Helreiðin til Brussel endanlega búin að gera útaf við VG. Forystan stendur uppi ein og yfirgefin öllu trausi rúinn..

Eftir stórsigur VG í síðustu kosningum þar sem fullt af nýju hæfileika- og hugssjónafólki kom inn á þing fyrir flokkinn eins og Guðfríður Lilja, Lilja Mósesdóttir, Atli Gíslason og Ásmundur Einar Daðason og reyndar margir fleiri.

Fólk sem með framgöngu sinni hafði dregið að flokknum þúsundir nýrra kjósenda, þannig að þegar upp var staðið vann flokkurinn sinn stærst og glæsilegasta kosningasigur.

Nú er þetta fólk orðið mætt og þreytt, hugssjónablikið er farið úr augunum og vonbrigðin lýsa sér ekki.

 

Flokksforustan brást vonum þeirra, flokksræðið drap hugssjónir þess. ESB svikin voru fyrsta skrefið þar sem Brussel blindfluginu hefur verið haldið áfram á fullu gasi þrátt fyrir algeran forendu brest.

 

VG mun fá rosalega rassskellingu í næstu kosningum.

Rassskellingu sem vonandi verður þeim ráðning til þess að endurmeta stöðu sína og skammast sín.

Guðfríður Lilja stóð með grunngildunum

Klíkan í kringum Steingrím J. Allsherjarráðherra VG, er allsráðandi !

Það sést alveg með þessari skipun Álfheiðar Ingadóttur í stöðu þingflokksformanns VG.

Þeir þægu og fylgispöku við allsherjarráðherrann sitja nú á öllum póstum hjá VG.

 

Villiköttunum hefur flestum verið varpað fyrir borð eða þeir flúið.

 

En sitja einhverjir eftir múlbundnir eins og Guðfríður Lilja, sem vikið var úr stöðu þingflokksformanns á sínum tíma og Jón Bjarnason sem rekinn var úr stöðu sjávarútvegs- og landbúnaðarmála að kröfu ESB og Samfylkingarinnar.

 

Eftir stendur Samfylkingarhjáleigan sem einangraður villutrúa sérvitringaflokkur þjóðsvikara með allt niður um sig, rúinn öllu trausti bæði kjósenda sinna og þjóðarinnar.   

 

Enginn íslenskur stjórnmálaflokkur hefur áður sýnt af sér meiri sjálfseyðingarhvöt en VG. 

 

Sjá þessi pólitísku viðundur þau sem kalla sig nú um stundarsakir aðstoðarráðherra þeirra SJS og Kötu Jak, ráðast illkvitnislega að ESB andstæðingum innan flokksins á málgagni þeirra Smugunni í dag.

  

Hafi þau skötupör ævarandi skömm fyrir, svei þessu pakki ! 

Álfheiður formaður þingflokksins

VG - Grafskriftin frá Hólum verður svona: Hér hvílir VG og öll þeirra ESB svik og önnur svikin kosningaloforð ! Hvíli þau í friði !

Það fór eins og ég marg sagði hér og víðar í síðustu viku að þessi svokallaði Flokksráðsfundur VG norður á Hólum yrði ekkert annað en eitt leikritið enn og sýndarmennskan uppmáluð.

 

Ekki það að þessir svokölluðu flokksráðsfundir endurspegli neitt grasrót flokksins, eða almenna stuðningsmenn hans.

 

Heldur er þetta fjarstýrð upphafningarsamkoma flokksræðisins og helstu flokkshestana svona fornt fyrirbrigði frá Stalíns tímanum og á ekkert skillt við lýðræði eða opnar og frjálsar umræður.

 

Enda fór það svo sem ég spáði að þessi marklausi Flokksræðisfundur myndi engu skila og upphlaup og uppgerðar mótmæli meirihluta þingflokksins frá síðustu viku við áframhaldandi stefnu og framgöngu í ESB málinu yrði svæft svefninum langa undir öruggri stjórn sannrar Stalínskrar Steingrímsku.

