Ótrúlegur hroki og yfirgangur útgerðar aðalsins. Nóg komið - það þarf að innkalla kvótann strax ! Fiskveiðiauðlindin er sameign þjóðarinnar !

Fiskveiðiauðlindin er sameign þjóðarinnar, eða hvað?

En nú berast fréttir af því þegar þjóðin öll stendur frammi stórkostlegri þjóðarvá, atvinnuleysi og miklum tekjumissi þá skuli stærstu og ríkustu sjávarútvegsfyrirtæki landsins ætla að heimta milljarða króna í skaðabætur frá skattgreiðendum þessa lands vegna þess að hugsanlega hafi tæknilega ekki að öllu leyti verið staðið rétt að úthlutun á makrílkvóta til þeirra fyrir mörgum árum síðan.

Kvótaauðlind sem þau hafa þó grætt milljarða á og fénýtt sér frá upphafi til að auka gróða sinn og eigið fé.

Ég hef nú samt oftast verð tiltölulega sanngjarn og hógvær og haft skilning á þjóðhagslega mikilvægri stöðu sjávarútvegsins og þess vegna oft réttlætt og skilið hagræðingar aðgerðir þeirra og ráðrúm til nýsköpunar og frelsis.

En þegar við bætist nýlegar fréttir af því að stærsta og lang- öflugasta sjávarútvegsfyrirtæki landsins Samherji hf heimti nú að nýta sér neyðaraðstoð ríkissjóðs til fá ölmusu- og bótagreiðslur frá ríkinu fyrir hluta starfsmanna sinn þá er manni gersamlega nóg boðið.

Nú þarf að innkalla strax fiskveiðikvótana frá útgerðarauðvaldinu og úthluta þessari auðlind þjóðarinnar uppá nýtt !

Fyrirtæki í sjávarútvegi dragi kröfu til baka

Athugasemdir

[Halldór Egill Guðnason, 15.4.2020 kl. 02:30]

 Jarí jarí, úthlutum kvótanum upp á nýtt á hvert mannsbarn! Ú jé hljómar hipp og kúl.

 Hvernig ætlar þú að ná í þinn kvóta? Á baðkarinu þínu, eða ætlarðu að selja hann?

 Þvílík andskotans della að lesa þetta. 

 Góðar stundir, með kveðju að sunnan.

[Gunnlaugur I., 15.4.2020 kl. 02:48]

Sæll Halldór. Við erum nú oftast nokkuð sammála en greinilega ekki hér. Eins og ég segi í greininni þá hef ég alls ekki verið í því að rægja og útbúa útgerðinni fram að þessu. En manni blöskraði alveg gersamlega yfirgangurinn og fremja. Það er annars allt gott í baðjarinu mínu !