Rétt að þjóðin fái loksins að segja álit sitt á þessu þá 4ra ára ESB feigðarflani !

Alveg hárrétt hjá Þorgerði Katrínu það á að leyfa þjóðinni beint og milliliðalaust að segja álit sitt á ESB í næstu Alþingis kosningum og reyndar löngu kominn tími til.

 

En það hefur íttrekað verið hindrað að þjóðin fengi milliliðalaust að segja álit sitt á þessu máli.

 

Benda má á að í áróðurs- og blekkingarskyni við þjóðina og ekki síst við samstarfsflokkinn, þá sögðu forsvarsmenn Samfylkingarinnar strax í upphafi að við fengjum sérstaka hraðferð og aðildarviðræður tækju ekki nema þetta 14 til 16 mánuði og svo yrði þjóðin látin kjósa um niðurstöðuna.

 

Með þessu reyndu þeir að gefa í skyn að þetta gengi allt fljótt og vel fyrir sig og með þessari lymskulegu tálbeitu tókst þeim að kaupa fylgi flestra þingmanna VG við að fara í þetta feigðarflan og draga þá inn í þessa gildru.

 

Ekki einu sinni 36 mánuðum seinna verður komin nein endanleg niðurstaða í þessa vitleysu, sem ESB dregur viljandi á langinn vegna fylgisleysis þjóðarinnar við ESB.

 

Það er enginn spurning að ef þjóðin fær að segja beint álit þá mun mikill meirihluti hennar hafna þessu skuldabandalagi ESB strax og hún fær tækifæri til þess.

Vill kjósa um ESB í þingkosningum

ESB / EVRU - Rétttrúnaðurinn skal keyrður yfir þjóðina. Aðrir möguleikar skulu þaggaðir niður !

Það er greinilegt og leynir sér ekki að hér hafa komið að fingraför Samfylkingar hluta Ríkisstjórnarinnar.

 

Þau hafa sent Kanadískum stjórnvöldum skilaboð um það að þau kærðu sig ekki um þessa umræðu.

 

Það er því í sjálfu sér algerlega skiljanlegt að ábyrg Kanadísk stjórnvöld hafi brugðist við með þessum hætti. Því að ekki vilja þau að óbreyttur sendiherra þeirra fari að koma af stað einhverju sem skaðað gæti góð samskipti þjóðanna allt frá stofnun íslenska Lýðveldisins.

 

En það er með ólíkindum hvernig Samfylkingin gengur fram í þessu máli.

 

Reynt er með öllum hætti að kæfa helst í fæðingu allar umræður sem ganga út á annað, en þann heilaga rétttrúnað þeirra að hér verði gengið í ESB og tekinn upp baneitraður skuldavafningur sem heitir EVRA.

 

Skuldavafning sem er missmíði frá upphafi og er langt komin með að gera út af við efnahag fjölda ríkja sem glapist hafa við að taka upp þetta fyrirbæri.

 

Án þess að ég sé einhver fylgismaður þess að hér verði tekinn upp Kanada dollar sem lögeyrir, þá finnst mér hinns vegar alveg sjálfssagt að allir möguleikar í þessum efnum verði skoðaðir vandlega. Sérstaklega reyndar möguleikinn að halda hér áfram í okkar krónu og renna styrkari stoðum undir hana.  

 

Það er heldur ekkert búið að loka fyrir það í framtíðinni að þessi umræða verði tekinn upp við Kanadísk stjórnvöld að nýju, þau hafa alls ekki lýst neinni andstöðu við þessa hugmynd.

En það gerist náttúrulega ekki fyrr en búið verður að moka Samfylkingunni út úr Stjórnarráðinu og koma þessari ESB umsókn sem heldur þjóðinni í gíslingu fyrir kattarnef með einum eða öðrum hætti.  

 

Sá tími færist nú óðum nær !

Stjórnvöld andvíg umræðunni

Forstjóri Össurar, atvinnustjórnandinn er sjálfur "Fíllinn í postulínsbúðinni" með órökstuddar dylgjur!

