Það eru enginn lög í landinu sem segja að aðildarviðræður við ESB skuli vara um aldur og ævi !

Það er merkilegur hroki í þeim sem virðast halda það að þingsályktunartillaga nokkurra fyrrverandi stjórnarþingmanna sem reyndar flestir eru fallnir út af þingi skuli vara um alla eilífð og sé ósnertanleg heilög kú.

Þessi þingályktun um ESB aðildarviðræður sem reyndar var ekkert annað en viljayfirlýsing þessara þingmanna og þáverandi ríkisstjórnar. Auk þess var tillagan þvinguð í gegn með einhverjum stærstu kosningasvikum og þvingunum á þingmönnum VG sem sögur fara af.  Sömu þingmenn höfnuðu því líka ítrekað að þjóðin fengi beina aðkomu að málinu.

Það er ekkert í lögum landsins eða stjórnarskrá sem segir það að þessar aðildarviðræður skuli vara um aldur og ævi og séu ósneratanlegur og heilagur gerningur þessa fyrrverandi þings.

Reyndar eru engar viðræður í gangi því þær strönduðu fyrir meira en tveimur árum í tíð fyrrverandi ríkisstjórnar vegna andstöðu ESB sjálfs við þá fyrirvara sem Alþingi hafði sjálft sett í sjávarútvegsmálum.   

Vorið 2013 var gengið til kosninga og þáverandi stjórnarflokkar Samfylking og VG guldu sögulegt kosninga afhroð fengu samanlagt aðeins 16 þingmenn af 63, en höfðu áður haft 34 þingmenn. 

Núverandi Ríkisstjórn er meiri hluta stjórn tveggja flokka hún er á móti ESB aðild studd af landsfundum beggja stjórnarflokkanna. Það væri algerlega á móti lýðræðinu og þingræðinu að þessi stjórn færi að framfylgja strandaðri stefnu fyrrverandi rikisstjórnar í ESB málinu eða utanríkismálum yfirleitt !  

„Gunnar Bragi fullkomlega úti að aka“