, svöruðu þau flest andstætt við stefnu flokksins með ESB daðri, reyndar með mjög loðnum hætti, eða að svörin voru full af skætingi út í fyrirspyrjandann.

Sum þessara sem teljast þó hafa "svarað" þver neituðu reyndar að svara spurningunum beint, heldur sendu þess í stað á síðustu stundu frá sér yfirlætislegar en loðmollulegar yfirlýsingar.

Þetta fólk mun því ekki ná neinu til baka af því gríðarlega fylgi sem þegar hefur ákveðið að yfirgefa flokkinn.

Þau eru ekki einu sinni í neinum tengslum við þá sárafáu sem þó enn teljast til stuðningsmanna flokksins. Því að þrátt fyrir allt þá er það þó þannig að mikill meirihluti þessa hóps sem eftir situr, er andsnúinn ESB aðild og meirihluti þeirra vill líka afturkalla ESB umsóknina.

Þess vegna mun fylgishrun VG halda áfram alveg fram að kosningum.

 

   

 

  

„Ég er ekki ómissandi“

Nærtækara væri fyrir Árna Þór að leyfa þjóðinni að fá að kjósa um ESB hörmungina þegar í stað og fella þetta RUGL !

En það gerir hann auðvitað ekki þessi lævísasti og óforskammaðasti kosninga svikari, allra tíma.

 

Nú reynir hann á síðustu metrunum að bjarga sér og sínum óheilla svika flokki með því að reyna að fá að lögleiða það að honum og öðrum óforskömmuðum pólitíkusum leyfist að draga börn undir lögaldri á kjörstað til að kjósa sig.

 

Honum verður ekki kápan úr því klæðinu.

 

VG á skilið ærlega rassskellingu í næstu kosningum fyrir ótrúlega óheiðarleg svik sín gagnvart kjósendum sínum í ESB málinu.

 

Við fyrrverandi tugþúsundir stuðningsmanna VG úr síðustu kosningum sem teljum okkur illa svikin, skulum strengja þess heit að þeir fái sína ráðningu í næstu kosningum.

 

Markmiðið er að VG fái svo á illa á baukin í næstu kosningum að ALLIR HELSTU KOSNINGASVIKARAR FLOKKSAPPARTSINS falli af þingi, þar með talin fyrrnefndur Árni Þór ásamt formanni flokksins og reyndar miklu fleirum. 

 

Vill lækka kosningaaldur í 16 ár