 

Þar með fór reyndar síðasti séns þessa annars fyrrum um margt ágæta stjórnmálaafls, til þess að nálgast uppruna sinn og breyta um stefnu og vinna eitthvað til baka af gjörtöpuðu fylgi sínu.

 

En NEI þau voru kefluð í sinni spennitreyju flokksræðisins.

 

Þess vegna er VG sem alvöru stjórnmálaafl nú búið að vera innan skamms, ekki einungis meðal fyrrum stuðningsmanna sem nú hafa tugþúsundum saman kvatt flokkin heldur einnig meðal andstæðinga hans sem engu að síður báru hér áður fyrr þó nokkra virðingu fyrir staðfestu og stefnufestu flokksins og forystunnar.

 

Nú er það farið líka. Niðurlæging VG er alger.

 

Grafskriftin um VG sem stendur í fyrirsögn þessa pistils, mun eins og ýmislegt annað úr sögu þessarar þjóðar verða greipt í gamlan grágrýtis stein á Dómkirkjunni á Hólum í Hjaltadal!

Áfram samstarf vinstrimanna

Íslandi stefnt inn á jarðsprengjusvæðið, inn í EVRU-skuldavandann, með hraði, segja þeir - EVRAN er nú talin hættulegasti gjaldmiðill heims !

Þessu liði í ESB samninganefnd Íslands er ekki sjálfrátt, enda öll nefndin í raun umboðslaus frá þjóðinni sjálfri. Enginn kaus þessa nefnd yfir okkur. Hún er einungis handvalin af einum manni honum Össuri hinum Skarpa sjálfum.

EVRU svæðið logar nú allt stafnana á milli í ósjálfbærum skuldavanda og óstjórn og óeiningu.

Bankakerfið er þar allt á hausnum og almenningur látin sjá um að standa undir björgunaraðgerðunum, sem enginn sér fyrir endann á.

 

Allt regluverk ESB um fjármála- og bankastofnanir er allt í molum og gersamlega ónýtt.

Í örvæntingu og ráðaleysi ESB Valdaelítunnar er hver Neyðarbjörgunarsjóðurinn á fætur öðrum nú stofnaður á kostnað almennings, auðvitað. Samtals eru nú komnar meira en trilljón Evrur inn í þessa sjóði til bjargar gjaldþrota ríkissjóðum og ónýtu banka- og fjármálakerfi.

Atvinnuleysi er í hæstu hæðum eða að meðaltali 11,2% á Evru svæðinu og fer enn ört vaxandi. Ofan á það bætist að atvinnuþátttaka á EVRU svæðinu er með því lægsta sem þekkist í þróuðum ríkjum og fer ört lækkandi.

Á Íslandi er atvinnuleysi nú með því al lægsta sem gerist í Evrópu eða aðeins tæplega 5% og fer lækkandi og atvinnuþátttaka með því hæsta sem gerist í heiminum eða u.þ.b. 80%.

 

EVRU svæðið er mesta og versta atvinnuleysis bæli í víðri veröld.

 

EVRU svæðið er nú lægsta og versta hagstjórnarsvæði heims með öfugan hagvöxt og vaxandi samdrátt.

EVRU svæðið og skulda vandinn þar ógnar nú ekki bara öllu svæðinu sem slíku og íbúum þess, heldur stafar allri heimsbyggðinni líka talsverð ógn af þesssum manngerðu stjórnleysis hörmungum.

Reiknað hefur verið út að ef við værum í ESB og með EVRU væri þjóðin búin að greiða eða ganga í ábyrgðir fyrir 115 milljörðum króna eða 360.000- krónum á hvert mannsbarn eða 1,5 milljónum króna á hverja 4ra manna fjölskyldu.

Allt til þess að standa undir Neyðar björgunarsjóðunum til bjargar Evrunni og þessar fjárhæðir eiga enn eftir að hækka.