Stoðtækjafyrirtækið Össur h.f. var stofnað árið 1971 af frumkvöðlinum og stoðtækjasmiðnum Össuri Kristinssyni og ber nafn hans enn þann dag í dag.

 

Fyrir dugnað og framtakssemi hans og samstarfsfólks síns tókst honum að gera Össur h.f að viðurkenndu íslensku en jafnframt alþjóðlegu stórfyrirtæki á sviði stoðtækja og tengds búnaðar.

 

Löngu eftir að fyrirtækið hafði fengið alþjóðlega viðurkenningu seldi Össur síðan fyrirtækið til innlendra og erlendra fjárfesta fyrir líklega eitthvað innan við 10 árum eða svo.

 

Hjá fyrirtækinu starfa nú um 1700 manns í fjölmörgum löndum en höfuðstöðvar þess og yfirstjórn eru á Íslandi þar sem starfa u.þ.b. 300 manns við yfirstjórn, og þróunarstarfssemi.

 

Jón Sigurðsson núverandi forstjóri var ekki stofnandi eða frumkvöðull þessa merka fyrirtækis, án þess þó að kasta nokkurri rýrð á stjórnun hans á fyrirtækinu eftir að Össur sjálfur hætti þar þá hefur Jón Sigurðsson aldrei verið neitt annað en ráðinn hálaunaður atvinnustjórnandi þessa stórfyrirtækis sem hafði þegar náð alþjóðlegri viðurkenningu og hann hefur því aldrei nokkurn tímann þurft að vinna þau stórafrek sem frumkvöðillinn og stofnandinn Össur Kristinsson þurfti að ganga í gegnum í upphafsárum þess, með sínu starfsfólki.

 

Fyrirtækið sjálft hefur dafnað og sprungið út á Íslandi með íslensku starfsfólki í íslensku umhverfi og fyrir hugvit og elju stofnandans og íslensks starfsfólks hans sem vann á gólfinu hörðum höndum við að gera það að því alþjóðlegu stórveldi sem það varð með íslenskri krónu og sem það er sem betur fer enn í dag.  

 

Ég veit ekki betur en að Össur hf sem selur sínar vörur að mestu í erlendum gjaldeyri sé fullkomlega heimillt að haga reikningsuppgjöri sínu í hvaða erlendum lögeyri sem er og geri það.

 

Ég veit að við þær aðstæður sem íslenska krónan nú býr við vegna ástandsins í efnahagsmálum hér og heimsins alls, þ.e. að það eru tímabundinn og takmörkuð gjaldeyrishöft hér og alheims kreppa að þá fær fyrirtækið samt sem áður nánast allar þær undanþágur sem það þarfnast hér til þess að fyrirtækið geti starfað og dafnað sem best. Fyrirtækið hefur vaxið og dafnað og hagnast vel ár frá ári.  

 

Ég veit að fyrir skömmu síðan lenti Ísland í að mig minnir í 11 sæti í alþjóðlegri rannsókn yfir þau lönd þar sem auðveldast og einfaldast væri að stofna og reka fyrirtæki, þá var tekið tillit til allskonar samkeppnisþátta, s.s. skrifræðis, leyfisveitinga og annarra íþyngjandi takmarkana.

 

Ég tók eftir að flest ríki ESB voru fyrir neðan Ísland á listanum.

 

Ég hef sjálfur í mörg ár og stend enn í út- og innflutningsviðskiptum á Íslandi en mest í öðrum löndum heims t.a.m. í ESB löndum og ég gef Íslandi og Asíu hiklaust hæstu einkunn fyrir gott viðskiptaumhverfi og skilvirkni og áreiðanleika allra þátta sem áhrif hafa á viðskiptin. Slíkt á ekki við mörg ríki ESB, þó vissulega sé hið "samræmda" kerfi mjög misjafnt þar. 

