Stjórn Stefans Löfvens fallinn. Nú þurfa Svíþjóðardemókratarnir að koma að stjórn landsins.

 Nú eftir að Sænska þingið samþykkti með miklum meirihluta vantrauststillögu Svíþjóðardemókrata á minnihlutastjórn Stefans Löfvens. Þá kemur stóra tækifærið fyrir Svíþjóð að mynda nýja ríkisstjórn þar sem hagsmunir sænskra kjósenda verði settir í forgang. Jimmie Äkeson formaður Svíþjóðardemókratana mun þar gegna lykilhlutverki við að mynda nýja ríkisstjórn, sem mun þurfa að hreinsa til og byggja upp nýtt og betra Svíþjóð. 

Vantrauststillaga á Löfven samþykkt á sænska þinginu

Donald Trump mun snúa aftur. Hann og hans stuðningsmenn munu örugglega ná forseta embættinu aftur

Það er örugglega hár rétt metið hjá Donald Trump fráfarandi forseta, að "hann muni snúa aftur, með einum eða öðrum hætti" 

Það var skynsamlegt hjá honum að bæta þessu við, "með einum eða öðrum hætti"

Þó svo Trump hafi sannarlega gert sín mistök, þá gerði hann marga mjög góða hluti í stjórnartíð sinni,

Mannkynssagan mun verða mun sanngjarnari um Donald Trump en RÚV eða aðrir hatursfullir fréttamiðlar samtímans eru nú.

Hreyfingin að baki Trump og þeirra sjónarmiða sem hann hefur þorað að standa fyrir er geysi sterk og öflug og verður það áfram, þó það verði kannski ekki hans eigin persóna sem muni snúa aftur og sigra þá mun það líklega verða önnur persóna sem í grunninn styður þau sjónarmið og framsæknu þjóðlegu gildi sem Donald Trump stóð fyrir í ferskri og farsælli forseta tíð sinni.

Segist munu snúa aftur

Ósigur Íslands - Sigur Íslamska bræðralagsins og No Borders samtakanna yfir íslenskum stjórnvöldum.

Svona fór þetta þá, íslensk stjórnvöld gáfust upp eins og alltaf áður þegar svona mál hafa komið upp. Lögum og reglum breytt afturvirkt og fólk verðlaunað fyirir að þráast við og neita að fara að lögum. 

Hælisleitanda- ofurlauna lögfræðingurinn Magnús Norðdahl sem búinn er að hafa þetta fólk að féþúfu í meira en 2 ár, á kostnað okkar skattgreiðenda, fagnar nú ógurlega yfir því að hafa svínbeigt íslensk stjórnvöld og hann segir að nú sé brautin rudd fyrir holskeflu hælisleitenda frá miðausturlöndum.

Þetta er stórsigur No Borders samtakanna. Nú er Ísland opið fyrir hverjum sem er úr Múslimska bræðralaginu, ISIS liðum, liðssveitum Boco Harum og bara nefndu það.

Íslenskri innflytjenda stefnu var gerbreytt með lögum arið 2016 sem galopnaði landið fyrir stórauknum innflytjendastraumi og fórnarlambsvæðingu svokallaðra hælisleitenda sem nú fengu sömu stöðu og raunverulegt flóttafólk. Þessi óábyrga galopnunar stefna íslenskra stjórnvalda er þvert á stefnu allra nágranna ríkja okkar sem hafa flest hver verið að stórherða stefnuna í innflytjenda málum, af fenginni mjög slæmri reynslu. Ég fullyrði að þetta fólk hefði allsstaðar annarsstaðar í Evrópu verið vísað burt.

Þetta er fyrst og fremst sigur No Borders og þeirra sem vilja yfirfylla landið okkar fyrir óheftum straumi innflytjenda frá miðausturlöndum. Þetta er líka stórsigur Múslimska bræðralagsins og óheftrar fjölmenningar sem er reyndar alger andstaða alrædis muslimskrar einmenningar eins og Múslimska bræðralagið boðar með sjaría lögum og kalífa veldi.

