Svikaslóð VG í ESB málinu - Fylgið færist til Regnbogans !

Vinstri hreyfingin grænt framboð vann glæsilegan kosningasigur árið 2009 þegar flokkurinn fékk 14 þingmenn kjörna. Síðan þá hefur stöðugt sigið á ógæfuhliðina og má nú segja að flokkurin sé rjúkandi rústir.

Upphaf þessarar ógæfu má rekja til ríkisstjórnarsamstarfsins við Samfylkinguna þegar flokksforystan sveik gróflega kosningaloforð sín með því að sækja um ESB aðild þvert á yfirlýsta stefnu sína og marg gefin kosningaloforð.

Þetta hefur kostað flokkinn marga mjög góða þingmenn sem hafa einn af öðrum hrakist frá borði auk fjölda góðra trúnaðarmanna og síðast en ekki síst hefur þetta kostað það að fylgið hefur hrunið af flokknum, enda trúverðugleiki flokksins farin veg allrar veraldar, eða öllu heldur flutt lögheimili sitt til Brussel.

Margir héldu að mögulega yrði hægt að snúa þessu við með Landsfundi flokksins nú í febrúar og nýjum formanni og nýrri flokksforystu gæfist tækifæri til þess að leiðrétta mistökin í ESB málinu og rétta kúrsinn af og þar með reyna að stöðva fylgishrunið og þessa hörmulegu óheilla þróun flokksins.

Vissulega var kjörin ný forysta á Landsfundinum, en vonirnar um að nýja forystan sæi nú lokisns ljósið og mistökin í ESB málinu og myndi því reyna að bæta fyrir fyrri mistökin, sem reynst hafði flokknum svona dýrkeypt urðu því miður fljótt að engu.

Nei, nei, nei, svo fór nú aldeilis ekki. Nýja flokksforystan var ekki hótinu skárri í afneitun sinni og villu síns vegar en sú gamla og lét líka eins og ekkert væri að, ekkert hefði gerst og ekkert þyrfti að laga eitt né neitt í ESB stefnu flokksins.  

Þau hilltu gamla formanninn og bættu um betur með því að fá með miklum naumindum samþykkta tillögu sem staðfesti áframhald ESB svikaslóðarinnar, eftir kosningar ætti að halda ESB aðlögunar svika ferlinu eins og ekkert hefði gerst og enginn væri morgundagurinn.

Til að kóróna endemis vitleysuna var svo bætt við með kæruleysislegri og meiningarlausri áherslu sem ekkert hald var í þ.e. að þessu hörmungar ESB ferli sem hefur gersamlega eyðilagt flokkinn þeirra ætti síðan að halda áfram á fullu eftir kosningar í ja eitthvað svona kannski "til dæmis eitt ár" 

Það er því alls enginn furða að fylgið við VG aukist ekkert eftir þennan dæmalausa, endemis Landsfund þeirra og enn haldi niðurbrotið og sjálfseyðing þessa flokks áfram.

Þorsteinn Bergsson er þekktur og vandaður hugsjónamaður, bóndi og varaþingmaður VG í Norð Austur kjördæmi reyndi á Landsfundinum og lengi vel að lagfæra stefnu flokksins í ESB málinu en var að lokum af þunnskipuðum Landsfundi ofurliði borin og fékk því sjálfur upp í kok og stendur nú upp um síðir og segir hingað og ekki lengra.

Þorsteinn Bergsson gengur nú hnarreistur og keikur til liðs við grasrótar framboðið og kosningabandalagið Regnbogann sem að bjóða mun fram í öllum kjördæmum með vaska sveit hugsjóna fólks og sannra ESB andstæðinga.  

 

Þorsteinn sagði sig úr VG

Skipta nú um kall í VG-brúnni. Svikaslóðin verður samt ekki falin og heldur ekki fyrirgefin!

Þó svo að SJS stjórnmála kallinn sem sveik kjósendur sína meira og verr en nokkur dæmi eru um í seinni tíma stjórnmálasögu landsins, víki nú nauðbeygður úr brúnni þá verður arfleyfð og svikastefna hans í ESB málinu samt örugglega enn við líði og enn sú sama, enginn raunveruleg breyting þar á - þó svo kannski nýr afvegaleiddur leiðtogi taki þar við keflinu.

Sú foss blæðandi svikaslóð ein og sér, nægir til þess að fylgishrunið kemur ekki til baka. ESB svikasporin hræða og flokksræðis skútan er því enn í miklum hafvillum og svo gott sem strönduð fyrir glópsku og hroka þessa vonum seinna falleraða svika-formanns. 