 

Þó að ég ætli ekki að bera minn smáa rekstur saman við rekstur stórfyrirtækisins Össurar þá finnst mér beinlínis lúgalegt og ódrengilegt hjá þessum hálaunaða atvinnustjórnanda Össurar h.f. að ráðast með þessum ódrengilega hætti að íslensku krónunni og blanda sér með svo ósmekklegum og órökstuddum hætti inn í eitt af mestu deilumálum samtímans og það án nokkurs sýnilegs rökstuðnings, aðeins einhverra merkingarlausra gífuryrða og það með því að nota sér kraft og mikilvægi stöðu sinnar.

 

Mér finnst því orð hans um "fílinn" léttvæg ein fundinn og hitta hann best sjálfan fyrir, nema þá að hann skýri mál sitt skilmerkilega og án svona merkingarlausra upphrópana og svo skiljanlegt sé venjulegu fólki.

 

Ég veit ekki betur en frumkvöðlastarssemi smárra og stórra fyrirtækja á Íslandi blómgist nú sem aldrei fyrr. Alla vegana eru fjölmargar nýlegar fréttir af því.

Auk þess sem ég þekki til íslenskra aðila í slíkum rekstri sem kvarta alls ekki, nema síður sé.

Krónan er fíllinn í stofunni

Frekleg afskipti ESB Ráðstjórnarinnar af innanríkismálum Íslands ! Hvers vegna er þessi lögleysa látin viðgangast.

Það er með ólíkindum að það skuli ekki vera búið að stöðva þennan ósóma og þennan taumlausa fjáraustur í þennan áróður ESB hér á landi.

"Samkvæmt lögum nr. 68 frá 1978 um bann við fjárhagslegum styrkjum erlendra aðila við íslenska stjórnmálaflokka og útgáfu erlendra sendiráða á Íslandi".

En markmið þessara laga var einmitt að koma í veg fyrir íhlutun erlendra aðila um íslensk málefni.

En Samfylkingin er eini íslenski stjórnmálaflokkurinn sem hefur ESB aðild á stefnuskrá sinni, fyrir utan Guðmundarflokkinn með aðeins einn þingmann.

Þetta er því ekkert annað en gróf og frekleg pólitísk íhlutun erlendra aðila um viðkvæm og mjög umdeild innanríkismál íslensku þjóðarinnar.

Ekki nóg með að þeir reki hér sendiráð sem hlýtur að kosta fúlgur fjár og ber fé á fólk og fyrirtæki og heldur úti stanslausum boðsferðum áhrifafólks til Brussel heldur á líka að leggja a.m.k. 220 milljónir í þessa svokölluðu Evrópustofu (ESB stofu) sem á að standa hér fyrir kynningu og áróðri fyrir ESB stjórnsýsluapparatið og mikilfengleik ESB aðildar.

Auk alls þessa á svo að setja 5000 milljónir króna í svokallaða IPA styrki til þess að smyrja aðlögun þjóðarinnar að regluverki ESB.

Í ofanálag og til að bíta höfuðið af skömminni þá á allur þessi fjáraustur frá ESB á fólk og fyrirtæki að vera hafinn yfir íslensk lög og njóta sérstaks skattfrelsis.

Ég spyr nú bara, ætla þingmenn stjórnarandstöðunar að greiða þessum landráðum atkvæði sitt á Alþingi, ég vona ekki.

En það sem verður enn meira spennandi að fylgjast með er það hvort að allir þingmenn VG séu svo miklar "Gungur og Druslur" að þeir muni greiða þessum landráðum atkvæði sitt.

Það yrði síðasti líkkistu naglinn í kistu þess annars fyrrum ágæta flokks og þá hefði sá flokkur endanlega bitið höfuðið af ESB skömm sinni og sú skömm mun verða skráð í Íslandssöguna og verða uppi meðan land vort byggist.

Evrópusambandið kynnir sig sjálft

Kúgun og valdníðsla ESB Ráðstjórnarinnar gagnvart Grikkjum er óforskammaður kapítalisma fasismi ! !