Þetta er niðurlægjandi ósigur íslenskra stjórnvalda og réttarríkisins. Þetta er og verður stórt áfall fyrir íslenska velferðarkerfið, sem mun blæða og þetta er lika enn eitt áfallið fyrir íslenska þjóðmenningu.

„Sigur fyrir íslenskt samfélag“

BREXIT sigur. Boris Johnson kemur nýju frumvarpi auðveldlega í gegn um Breska þingið.

Boris Johnson kom BREXIT frumvarpinu í gegnum Breska þingið í gærkvöldi með góðum meirihluta.

Þetta er stórsigur Borisar Johnsons og Bresku ríkisstjórnarinnar og styrkir stöðu þeirra í erfiðum samningaviðræðum við ESB.

340 greiddu því atkvæði en 263 voru á móti.

Frumvarpið sem heitir "Inernal market" var umdeilt en það breytir að hluta til skilnaðarsamningnum við ESB sem gerður var á síðasta ári og á að vera eins konar öryggisnet ef Bretar ná ekki viðskiptasamningi við ESB fyrir lok aðlögunartímabilsins sem rennur út í lok þessa árs.

Þannig hafði ESB hótað að koma í veg fyrir að hægt yrði að flytja matvæli frá Bretlandi til Norður Írlands sem væri algerlega óásættanlegt fyrir Bresku þjóðina. 

Boris Johnson ætlar ekki að láta ESB kúga sig.

Umdeilt Brexit-frumvarp samþykkt

Einkabílahatrið á fullu - "Hjólandi og gangandi settir í algeran forgang" og svo Borgarlínan eins og fíll í postulínsbúð.

Reykjavíkurborg er alveg úti að aka í umferðarmálum.

Nú þegar búið er að loka fyrir bílaumferð á Laugavegi og víðar í miðborginni þrátt fyrir hávær mótmæli rekstraraðila og bifreiðaeiganda sem aldrei var hlustað á.

Þá á nú að halda áfram í að þrengja umferðargötur og tefja bílaumferð um alla borg. Engar tillögur til að hjálpa umferðinni og ekkert bólar á Sundabraut og sennilega er borgin nú að eyðileggja þann möguleika varanlega og til frambúðar.

Það er gott mál að gera hjóla- og göngustíga en það á ekki að gera til að skemma og eyðileggja fyrir sjálfssagðri og nauðsynlegri bílaumferð.

Reykjavíkurborg stundar skipulagða og ofsafengna skæruliðastarfssemi gegn einkabílnum.

Borgarlína, hjólandi og gangandi í forgang

Borgarstjórinn er bíræfinn að notfæra sér ástandið til að loka fleiri götum. Fólkið er ekkert að kalla eftir auknu einkabílahatri í borginni.

Það er ekki að spyrja að bíræfni borgarstjórans þegar kemur að því að finna upp leiðir til að fjandskapast út í einkabílinn.

Nú ætlar hann í skjóli ástandsins að loka fleiri götum í galtómum miðbænum.

Svo þykist hann í sýndarmennsku sinni vera að gera þetta í samráði við Þórólf sóttvarnarlækni.

Bílar, fólk og verslun og viðskipti fara vel saman.

En þeir sem eru illa haldnir af einkabílahatri eins og Dagur B. Eggertsson skilja þetta ekki.

Þórólfur og Dagur ræða fleiri göngugötur

RÚV fer fyrir upplýsingaóreiðunni og birtir enn eina falsfréttina og lygaáróðurinn gegn forseta Bandaríkjanna.

RÚV og aðrir Trump hatarar reyna nú að nota sér Covid19 heimsfaraldurinn til að koma höggi á pólitíska andstæðinga sína og á þeim bæjum er einskis svifist til að láta pólitíska andstæðinga sína ávallt líta sem verst út. Eflaust hafa forseti og stjórn Bandaríkjanna gert einhver mistök í baráttu sinni gegn fordæmalausri kóróna veirunni alveg eins og ítrekað hefur komið í ljós með ýmsar aðrar ríkisstjórnir, alþjóðastofnanir og ríkjasambönd. Má þar nefna ríkisstjórnir Kína, Ítalíu og Austurríkis en einnig Alþjóða heilbrigðisstofnunina WHO sem algerlega brást og svo sjálft Evrópusambandið sem svaf illilega á verðinum og reyndist algerlega ófært um að hafa forystu eða leiðsögn í þessum faraldri.