Steingrímur innleiddi þessi ESB svik með ótrúlega lymskulegum hætti og lengi vel tókst honum að blekkja, svíkja og þvæla helftinni af þingflokknum til þessarar óheilinda og svíkja þar með flesta stuðningsmenn flokksins með því að þóknast og þjónkast Samfylkingunni í einu og öllu og standa blygðunarlaust fyrir ESB helförinni til Brussel ! 

En vegna þessa er flokkurinn nú mölbrotinn og varanlega illa laskaður.

Þess vegna er líka stór hluti þingmanna og annarra trúnaðarmanna flokksins farin fyrir borð og meira en 2/3 hlutar fylgisins einnig.  

Þó svo að þjóðinni væri sjálfssagt mjög hollt af því að eiga heiðarlegan og vinstri sinnaðaðan stjórnmálaflokk, en þó lítið eitt þjóðlegan og íhaldssaman, rétt eins og VG sannarlega var, þá er það góða vörumerki nú mjög varanlega ónýtt, skemmt og farið -  Þökk sé SJS.

„Hvergi nærri hættur í pólitík“

Matvælaeftirlit ESB hneggjar á neytendur - Hið "fullkomna" eftirlits og regluverk brást gersamlega !

Nú hefur komið í ljós að hrossakjötssvindlið sem nú hneggjar á neytnedur og skekur mörg ríki Evrópusambandsins er mjög víðtækt og hefur staðið yfir lengi með góðri hjálp fjórfrelsisins svokallaða með gríðarlega flóknum afleiðuviðskiptum með kjöt og kjötafurðir milli margra landa og fjölda stórfyrirtækja.

Skipulegt flækjustig þessara afleiðuviðskipta með þessar kjötafurðir hefur greinilega verið skipulagt þannig að það nýtti sér öll ákvæði fjórfrelsisins, sem jafnframt gerði viðskiptin svo ógegnsæ og flókin að það slapp auðveldlega fram hjá öllu matvælaeftirliti og þaðan hneggjandi ofan í kok neytenda.

Það er ekki langt síðan að það uppgötvaðist hérlendis að um tíma hafði salt sem merkt var sem "iðnaðarsalt" verið í einhverjum mæli notað sem salt í sumar matvæla afurðir sem framleiddar voru hér á landi. Saltið var reyndar talið haf verið alveg skaðlaust en það hafði ekki vottun um að vera leyfilegt til matvælavinnslu.

Þessu hafði nú verið hætt fyrir nokkru síðan að kröfu matvælaeftirlitsins, en engu að síður var þetta að sjálfssögðu talið vont mál fyrir neytendur, framleiðendur og hið íslenska matvælaeftirlit.

Margir hneyksluðust heil ósköp yfir þessu og töldu að þetta hefði aldrei getað gerst hefðum við verið í ESB og undir hinu samevrópsk miðstýrða eftirliti og regluverki þess.

Ég held að fólk sjái að hvorki þetta miðstýrða regluverk né nein önnur geta komið með öllu í veg fyrir skipulagt og vel undirbúið svindl af þessu eða mannleg mistök af einhverju tagi.

Málið er ekki að auka sífellt eftirlitið, eða gera það miðstýrðara.

Málið er að einfalda regluverkið og færa það sem næst þeim stöðum þar sem, vörunnar er neytt hverju sinni. 

 

 

 

Hneyksli vekur ekki upp hrossahlátur

ESB andstaða Framsóknar - Eykur enn frekar á vinsældir þeirra og sóknarfæri.

Því ber svo sannarlega að fagna að Framsóknarflokkurinn hafi nú tekið af öll tvímæli um það að flokkurinn er heill og sannur á móti ESB aðild og telur hagsmunum þjóðarinnar sé best borgið utan Evrópusambandsins.

Ályktun um þetta var samþykkt samhljóða og mótatkvæða laust á fjölmennum Landsfundi flokksins í dag.

Flokkurinn leggur áherslu á framfarasókn og bjartsýni og trú þeirra á okkur sjálf - Land okkar og þjóð.  

Með nýrri og kraftmikilli forystu hefur flokkurinn hreinsað til og kveðið niður fortíðarstimpilinn og ESB draugar fortíðar eru því vonandi að fullu og öllu kveðnir niður.

Frosti Sigurjónsson oddviti Framsóknar í Reykjavík Norður verður glæsilegur fulltrúi þjóðarinnar á alþingi íslendinga. 