Hvað hefur hin forna menningarþjóð Grikkir til saka unnið, annað en það að hafa gengið í ESB og tekið upp skuldavafninginn EVRU fyrir 10 árum síðan sem hefur sprengt efnahag þeirra í loft upp.

Fölsku öryggi evrunnar, fylgdi óráðsía og ábyrgðarleysi í ríkisfjármálum.

En auk þess var stanslaust haldið að opinbera- og einkageiranum líka gríðarlegu lánsfé á lágum vöxtum, frá helstu stórbrask bönkum á EVRU svæðinu.

Allt of hátt skráð EVRA hefur alls ekki passað þeirra efnahagslífi og eyðilagt efnahag þeirra, útflutningsatvinnuvegi þeirra og ferðamannaiðnaðinn líka.

Nú sýnir valdaelíta Ráðstjórnarinnar í Brussel sitt rétta andlit. Þessar svokölluðu björgunaraðgerðir þeirra eru ekkert til þess að bjarga Grikklandi eða Grískum almenningi. Síður en svo þeir skulu samkvæmt valdboði þeirra enn herða sultarólarnar, skattar skulu ofurhækkaðir, laun almennings skulu lækkuð. Sjúkrahúsum og skólum lokað og öll samfélagsþjónusta skorin niður við trog.

Í ofan á lag er þeim nú gert að selja helstu eigur ríkisins, á brunaútsölu s.s. sjúkrahús og skóla, samgöngumannvirki, heilu eyjaklasana og svo mætti lengi telja. Kaupendurnir verða helstu hrægamma vogunarsjóðir á EVRU svæðinu, sem kaupa á hrakvirði.

Grískt þjóðfélag er í upplausn, þeir sjá að þessi "björgunarpakki ESB" er ekki til þess að hjálpa þeim að standa á fætur og vinna sig út úr erfiðleikunum. Nei þessi lánapakki og þessar harkalegu ráðstafanir eru gerðar til þess að helsta stórkapítal á EVRU svæðinu fái sem mest upp í sínar óabyrgu lánveitingar til Grikklands. Reikningurinn verður síðan sendur á næstu kynslóðir Grikkja. Þeir skulu blóðmjólkaðir.

Yfir þá verður síðan settur harðstjóri frá Elítuhirðinni í Brussel sem einskonar Landsstjóri, sem afnemur lýðræðið en fær sjálfur alræðisvöld yfir fjármálum landsins og þegnum þess og sér svo um að skattpína almenning næstu áratugina og senda fjármunina burt frá Grikklandi og til Brussel valdsins sem sér síðan um að útdeila þeim meðal þeirra útvöldu stórkapítalista sem þeir hafa velþóknun á.  

Þetta er meiri kúgun og niðurlæging en nokkur þjóð hefur orðið að þola á síðari tímum. Þetta er miklu verra heldur en hinir illræmdu Versala samningar voru Þjóðverjum. Sú rangsleitni varð kveikjan að Síðari heimsstyrjöldinni, mannskæðustu styrjöld mannkynssögunnar.

Hlutverk þessa alræðis landsstjóra ESB Ráðstjórnarinnar verður svona svipað og Rómverjar höfðu til forna sína leppstjóra yfir skattlendum sínum sem þeir höfðu hrifsað undir sín yfirráð. 

Er furða að nú geysi harðir götubardagar í Aþenu og helstu borgum Grikklands. Landið rambar á barmi uppreisnar og blóðugrar byltingar fólksins.

Svo segist ESB nú fyrst og fremst vera "friðarbandalag".

Þessi yfirgangur og kúgun sem ESB og Þjóðverjar beita Grikki nú er ekkert annað en ótýndur kapítalista fasismi, sem er uppskrift að uppreisnar og stríðsástandi.

Það ættu Þjóðverjar að þekkja allra þjóða best. 

  

 

Grikkir gefi ekki eftir stjórn

Áróðursmiðstöð ESB- stjórnsýslu apparatsins opnar á Íslandi !

