Matteo Salvini riftir stjórnarsamstarfinu á Ítalíu. Salvini er nú vinsælasti stjórnmálamaður Ítalíu.

Matteo Salvini leiðtogi Bandalagsins talar beint til fólksins og hefur gert mjög góða hluti sem innanríkisráðherra Ítalíu, þess vegna nýtur hann almannahylli og er hann nú langvinsælasti stjórnmálamaður Ítalíu. Hann hefur af raunsæi og röggsemi tekið á hælisleitenda vandanum. Hann er óhræddur að segja forystu Evrópusambandsins til syndanna og standa upp í hárinu á miðstjórnarapparatinu í Brussel. Fyrir það er hann hataður og fyrirlitinn af miðstýrðri forystu sambandsins og einnig fjölmiðla elítu Evrópu.

RÚV "okkar allra" hefur ekki dregið af sér á okkar kostnað að rakka hann niður og flokka hann á fasistabekkinn þar sem fyrir sytja margir stjórnmálamenn og fjöldi þjóðarleiðtoga sem RÚV hatast við, s.s. eins og Boris Johnson, Donald Trump, Vladímír Pútín, Viktor Orban og Andvzej Duda forseti Póllands svo einhverjir séu nefndir af haturs- og ófrægingarlista RÚV sem reyndar er miklu lengri.

Matteo Salvini getur glaðbeittur stefnt á kosningar á Ítalíu. Það er ekki nokkur vafi að hann mun landa stórsigri í kosningum þar og fá enn öflugra umboð til þess að leiða þjóð sína út úr þeim manngerða skrifræðis vanda sem aðildin að ESB og Evrusamstarfinu hefur leitt yfir þessa stórmerku þjóð Evrópu.

Síðan Ítalía tók upp Evruna sem öllu átti að bjarga hefur enginn, enginn hagvöxtur verið á Ítalíu og atvinnuleysi vaxið og vaxið og kjör alþýðu stórversnað.

Áfram Ítalía - Áfram Matteo Salvini !

Ítalska ríkisstjórnin fallin

Athugasemdir

[Sigurður Ragnarsson (IP-tala skráð) 9.8.2019 kl. 11:03]

Góð grein, Gunnlaugur.

En Mbl.is þarf ekki að segja lesendum sínum, að Norðurbandalagið sé "hægriöfgaflokkur", sem er niðrandi orð og óbrúklegt í vönduðum fréttaskrifum. Lesendur geta sjálfir myndað sér skoðun á flokknum, ef þeir vilja og vita nógu mikið um málefni hans. Þessi flokkur er reyndar ekki verri en svo, að góðvinur Moggaritstjóra gat notað hann í ríkisstjórnum sínum. Vingjarnleg kveðja.