En hjá RÚV og öðrum áróðursmiðlum vinstri glópalista er lítið látið með slíkt því þar á bæ eru þeir einu sem gera alltaf mistök eru pólitískir andstæðingar þeirra eins og Donald Trump og reyndar líka Boris Johnson forsætisráðherra Breta sem þó hefur sjálfur þurft að berjast hetjulega við veiruna.

Allt sem forseti Bandaríkjanna gerir eða segir í þessum málum er rangtúlkað á versta veg eða snúið út úr.

Hann hvatti til dæmis aldrei almenning til að fara í geislun eða að drekka einhvern sóttvarnarvökva eða frostlög.

Hann hvatti aðeins vísindamenn og lækna til að stunda rannsóknir á möguleikunum á því hvort hugsanlega mætti notast við þessar aðferðir og þessi efni í baráttunni gegn kóróna veirunni.

Skemst er minnast þess þegar hann nefndi malaríu lyfið Chloroquine sem mögulega lyfjameðferð í baráttunni við veiruna. Þá eins og nú urðu andstæðingar hans arfa vitlausir og töluðu lyfið niður og sögðu það skottulækningar og endemis snákaolíu.

Nú er þetta sama lyf notað með góðum árangri í meðferðum á virtum spítölum um heim allan meðal annars hér hjá Landspítalanum. Einnig var Trump fyrstur til að banna farþegaflug frá Kína og svo síðar almenna fólksflutninga til Bandaríkjanna.

Alveg sömu brjálæðislegu viðbrögð Trump hatara urðu þá um heim allan við þessum aðgerðum hans. Íslenski utanríkisráðherrann fór líka af límingunum og gelti og spangólaði fyrir Brussel og RÚV.

En svo gerðu Evrópuríkin og flest ríki heims algerlega það sama og þá snarþagnaði spangólaði í utanríkisráðherrann og þögn sló á alla hatarana í smá stund.

Donald Trump er ekki fullkominn langt í frá, en hann er að mörgu leyti óvenjulegur þjóðar leiðtogi sem gerir eflaust mörg mistök eins og aðrir en það sem gerir hann helst óvenjulegan að hann er ekki venjulegur steinrunninn kerfiskrati, þess í stað er hann hugmyndaríkur og opinn fyrir nýjum og óhefðbundnum aðferðum í leit að lausnum.

Sorglegt er að sjá Íslenskar ríkisstofnanir eins og Landlæknisembættið og Geislavarnir ríkisins ganga í þá gildru RÚVara og annarra réttrúnaðar fjölmiðla að láta misnota sig í þessum falsfrétta áróðri og upplýsingaóreiðu sem RÚV og þessir hatursfullu fjölmiðlar nota til þess að ná pólitískum markmiðum sínum.

Hvar er nú Þjóðaröryggisráð Íslands sem átti víst að berjast gegn svokallaðri "upplýsinga óreiðu" og falsfréttum ?

Eða á það kannski bara að ráðast gegn þeim sem voga sér að gagnrýna Evrópusambandið eins og einn ráðsmaðurinn hafði miklar áhyggjur af fyrir skemstu?

 

„Hugmyndir sem byggja á vitleysu“

Ótrúlegur hroki og yfirgangur útgerðar aðalsins. Nóg komið - það þarf að innkalla kvótann strax ! Fiskveiðiauðlindin er sameign þjóðarinnar !

Fiskveiðiauðlindin er sameign þjóðarinnar, eða hvað?

En nú berast fréttir af því þegar þjóðin öll stendur frammi stórkostlegri þjóðarvá, atvinnuleysi og miklum tekjumissi þá skuli stærstu og ríkustu sjávarútvegsfyrirtæki landsins ætla að heimta milljarða króna í skaðabætur frá skattgreiðendum þessa lands vegna þess að hugsanlega hafi tæknilega ekki að öllu leyti verið staðið rétt að úthlutun á makrílkvóta til þeirra fyrir mörgum árum síðan.

Kvótaauðlind sem þau hafa þó grætt milljarða á og fénýtt sér frá upphafi til að auka gróða sinn og eigið fé.