Það vantar ekki takmarkalausa fjármunina sem ESB leggur nú til í áróður sinn fyrir innlimun Íslands undir ESB stjórnsýslu- apparatið í Brussel.

Öllu er nú tjaldað til í skefjalausum áróðrinum, til þess að reyna að selja þjóðinni, undur og stórmerki þessa Yfirríkjabandalags.

Búið er að opna veglegt sendiráð ESB á Íslandi og nú er einnig búið að opna eina af tveimur áróðursmiðstöðvum ESB sem þeir áforma að opna á Íslandi.

Þetta er ójafn og beinlínis óheiðarlegur leikur að þessi erlendi aðili, geti með hjálp skósveina sinna á Íslandi og takmarkalausum fjármunum ausið lymskufullum áróðri sínum yfir þjóðina.

Meðan sá hluti þjóðarinnar sem er algerlega andsnúinn ESB aðild hafi úr miklu minni og verulega takmörkuðum fjármunum að ræða.

Ég hélt að ESB málið væri innanríkismál okkar þjóðar og að það væri bæði brot  gegn stjórnarskrá og lögum landsins að leyfa erlendum aðilum að hafa hér áhrif á skoðanamyndun þjóðarinnar, utanríkisstefnu okkar og fullveldi.

Þetta er ólíðandi að aflsmunar sé beitt í þessu heitasta deilumáli Íslensku þjóðarinnar.

 

Þetta er mál sem þjóðin sjálf, sín á milli á að ákveða, án afskipta erlendra aðila. 

 

Upplýsingamiðstöð ESB á Íslandi opnuð

ESB fjölmiðlarnir beita skipulegri þöggun um andstöðu þjóðarinnar við ESB aðild !

Capacent Gallup birti í morgun nýja skoðanakönnun um afstöðu þjóarinnar til ESB aðildar.

Þar kemur enn og aftur í ljós enn vaxandi andstaða mikils meirihluta þjóðarinnar við ESB aðild.

Könnunin sýnir að af þeim sem afstöðu tóku eru 63% þjóðarinnar andsnúnir aðild, en aðeins 37% eru fylgjandi ESB aðild.

Bent skal á að allar skoðanakannanir samfleytt s.l. 2,5 ár hafa sýnt yfirgnæfandi andstöðu við ESB aðild. 

Ég ætla í sjálfu sér ekki að fara nánar út í þessa könnun, nema það að þetta var könnun með mjög stóru úrtaki, eða svörum frá alls 1085 einstaklingum og svarhlutfallið var mjög hátt og fáir eða aðeins 15% sem voru hvorki hlynntir né andvígir aðild.

Það sem mér finnst alveg með ólíkindum við þessa könnun á þessu helsta deilumáli samtímans, það er þessi massíva þöggun allra fjölmiðla landsins um niðurstöður þessarar könnunar, reyndar fyrir utan Morgunblaðið. 

Nú er dagur að kveldi kominn og ég hef leitað logandi ljósi að einhverri frétt um þessa könnun í hinum ESB sinnuðu fjölmiðlum landsins þ.e. Fréttablaðinu, Bylgjunni, og svo vefmiðlunum Eyjunni.is og Visir.is og Pressan.is.  Hvergi er minnst einum staf eða orði á þessa skoðanakönnun.

En þó kastar nú alveg tólfunum þegar hinir svokölluðu "hlutlausu" og "óháðu" Ríkisfjölmiðlar taka þátt í þessari þöggun með æpandi þögninni.

Fjölmiðlar sem eiga lögum samkvæmt að gæta jafnræðis og hlutleysis þjóðfélagsskoðana og eiga líka sérstaklega samkvæmt vilja Alþingis að hafa sérstakt hlutverk við að halda uppi upplýstri og hlutlausri umræðu um ESB málið frá báðum hliðum, þ.e. kosti og galla aðildar.  