Framsókn getur nú aftur orðið framsækið, frjálslynt og þjóðlegt afl sem fólk getur treyst að sæki fram og vinni landi okkar og þjóð gagn. 

Vonandi getur þjóðin og kjósendur flokksins treyst því að flokkurinn mun standa við stefnu sína og ekki svíkja í ESB málinu. Svik og afhroð og örlög VG ættu svo sannarlega að verða þeim víti til varnaðar.

Margt af fyrrverandi stuðningsfólki VG hefur nú sagt skilið við þann flokk og munstarð sig við hinn bjartsýna, framsækna og fullveldissinnaða Framsóknarflokk.

Eftir situr svikaliðið í VG, rúið öllu trausti, mest vegna hrikalegra og langvarandi svika þeirra í ESB málinu.  

Íslandi best borgið utan ESB

Lýðskrumarinn og tækifærissinninn Árni Páll Árnason nýr Ayatolla Samfylkingarinnar. Hann er sjálft "Rótarmein" íslenskra stjórnmála !

Þó að pólitíkusinn Árni Páll Árnason sé fljúgandi mælskur og að mörgu leyti frambærilegur maður, þá skín svo sterkt í gegn hjá honum hrokinn og tækifærismennskan í bland við glamrandi lýðskrumið.  

Í Kastljós þætti á RÚV um daginn, fékk allan þann tíma sem hann vildi til þess að glamra alla sína innihaldslausu frasa og pólitískan rétttrúnað Samfylkingarinnar.

Hann var eins óg heittrúaður sértrúar klerkur í viðtlai við sjónvarpsstöð safnaðrins þegar hann útlistaði fjálglega allar hinar óendanlegu listisemdir ESB og yfirburði evrunnar.

Gjaldmiðill þjóðarinnar og allir innviðir íslensks samfélags væru meira og minna ónýtir.

Hann gaf algert frat í alla þá sem að ekki væru honum sjálfum sammála í þessum efnum og í upphöfnum hroka sínum kallaði hann alla þá sem "skyni skroppið" fólk.

Sjálfsstæði og fullveldi þjóðarinnar væri sjálft "rótarmeinið" sem hann vildi skera burt, með tafarlausri ESB aðild og upptöku evru.

Hann slær nú um sig og þykist nú allt í einu ekki vera hluti af fjórflokknum. Samfylkingin sem bráðum er búinn að vera samtals og samfleytt 6 ár í Ríkisstjórn sé ekki hluti af valdapólitík samtímans.

Hann hælist um og telur sig hafa verið einn aðal bjargvætt þjóðarinnar í ICESAVE málinu. Þegar að öll þjóðin veit að Samfylkingin og hann sjálfur voru harðastir allra í því að semja og gefa allt eftir í ICESAVE málinu eingöngu til þess að þóknast ESB valdinu.

Það var ekki fyrr en forsetinn og þjóðin sjálf í tvígang forðuðu þjóðinni frá þessum ósköpum að ÁPÁ og Samfylkingin lutu loks í gras.

Allt er þetta því innihaldslaust glamur og enginn vafi er á að valdapólitíkusinn og bragðarefurinn Árni Páll mun beita öllum brögðum til þess að halda völdum eftir kosningar.

Hann mun líka beita sér af alefli gegn lýðræðinu og gegn því að þjóðin fái þá beint og milliliðalaust að segja álit sitt á ESB aðildarviðræðunum, af eða á.

Fólk mun sjá í gegnum tækifærissinnann og lýðskrumarann Árna Pál Árnason og meirihluti þjóðarinnar sem er  "skyni skroppinn"  mun verða enn stærri.

Rótarmeinið er hann sjálfur og það mun verða pólitískri framtíð hans að fjörtjóni !

 

 

„Fólk var tilbúið í ný vinnubrögð“

Sýndarmennska og moðsuða - Enn einn aumur biðleikur VG forustunnar í ESB málum !

Það er alveg með ólíkindum hvernig þessi auma flokksforysta VG kemst endalaust upp með það að leika hverjum þykistu biðleiknum á fætur öðrum í ESB málinu. Að því er virðist til þess eins að geta lafað þetta áfram í stjórnarsamstarfinu og þurfa ekki að standa í lappirnar né standa við fyrri samþykktir sínar gegn ESB.

Hér er bara enn eitt dæmið um enn eina sýndarmennskuna og moðsuðuna sem borin er á borð fyrir fólk í ESB málinu, til þess eins að réttlæta það hvernig forystan hefur svikið feitt í ESB málinu.

Forystunni væri nær að biðja stuðningsfólk sitt afsökunar á því hvernig þau hafi breytt rangt og svikið stefnu flokkisns, með svona klækjum og lygum nú árum saman.

