ICESAVE - Hlakkar nú í mörgum ESB sinnanum því ESA hefur ákveðið að kæra okkur til EFTA dómstólsins.

Einn af þeim sem hlakkar nú í yfir þessari niðurstöðu er ESB aftaníossinn og ritstjóri Baugs-Fréttablaðsins, sjálfur Ólafur Þ. Stephensen.

En þeir eru reyndar margir fleiri sem eins og fyrrnefndur ritsstjóri börðust af öllu afli, fyrst fyrir framgangi ICESAVE I og síðan fyrir ICESAVE II og að síðustu fyrir ICESAVE III virðast af undarlegum ástæðum kætast nú yfir þessari niðurstöðu, Eftirlitsstofnunar ESA að senda málið til EFTA Dómstólsins.

Ég segi nú bara við fólk andið með nefinu og slappið af.  

Ísland hefur nú þegar þegar sloppið við að greiða "Cash" 100 milljarða í erlendum gjaldeyri bara í vaxtagreiðslur bara vegna þess að meirihluti þjóðarinnar lét ekki hræða sig með heimsenda spám og sagði þvert NEI við þessum nauðungarsamningum.

Það er því alveg sama hvernig þetta mál endar það hefur þegar sannað sig í því að NEIIÐ með því að standa gegn þessum ósvífnu og ófyrirleitnu kröfum hefur fært þjóðinni allri stórkostlegan ávinning og sigur.

Menn skulu alveg átta sig á því að þessi EFTA Dómsstóll er alls enginn "Stóri Dómur" eins og margir ESB aftaníossar og ICESAVE lúbarðir þrælar hér virðast vona og halda, heldur er þesssi dómsstóll aðeins til áréttingar og leiðbeiningar og getur á engan hátt dæmt okkur til fésekta eða til greiðslu skyldu vaxta eða kostnaðar.

Eftir kannski 2 til 3 ár þegar og ef þessum málaferlum mun þá linna er dómurinn aðeins prentuð orð á blaði og varla meira en pappírsins virði.

Líklegast er að á þessum tíma muni málinu annað hvort verða vísað frá eða það fellt niður eða samið verði um málamynda bætur til þess að því verði hætt.

Ef svo ólíklega vildi til eftir þennan tíma að okkur yrði dæmt í óhag sem kæmi reyndar ESB kerfinu og öllu því handónýta bankaeftirliti öllu verst í koll.

Þá værum við samt ekki greiðsluskyld hvorki á vöxtum eða höfuðstól.

Þessir meintu sparifjáreigendur sem þá allra líkast til væru þá þegar búnir að fá allar sínar höfuðstóls kröfur greiddar af þrotabúi Gamla Landsbankans yrðu þá að fara með málið fyrir Íslenska dómsstóla.

Ólíklegt er að þeir legðu í þann kostnað og þá áhættu eftir að vera búnir að fá þrátt fyrir allt búnir að fá höfuðsstól krafna sinna greiddan að fullu af þrotabúi Gamla Landabankans, að vísu án nokkurra vaxta, sem annars hefðu fallið á okkur og numið hundruðum milljarða af hálfu íslensku þjóðarinnar og íslenskra skattgreiðenda !  

Svei þessu ESB aftaníossaliði og ICESAVE rugl liði! 

 

 

 

 

 

Athugasemdir

[Gunnlaugur I., 16.12.2011 kl. 20:49]

Margir ESB aftaníosar halda að "Stóri Dómur EFTA" sé algildur og æðri öllum öðrum dómum, alveg eins og þeir líta svo óumræðilega upp til alls sem frá þessu siðlausa apparati kemur, en það er sem betur fer alger misskilningur. Já sem betur fer !

[Óskar Helgi Helgason (IP-tala skráð) 16.12.2011 kl. 21:54]

Heill og sæll Gunnlaugur; jafnan !

Í dag; þakka ég mínum sæla fyrir, að vera Austur- Asískur, að hluta.

Undirferli; sumra ''HREINNA'' og ''FULLKOMINNA'' samlanda okkar - sem ódulinn undirlægjuháttur, gagnvart Evrópsku rummungaveldunum, sem fyrir ESB skarutinu fara, er afar örðugt, að kyngja, geri ég ráð fyrir.

Fölskvalaus þjóðernishyggja; allmargra Íslendinga, er hins vegar allrar virðingarinnar verð, síðuhafi góður - sé litið; til græðgi og yfirgangs Brussel smiðju, Fjórða ríkisins.

Með beztu kveðjum; sem áður - úr utanverðu Árnesþingi /