Auðvitað hafa upplýsingar um niðurstöður skoðanakönnunar sem sýnir afstöðu þjóðarinnar frá tíma til tíma til ESB aðildar áhrif á umræðuna og þær upplýsingar eiga auðvitað fullt erindi við þjóðina.

RÚV hefur reyndar fyrir löngu afhjúpað hlutdrægni sína fyrir ágæti ESB aðildar og þetta er aðeins enn eitt dæmið um hvað stjórnendur og fréttamenn RÚV hafa brugðist skyldu sinni illa með því að gróflega misnota aðstöðu sína í áróðri og greinilegri meðvirkni fyrir ESB aðild landsins.

Þessi skipulega þöggun um sannleikann og stundum hagræðingu hans í áróðursskyni fyrir ESB aðild eins og það að halda leyndum upplýsingum sem sýna gríðarlega andstöðu þjóðarinnar við ESB aðild er algerlega óþolandi og beinlíns aðför að hinu frjálsa upplýsta þjóðfélagi og upplýsingaskyldu fjölmiðla og ekki hvað síst Ríkisfjölmiðlanna. 

 

Sjálfur NEYÐARSJÓÐUR ESB er nú gjaldfelldur af S&P um 2 flokka !

Það hlýtur að vera gríðarlegt áfall nú fyrir ESB og forystumenn EVRU svæðisins. Að alþjóðlega matsfyrirtækið S&P skuli nú gjaldfella EFSF sjálfan Neyðar- og björgunarsjóð ESB og EVRU- svæðisins um 2 flokka úr AAA í aðeins A-plús.

 

Þetta gerist aðeins stuttu eftir að ESB gjaldfelldi helming EVRU ríkjanna um 1 til 2 flokka og með neikvæðum horfum.

 

Þar á meðal setti það Portúgal og Kýpur niður í svokallaðan "ruslflokk", og með neikvæðum horfum, eins og áður hafði gerst með vesalings Grikkland. 

 

Stórríkin Ítalía og Spánn voru gjaldfelld um 2 flokka og nálgast nú óðfluga þennan svokallaða ruslbotn.

 

Þetta setur allt EVRU svæðið og allar hinar fálm- og fumkenndu áætlanir Merkozy tvíeykisins í enn frekara uppnám.

 

Fróðlegt verður að fylgjast með hvernig markaðir munu taka þessu og hvernig ECB bankinn bregst við og hvort þau skötuhjú Merkozy muni nú enn og aftur blása til enn eins Neyðarfundarins.

 

Þeir íslendingar sem héldu því fram í einfeldni sinni að Merkozy tvíeykið hefði endanlega stöðvað EVRU- og skuldakreppuna í Evrópu, með óljósum aðgerðum sínum í desember, höfðu einfaldlega rangt fyrir sér.

 

En þeir mun sennilega seint eða aldrei viðurkenna það.

 

Heldur alveg þver öfugt munu þeir enn þrást við og segja í sinni botnlausu afneitun að ESB og EVRU svæðið sé alltaf stöðugt að styrkja sig ! 

Lækka lánshæfi björgunarsjóðsins

ALGERT VANTRAUST Á ESB: 77% íbúanna treysta því sjálfu ekki til að takast á við eigin kreppu- og skulda vanda !

Samtök ESB sinna birta sigri hrósandi þá frétt að samkvæmt skoðanakönnun EUROBAROMETER þá sýni sig að 23% íbúa á ESB svæðinu, treysti ESB best til að leysa skulda og kreppuvandann. En 77% íbúanna treysta frekar einhverjum allt öðrum betur til að takast á við þennan sama vanda.  

 

Váv ! Þvílíkt traust og þvílíkt yfirburða fylgi við Ráðstjórnina í Brussel, heil 23%, meðan 77% treysta frekar allt öðrum til þess að takast á við vandann.

 

Ýmsir myndu nú álykta sem svo að einmitt þeir sem komu þjóðum og íbúum ESB í þennan vanda og skuldafen væru því væntanlega skárst fallnir til þess að finna leiðina til baka út úr vandræðunum, en samt njóta þeir aðeins 23% fylgis til þess verks.