En það verður aldrei því að flokksráðs valdaklíkan sem eftir situr mun aldrei sýna þá auðmýkt að gera eitthvað slíkt því að hún forherðist bara og stefnir nú á fullri ferð fram af björgunum með formanninn fremstan með ESB fánann í fanginu !

Það er enginn furða að 2/3 hlutar af fylgi VG skuli vera gufað upp og hundruðir trúnaðarmanna og þingmanna flokksins flæmdir á brott !

A M E N  

Aukaályktun VG um ESB

Þráinn Bertelsson - ESB Trjóuhesti Samfylkingarinnar smyglað inn í innstu raðir VG !

Það er búið að vera vitað nokkuð lengi, en er nú orðið alveg dagljóst að Þráinn Bertelsson er og hefur verið sérlegur Trjóuhestur Samfylkingarinnar og ESB trúboðsins í röðum Vinstri hreyfingarinnar græns framboðs.

 

Þráinn hefur beinlínis verið agent og sérlegur njósnari og hagsmunagæslumaður þessara afla sem smyglað var inn í innstu raðir VG að undirlægi Össurar Skarphéðinssonar, Samfylkingarinnar og ESB trúboðsins.

 

Lymskuleg refskák Össurar í ESB málinu er með miklum ólíkindum.

Hann færir þar til heila flokka og bæði menn og málefni og svífst þar einskis. Tilgangurinnn einn helgar ESB meðalið.

 

Enginn stjórnmálamaður fyrr og síðar kemst með tærnar þar sem silfurrefurinn og lygamörðurinn Össur Skarphéðinsson hefur hælana í bíræfni, fláttaskap og fláræði ! 

 

Þráinn sem aldrei hafði tekið þátt í grasrótar eða félags starfi VG hvað þá að hann hefði samþykkt stefnu þeirra eða samþykktir.

Enda var Þráinn ekkert kjörinn á þing fyrir VG eða valinn af kjósendum þess flokks.

Heldur slefaði honum inn á þing sem uppbótarmaður fyrir Borgarahreyfinguna. En þegar sá flokkur splundraðist nokkru síðar eftir að ríkisstjórn Samfylkingar og Vinstri grænna lagði af stað helreiðina til Brussel og kosningasvik VG í ESB málinu urðu öllum ljós, þá er nú ljóst að undirlagi Össurar þá var Þránni allt í einu smyglað yfir í þingflokk VG.

 

Nú er ljóst af yfirlýsingum Þráinns sjálfs að honum hafði verið plantað þar einungis út af einu máli og af einni ástæðu.

Það er það að passa upp á það fyrir þessi öfl að VG stæði öruglega að öllu leyti allan tímann við öll kosningasvikin í ESB málinu !

 

Það er sorglegt að forysta VG skuli frekar hafa treyst þessum Tjóuhesti ESB og kosið að láta Samfylkinguna traðka á sér og samþykktum sínum og hugssjónum, frekar en að standa í lappirnar.  

Þetta hefur kostað flokkinn það að fylgi þeirra er nú algerlega hrunið og dugmiklir þingmenn, hundruðir trúnaðarmanna og tugþúsundir stuðningsmanna hafa nú yfirgefið flokkinn.

 

Það er svo til að toppa algerlega áróðurs ruglið í Þránni og þessu fláræðis liði að þeir skuli nú að leiðarlokum reyna með góðum árangri, að því er virðist, að trúa leyfunum af VG trú um það að fylgishrun þeirra sé fyrst og fremst því að kenna að þeir hafi bara alls ekki staðið nógu þétt með Samfylkingunni og ekki verið nógu harðir á ESB- svikum sínum við kjósendur sína !

 

Endalokin virðist óumflýanlega ætla að verða þau að Steingrímur Joð og það sem eftir er af hans liði keyrir nú á fullri ferð með bundið fyrir augun fram af bjargbrúninni með ESB fánann í fanginu ! 

„Betra að slíta stjórnarsamstarfinu“

Sendiherra Samfylkingarinnar og ESB - Ekki lengur sendiherra þjóðarinnar !

Þórir Ibsen sendiherra talar í fystu eins og sannur diplómati þegar að hann segist ekki geta tjáð sig um það hvort ný ríkisstjórn eftir kosningar muni hafa minni eða meiri áhuga á ESB.