Ég hef nú samt oftast verð tiltölulega sanngjarn og hógvær og haft skilning á þjóðhagslega mikilvægri stöðu sjávarútvegsins og þess vegna oft réttlætt og skilið hagræðingar aðgerðir þeirra og ráðrúm til nýsköpunar og frelsis.

En þegar við bætist nýlegar fréttir af því að stærsta og lang- öflugasta sjávarútvegsfyrirtæki landsins Samherji hf heimti nú að nýta sér neyðaraðstoð ríkissjóðs til fá ölmusu- og bótagreiðslur frá ríkinu fyrir hluta starfsmanna sinn þá er manni gersamlega nóg boðið.

Nú þarf að innkalla strax fiskveiðikvótana frá útgerðarauðvaldinu og úthluta þessari auðlind þjóðarinnar uppá nýtt !

Fyrirtæki í sjávarútvegi dragi kröfu til baka

Boris Johnson forsætisráðherra í bataferli. Baráttujaxlinn mun sigrast á kóróna veirunni og Evrópusambandinu.

Það er mjög ánægjulegt að baráttujaxlinn Boris Johnson sé kominn af gjörgæslu og í bataferli á sjúkrahúsi í London.

Félagi hans Dominic Raab utanríkisráðherra sagði fyrr að hann hefði fulla trú á að eiginleikar hans þ.e. baráttugleði, bjartsýni og húmor myndu hjálpa honum við að hafa betur gegn veirunni, við skulum nú leyfa okkur að vera bjartsýn á að það rætist.

Breska þjóðin hefur verið sleginn yfir þessum ótíðindum og hefur staðið þétt við bakið á Boris. Almenningur hefur fært blómahaf framan við heimili hans og fólk hefur í stórum stíl beðið fyrir Boris og bata hans.

Frá stórsigri Borisar í síðustu þingkosningum í nóvember s.l. undir slagorðunum "klárum BREXIT" hafa vinsældir hans stóraukist og hann nýtur nú gríðarlegra vinsælda, stuðnings og almennrar samúðar landa sinna.

Boris mun sigrast á kórónaveirunni og snúa aftur harðari og einbeittari en nokkru sinni fyrr við að uppfylla kosningaloforðin að fullu og öllu og koma Bretlandi út úr Evrópusambandinu.

Hann mun leggja kórónu veiruna og ESB veiruna að velli líka.

Boris Johnson er "fighter" - Húrra fyrir honum.

Boris Johnson laus af gjörgæslu

Aðgerðir Reykjavíkurborgar þokukenndar. Miklar umbúðir og mikið loft. Borgarstjórinn vanhæfur.

Alveg dæmigert fyrir þennan duglausa borgarstjórnar meirihluta með þennan algerlega vanhæfa borgarstjóra.

Boðuðu til blaðamannafundar með lúðrablæstri um þokukenndar hugmyndir sem pakkaðar eru inní stórar umbúðir sem reynast svo að mestu óljósar humyndir um að kanna þetta og hitt og fresta öðru og skoða og athuga að fella kannski niður eitt og annað. Svo þetta venjulega innistæðulausa orðagjálfur vinstri elítunnar  um að þau ætluðu alveg sérstaklega að huga að þeim lægst settu en svo ekkert um það meir nema innihaldslaust orðagjálfrið.

Man einhver eftir skýrslunni dæmalausu sem borgarstjórnar meirihlutinn kynnti s.l. ár þar sem því var haldið fram að nettó tapaði borgin mörgum milljörðum árlega á ferðamanna straumnum í borginni.  Nú hefur ferðamannastraumurinn stöðvast með öllu og því ætti nú hagur borgarinnar heldur betur að vænkast til þess að vera með öflugar mótvægisaðgerðir, eða hvað ?

Að mörgu leyti voru aðgerðir ríkisstjórnarinnar öflugar og góðar og margir bjuggust við að borgin kæmi á eftir.

En nú er ljóst að borgin klúðrar því eins og öllu sem þessi vanhæfi borgarstjóri kemur nálægt.

Reykjavíkurborg frestar gjöldum og fellir niður