Auk þess sem Ísland yrði að greiða a.m.k. lágmark 9 milljarða króna árlega í klúbbgjald til Brussel til að standa undir öllu svínaríinu og glasaglamrinu þar.

 

Þjóðin vill ekkert inn í þetta ofríkis ríkjasamband ESB, hvað þá taka upp þennan stórhættulega skuldavafning þeirra EVRUNA ! 

 

Þess vegna sem betur fer þá verður þessari þjóðhættulegu Samninganefnd Íslands fljótlega settur stólinn fyrir dyrnar og hún rekinn og það af þjóðinni sjálfri, með einum eða öðrum hætti !

Evran verði tekin upp sem fyrst

EVRU skuldavandinn - Enn ein innistæðulausa heimasoðna naglasúpan misheppnast og markaðirnir fúlsa við !

Eftir u.þ.b. 50 neyðarfundi ESB/EVRU apparatsins undanfarin tvö ár, og heitingar um margboðaðar stór aðgerðir til bjargar EVRU skulda vafningnum.

 

En samt allt kemur fyrir ekki EVRU svæðið eru áfram í hroðalegri niðursveiflu, mjög miklum efnahagssamdrætti, heimsmeti í atvinnuleysi sem sífellt fer vaxandi og verandi nú orðið versta og hættulegasta hagvaxtarsvæði heimsins, sem ógnar nú öllu heilbrigðu efnahagslífi alls heimsins.

 

Þá reynir nú samt valda Elítu klíkan í Brussel með ECB bankann í broddi fylkingar enn einu sinni nýjar sjónhverfingar til að þykjast vera að laga ástandið, sem til að byrja með átti reyndar aðeins að vera minniháttar hnökrar á hinni "fullkomnu mynt" og hinu "fullkomna stjórnkerfi" Sovétríkja Evrópusambandsins.

 

Almenningur aðildalanda ESB/EVRU sambandsins sem haldið hefur verið í sívaxandi spennitreyju ruglsins er nú meira en komin að sársauka þolmörkunum og hvort sem það verður markaðurinn eða almenningur sjálfur sem að lokum brýtur þetta handónýta stjórnsýslubákn á bak aftur og sprengir í loft upp þennan hættulegasta elítu gjaldmiðil veraldar, því betra fyrir almenning og efnahag þessara þjóða.

 

Að Ísland skuli enn vera með umsókn í gangi um að gerast aðili að þessu vesæla og deyjandi stjórnsýsluapparati er með öllu óskiljanlegt og í algerri og ítrekaðri mótsögn við vilja stærsta hluta þjóðarinnar, sem vill ekkert með ESB/EVRU aðild hafa að gera.

 

Þessu Brussel blindflugi og ESB martröð íslensku þjóðarinnar mun sem betur fer, senn linna þegar Samfylkingar ómyndin og allt þeirra hyski verður sent út í ystu myrkur.

Byrjar aftur að kaupa skuldabréf

75% Norðmanna gegn ESB aðild. Þeir þurfa ekkert að "kíkja í ESB pakkann" til að hafa eindregna afstöðu !

Íslenskir ESB aðildarsinnar segja oft við okkur sem höfum fyrir löngu síðan lýst með sífellt sterkari rökum megnustu andúð okkar á því að þjóðin gangi í ESB að í raun getum við ekkert leyft okkur að hafa þessa "óábyrgu" afstöðu af því að við vitum ekkert hvað gæti leynst í pakkanum.

Norðmenn sem í tvígang síðast 1994 höfnuðu ESB aðild, hafa ekkert sótt um aðild síðan og um það er þegjandi samkomulag í Norsku þjóðfélagi, þar sem að allar götur síðan hefur verið gríðarleg andstaða við ESB aðild og nú er svo komið að stuðningur við aðild er sáralítill eða nánast enginn.

Aðeins 17,2 Norðmanna vilja nú inngöngu en 75% eru andvígir inngöngu sem þýðir að 92% Norðmanna taka einarða afstöðu með eða á móti ESB aðild. Aðeins 8% taka ekki afstöðu eða eru hlutlausir.