 

Það má alveg eins líkja þessu við fárveika alkann sem kom sér út á kaldan klaka, enginn væri líklega betur en hann sjálfur fallinn til þess að koma sér og öðrum sem líða fyrir ástand hans út úr vandræðunum.

Ef einhverjum fjölskyldumeðlimum, vinum hans, nágrönnum og vinnufélögum dytti í hug í vandræðum sínum út af ógöngum þeirra og alkans að gera skoðanakönnun sín á milli um það hverjir væru best fallnir til að koma vesalings manninum út úr þessari ógæfu.

 

Spurningar könnunarinnar og niðurstöður gætu eflaust verið eftirfarandi:

 

1. Hann sjálfur         23%

2. Konan hans          20%

3. Vinnuveitandi hans 6%

4. Besti vinurinn         6%.

5. Einhverjir aðrir      15%  

6. Veit ekki              13%

7, Enginn                 17%

 

Ef einungis 23% nefndu hann sjálfan, en 77% nefndu einhverja allt aðra, eða enga, þá væri traustið og trúin nánast farin á að hann sjálfur myndi nokkurn tímann getað eða viljað koma sér út úr þessum vandræðum sínum þrátt fyrir ótal meðul og leiðir sem fyrir hendi væru til þess.

 

Næsta neyðar úrræði aðstandenda væri sennilega að svipta hann sjálfræði því að hann hvorki vildi eða gæti nokkurn tímann komið sér út úr þessum vandræðum án annars en slíkra neyðarúrræða.

 

Merkilegt að eins og fram kemur í þessari ESB könnun þá nefna aðrir sem nefndir eru sem fólk treystir best til að taka á þessum vanda eru:

 

Ríkisstjórnir viðkomandi ríkja 20% -

G20 Ríkin:                           16% -

Alþjóða gjaldeyrissjóðurinn:   14% -

Bandaríkin USA:                     5% -

Aðrir eða engir sérstakir:         9% -

Vita ekki hverjir:                   13% 

 

Samkvæmt þessu þá treysta samtals 77% einhverjum allt öðrum aðilum betur en ESB sjálfu til þess að takast á við eigin kreppu og skuldavanda.

En aðeins 23% treysta ESB best til að leysa þennan vanda.

 

Þetta er ekkert annað en, enn eitt vantraustið á ESB stjórnsýsluapparatið

 

Enginn furða að ESB sinnar á Íslandi fagni þessu samt ógurlega og telji líka að þjóð sín sé á fleygiferð inn í ESB með þetta svona svipað lítið fylgi eða ca 20 til 30% fylgi við ESB aðildina í öllum skoðanakönnunum samfleytt undanfarin 3 ár.  

 

Máttur sjálfsblekkinga og sjálfsupphafningar íslenska ESB trúboðsins tekur sífellt á sig hlægilegri myndir eftir því sem herðir á flóttanum og vígstaða þeirra versnar ! 

VG - Undir forystu SJS stundar pólitískt "Harakiri" með ESB þjónkunn sinni gagnvart SF. Þess vegna snúa nú þúsundir fólks baki við VG !

Meira að segja Óli Kommi og margir fleiri gamlir hugssjónamenn þar af þrír af þingmönnum VG auk fjöldan allan af trúnaðarfólki VG um allt land hefur nú snúið baki við VG vegna ESB- svika þeirra og áframhaldandi enn alvarlegri trúnaðarbrota þeirra gagnvart kjósendum flokksins í ESB málunum.

 

Mælirinn er nú orðinn algerlega fullur.

 

SJS sjálfur höfundurinn að VG er að eyðileggja þessa hreyfingu félagshyggju og vinstra fólks sem hélt sig geta treyst þessu stjórnmálaafli til þess að starfa að heilindum og standa við sín stefnumál.

Eigum ekkert erindi í ESB