RÚV fer fyrir upplýsingaóreiðunni og birtir enn eina falsfréttina og lygaáróðurinn gegn forseta Bandaríkjanna.

RÚV og aðrir Trump hatarar reyna nú að nota sér Covid19 heimsfaraldurinn til að koma höggi á pólitíska andstæðinga sína og á þeim bæjum er einskis svifist til að láta pólitíska andstæðinga sína ávallt líta sem verst út. Eflaust hafa forseti og stjórn Bandaríkjanna gert einhver mistök í baráttu sinni gegn fordæmalausri kóróna veirunni alveg eins og ítrekað hefur komið í ljós með ýmsar aðrar ríkisstjórnir, alþjóðastofnanir og ríkjasambönd. Má þar nefna ríkisstjórnir Kína, Ítalíu og Austurríkis en einnig Alþjóða heilbrigðisstofnunina WHO sem algerlega brást og svo sjálft Evrópusambandið sem svaf illilega á verðinum og reyndist algerlega ófært um að hafa forystu eða leiðsögn í þessum faraldri.

En hjá RÚV og öðrum áróðursmiðlum vinstri glópalista er lítið látið með slíkt því þar á bæ eru þeir einu sem gera alltaf mistök eru pólitískir andstæðingar þeirra eins og Donald Trump og reyndar líka Boris Johnson forsætisráðherra Breta sem þó hefur sjálfur þurft að berjast hetjulega við veiruna.

Allt sem forseti Bandaríkjanna gerir eða segir í þessum málum er rangtúlkað á versta veg eða snúið út úr.

Hann hvatti til dæmis aldrei almenning til að fara í geislun eða að drekka einhvern sóttvarnarvökva eða frostlög.

Hann hvatti aðeins vísindamenn og lækna til að stunda rannsóknir á möguleikunum á því hvort hugsanlega mætti notast við þessar aðferðir og þessi efni í baráttunni gegn kóróna veirunni.

Skemst er minnast þess þegar hann nefndi malaríu lyfið Chloroquine sem mögulega lyfjameðferð í baráttunni við veiruna. Þá eins og nú urðu andstæðingar hans arfa vitlausir og töluðu lyfið niður og sögðu það skottulækningar og endemis snákaolíu.

Nú er þetta sama lyf notað með góðum árangri í meðferðum á virtum spítölum um heim allan meðal annars hér hjá Landspítalanum. Einnig var Trump fyrstur til að banna farþegaflug frá Kína og svo síðar almenna fólksflutninga til Bandaríkjanna.

Alveg sömu brjálæðislegu viðbrögð Trump hatara urðu þá um heim allan við þessum aðgerðum hans. Íslenski utanríkisráðherrann fór líka af límingunum og gelti og spangólaði fyrir Brussel og RÚV.

En svo gerðu Evrópuríkin og flest ríki heims algerlega það sama og þá snarþagnaði spangólaði í utanríkisráðherrann og þögn sló á alla hatarana í smá stund.

Donald Trump er ekki fullkominn langt í frá, en hann er að mörgu leyti óvenjulegur þjóðar leiðtogi sem gerir eflaust mörg mistök eins og aðrir en það sem gerir hann helst óvenjulegan að hann er ekki venjulegur steinrunninn kerfiskrati, þess í stað er hann hugmyndaríkur og opinn fyrir nýjum og óhefðbundnum aðferðum í leit að lausnum.

Sorglegt er að sjá Íslenskar ríkisstofnanir eins og Landlæknisembættið og Geislavarnir ríkisins ganga í þá gildru RÚVara og annarra réttrúnaðar fjölmiðla að láta misnota sig í þessum falsfrétta áróðri og upplýsingaóreiðu sem RÚV og þessir hatursfullu fjölmiðlar nota til þess að ná pólitískum markmiðum sínum.

Hvar er nú Þjóðaröryggisráð Íslands sem átti víst að berjast gegn svokallaðri "upplýsinga óreiðu" og falsfréttum ?

Eða á það kannski bara að ráðast gegn þeim sem voga sér að gagnrýna Evrópusambandið eins og einn ráðsmaðurinn hafði miklar áhyggjur af fyrir skemstu?

 

„Hugmyndir sem byggja á vitleysu“

Athugasemdir

[Sigfús Ómar Höskuldsson, 25.4.2020 kl. 15:24]

Hvernig þú færð út úr því að þeir [einstaklingar og fréttamiðlar] gagnrýni nú Trump fyrir sinn afleik frá því í fyrradag kallist "hatur" segir að mínu mati meir um þá sem halda slíku fram án röksemda.

Nú er það þannig að ég er ekki stuðningsmaður Trump og fyrir það sem hann stendur fyrir. Ég er það mikill samfélagssinni að ég trúi ekki að min vegferð byggist á því að ég þurfi ekki að greiða neitt til samfélagsins, líkt og Trump hefur byggt upp sitt veldi (Heimild: BBC 1982, þegar Trump byggði upp sína byggingu í NY án þess að greiða einn dollar í skatta)

Þetta síðasta klúður Trump í baráttu sinni (sem hann þakkar sér mest sjálfur fyrir það sem vel gegngu en ber ekki ábyrgð á því sem miður gengur) er augljóslega mjög alvarlegt að halda því fram á upplýsingafundi sem milljónir horfa á og fólk bíður eftir e-m skilaboðum, að halda því fram að mögulega þurfi að rannsaka að inntaka á sótthreinsandi efnum (klór þar á meðal) á slíkum fundi eru stór og mikil mistök, mistök sem manneskjan má gera. Þá má líka sýna auðmýkt og leiðrétta en Trump kaus að gera það ekki heldur bætti í á blaðamannafundi á skrifstofu sinni í gær þegar hann kaus að koma þessu yfir á blaðamenn og helst ákveðna blaðamenn, að þetta hefði verið sett fram í ákveðnum anda.

Slíkt er augljóslega fjarstæða, ef einn hefur séð báða fundina, sem ég hef reyndar gert.

Ekki viss um að þú myndir sjálfur samþykkja það ef, tja segjum Bjarni Ben myndi á næsta fundi f.h ríkistjórnar myndi nefna það að mætti skoða að slíta stjórnmálasambandi við USA en nefndi það svo daginn eftir að slíkt hefði verið "djók". Þá myndi ég áætla að þér finndist slíkt ábyrgðrleysi.

Hvað varðar hatursumræðuna, þá hvet ég þig til að kanna það betur. Þörf gagnrýni á stjórnmálamenn og konur í nútíma-og sjálfssögðu samfélagi er nauðsynleg. Það er ekki hatur. Ef þú vilt túlka þá gagnrýni sem t.d CNN hefur á núverandi forseta USA sem "hatur", þá erum við hér á landi með miðil sem rímar við flögu sem mætti kalla þá sama hatursmiðil ef horft er í hvernig sá margt áægti hefur séð um einhlða umræðu um ákveðna stjórnamálaflokka, stjórnmálamenn og konur. 

Gagnrýni er ekki hatur.

Að ranta um hluti sem einn hefur ekki eina einustu þekkingu á, þá sem þjóðarleiðtogi er alvöru mál og má ræða.

Það er ekki hatur.