 

Þetta eru reyndar ekkert óáþekkar tölur og byrst hafa okkur hér undanfarin 1 til 2 ár um gríðarlega og vaxandi andstöðu íslensku þjóðarinnar við ESB aðild og eins og í Noregi fáir eru þar hlutlausir. 

 

Það þarf því auðvitað alls ekkert að vera að "kíkja djúpt ofan í ESB pakkann" - hvað þá standa í margra ára rándýrum aðildar- og aðlögunraviðræðum eins og við íslendingar höfum nú gert til þess að almenningur hjá jafn vel upplýstum þjóðum eins og Noregs og Íslands geti tekið einarða og upplýsta afstöðu um það hvort að landið þeirra eigi að ganga í ESB eða ekki.

 

Þjóðin sem situr gegn vilja sínum innanborðs í þessu langflugi þarf að stöðva þetta stórhættulega blindflug til Brussel strax og snúa vélinni við.

Flugstjórinn í þessu glórulausa ESB-helflugi er Össur Skarphéðinsson og hann getur aldrei lent flugvélinni ólaskaðri á Brussel völlum.

Því hann hefur ekki "hundsvit á því - ekki frekar en hann hefur heldur alls "ekki hundsvit á  efnahags- og peningmálum", eins og hann sagði eiðsvarinn í Rannsóknarskýrslu Alþingis.  

75% Norðmanna vilja ekki í ESB

ESB svikaslóð forystu VG verður ekki falin !

Alveg sama þó landið rísi og hagtölur batni.

Þá er VG því miður ónýtt stjórnmálaafl sem á sér ekki viðreisnar von.

Eftir að hafa framið stærstu kosningasvik aldarinnar með því að hafa svikið stuðningsmenn sína með því að hefja þetta blindflug til Brusssel með Samfylkingunni og það án nokkurra haldbærra skilyrða eða takmarkana.

Það er því engin furða að forystan sé nú að míga á sig af hræðslu !

VG hefur áhyggjur af fjölmiðlum

ESB Stór-svik Steingríms Joð eru ófyrirgefanleg !

Það er stóra málið !

Farðu, farðu !

Gætum þurft að endurmeta stöðuna

Gleðilega Þjóðhátíð ! - Er 17. júní - Þjóðrembingsdagur !

Frá því að ég var barn að aldri hefur 17 júní ávallt verið einn af mestu og helgustu hátíðisdögum ársins.

Svo er enn í mínum huga þó svo að ég haldi nú upp á daginn erlendis með löndum mínum hér.

Þjóðhátíðardagurinn var settur á stofn þegar Ísland varð Lýðveldi árið 1944 á afmælisdegi Jóns Sigurðssonar sjálfsstæðishetju þjóðarinnar.

Þar með sleit þjóðin endanlega tengslin við Danaveldi og varð frjálst og fullvalda þjóðríki, eftir árhundraða baráttu.

 

En nú eru svo sannarlega blikur á lofti. Hér var ákveðið með naumum meirihluta Alþingis sumarið 2009 að sækja um aðild að ESB.

Þetta var gert að undirlagi Samfylkingarinnar og með kosningasvikum flestra þingmanna hinns stjórnarflokksins það er VG og síðan með liðsinni örfárra ESB sinna úr öðrum flokkum.

 

Helsta réttlætingin og grundvöllurinn að ESB umsókninni var:

 

1. Að aðildarumsóknin yrði sérstök hraðferð og að þjóðin fengi að kjósa með eða gegn aðild ekki seinna en snemma árs 2011.

 

2. Að með ESB aðild og upptöku EVRU yrði hér komið á varanlegum stöðugleika og aukinni velsæld.

 

Allt hefur þetta reynst annaðhvort hrein lygi eða örgustu öfugmæli.