 

En síðan sýnir hann sitt rétta andlit og getur ekki á sér setið að þverbrjóta allar reglur og venjur sem gilda um ráðna embættismenn utanríkisþjónustu Íslenska Lýðveldisns, þegar han segir að "vonir hans standi til þess að ESB viðræðurnar muni standa áfram eftir kosningar"

 

Þessi "hlutlausi" embættismaður þjóðarinnar hefði alveg eins getað sagt að vonir hans stæðu til þess að Samfylkingin hefði hreinan meirihluta á þingi eftir kosningar.

Össur og Samfylkingin hafa ESB- og flokks vætt utanríkisþjónustuna og gert embætismenn hennar að ESB sinnum og þægum verkfærum Samfylkingarinnar í þeim efnum !

 

Þar þarf greinilega að hreinsa til og taka til í utanríkisþjónustunni eftir kosningar, þegar þjóðin mun moka Össuri og Samfylkingunni þaðan út.

Dauði viðræðnanna stórlega ýktur

Litla Samfylkingin og BF - Haltur leiðir staurblindan og vilja báðir inn í ESB !

Guðmundur Steingrímsson er ekki gamall maður en eftir að hafa verið í þremur stjórnmálaflokkum á stuttum tíma þá er hann er nú þegar orðinn eldgamall í flokkapólitíkinni og valdabröltinu.

Enda er Guðmundur fæddur inn í þá valda elítu kreðsur með silfurskeið í munni.

Hann byrjaði í Samfylkingunni sem klaufskur og litlaus tæknikrati, en hröklaðist svo þaðan yfir í Framsókn þar sem hann taldi að völdin væru sér í blóð borin. Á þeim tíma var Framsókn á góðri leið með að glata uppruna sínum og sérkennum og breytast í annan svona litlausan tæknikrata flokk eins og Samfylkinguna.

Þegar Guðmundi varð ljóst að Framsókn ætlaði að spyrna við fótum og ekki að ganga þessa leið tækifæris mennsku og glötunar þá ákvað hann í samstarfi við vini sína og félaga í Samfylkingunni að stofna svona eins konar hjáleigu frá Samfylkingunni til þess að reyna með öllum mögulegum ráðum að afvegaleiða þjóðina inn í Sovétríki Evrópusambandsins.

 

Þjóðin mun átta sig í tíma á því að framboð Guðmundar Steingrímssonar er umbúðir án alls innihalds og framboðið hefur ekkert nýtt fram að færa í íslenskum stjórnmálum - nema ESB trúboðið og að vera hækja og bergmál Samfylkingarinnar í þeim málum.

 

Það getur vel verið að Guðmundi takist með trúðslátum og svo að ná í einhverja hinna sárafáu úr öðrum flokkum sem að styðja ESB- aðild.

En ef BF fær nægt fylgi til þess að ná inn þingmönnum þá verður sá gerfisigur fyrst og fremst á kostnað höfuðbólsins það er Samfylkingarinnar.

 

Því verður að telja fylgi greitt BF sem innistæðu á samstæðureikningi Samfylkingarinnar eftir kosningar. 

 

Forðumst svona lélegar eftirlíkingar ! 

„Er þetta flókið?“

ESB umsóknin; - Einhver ákvörðun um frestun "varð ofan á" og var tekin einhvern tímann, af einhverjum, sem ekki er vitað hverjir voru !

Allt leikur þetta á lyginni. Þetta ferli hefur allt saman verið unnið í pukri og leynd og hulið í þoku og leyndarhjúp ólýðræðislegra vinnubragða og allt á forræði og undir stjórn ESB, alveg frá upphafi.  

Nú er samt allt í einu að koma í ljós að svo virðist sem;

einhver ákvörðun hafi verið tekin, einhverntímann, af einhverjum sem ekki er vitað hverjir voru, en þar "varð ofan á" - eins og talsmaður ESB orðar það afhverju erfiðustu og þýðingarmestu kaflarnir um sjávarútvegs- og landbúnaðarmál hafa ekki enn verið opnaðir og yrðu ekki ræddir fyrr en lang síðastir, eða eftir dúk og disk þegar ESB hentaði það.

Samt hefur það legið ljóst fyrir frá upphafi að annar stjórnarflokkurinn krafðist þess að kaflarnir um sjávarútvegs- og landbúnaðarmál yrðu strax teknir fyrir og utanríkisráðherra hefur líka marg lýst vilja sínum til þess sama alveg frá upphafi.

Eða var það kannski bara til heimabrúks til að slá enn frekara ryki í augu þjóðarinnar og samstarfsflokksins, sem hann hefur reyndar blekkt alveg frá upphafi !

„Þetta er fullkomlega óásættanlegt“