 

Þessi umsókn hefur valdið þjóðinni stórtjóni og sundrað þjóðinni verr enn nokkuð annað á síðari tímum. Mikill meirihluti þjóðarinnar er og hefur verið andvígur ESB aðild allan tíman og sá meirihluti er nú mjög afgerandi eða allt að 70%.

En meirihluta þjóðarinnar er haldið í gíslingu ESB umsóknarinnar.

Hér er það látið líðast að ESB opni hér sérstakt sendiráð og einnig sérstaka áróðursmálaskrifstofu og veiti hundruðum milljóna í beinan áróður fyrir þessu valdaapparati.

Meirihluti fjölmiðlana gætir ekki hlutleysis og sama á við um mikinn meirihluta háskólaelítunnar sem er líka áberandi hallur undir ESB aðild.

Við sem efumst og eða berjumst gegn ESB innlimun erum af æstustu ESB sinnum kallaðir öllum illum nöfnum s.s. þjóðrembingar, einangrunarsinnar og jafnvel fasistar og nasistar.

Íslenski fáninn og öll þjóðleg gildi eru talin af hinu illa af þessum hópi fólks. Sem sér ekkert annað en ESB stórríkið.

 

Sumir úr okkar hópi eru svo öskureiðir að þeir kalla þennan hóp æstustu ESB sinna sem ótýnda "landráðamenn", ég hef sjálfur forðast það svona opinberlega þó svo að ég geri það óhikað í einkasamtölum.

 

Ég hef reynt að virða skoðanir þeirra og rökræða við þá og veit að sumum þeirra hefur gengið gott eitt til. Sífellt fleiri þeirra hafa reyndar gengið af ESB trúnni, sem betur fer.

En nú er svo komið og svo augljóst að öll rök fyrir ESB aðild ef einhver voru, eru nú fyrir löngu fokin út í veður og vind og því er svo komið að ég get varla lengur borið nokkra virðingu fyrir skoðunum þessa háværa minnihlutahóps. Þeir geta ekki með nokkru móti lengur haldið því fram að þeir séu að berjast fyrir hagsmunum þjóðarinnar. Hér er einhverjar annarlegar eða trúarlegar hvatir að baki. Því gagnrýni ég nú ekki þá sem í réttlátri reiði sinni kalla þetta lið "landráðahyski" En það er sorglegt hvernig þessi ESB sundurlyndisfjandi hefur leikið okkur illa og tvístrað þjóðinni. 

 

Um leið og ég óska öllum íslendingum nær og fjær gleðilegs þjóðhátíðardags, þá hvet ég samherja mína gegn ESB aðild að herða nú enn róðurinn fyrir frjálsu og fullvalda Íslandi, án ESB helsis !

Stjórnvöld viðurkenna að brottrekstur Tómasar H. Heiðars sem formanns samninganefndar Íslands, hafi verið gerð til þess að gefa eftir í makríldeilunni.

Ljósara getur það ekki orðið. Sjálfur sendiherra Íslands í Bretlandi gæti ekki talða svona nema með samþykki og vilja íslenskra stjórnvalda.

Hann segir beinlínis að Tómasi H. Heiðar þjóðréttarfæðingi og formanni Íslensku samninganefndarinnar í makríldeilunni við ESB hafi beinlínis verið fórnað til þess að hægt yrði að gefa eftir hagsmuni þjóðarinnar í makríldeilunni.

Í ljósi þessa óræka vitnisburðar fulltrúa íslenskra stjórnvalda er eitt alveg víst að þjóðin þarf að fylgjast grannt með samningataktík íslensku samninganefndarinnar.

Ef að nú á að fara að fórna gríðarlegum hagsmunum þjóðarinnar með því að gera óásættanlega samninga við ESB til þess eins að þóknast þröngum flokkshagsmunum Samfylkingarinnar og ESB trúboðinu á Íslandi, svipað og með ICESAVE vitleysuna.

 

Þá þurfum við á ný að geta átt forseta með bein í nefinu sem hikar ekki við að vísa slíkum ólögum til þjóðarinnar.

Vilja lenda makríldeilunni