Boris Johnson ofurliði borinn. Hann vill kosningar strax og sterkara umboð til að leiða þjóðina út úr Evrópusambandinu.

Það gengur mikið á Breskum stjórnmálum. Boris Johnson varð undir í atkvæðagreiðslu í þinginu í gær þar sem ESB sinnar komu því í gegn að BREXIT verði frestað eina ferðina enn.

Boris hefur sagt að undir engum kringum stæðum muni hann fara fram á að útgöngunni þann 31. október n.k. verði frestað. "Do or die"

Hann vill því að almennar þingkosningar fari fram um miðjan október. Tillaga hans um þingkosningar var felld í gær. Það er sannarlega á brattann að sækja hjá forsætisráðherranum þar sem ESB sinnar á þinginu þvælast endalaust fyrir og gera allt sem þeir geta til að stöðva það að vilji þjóðaratkvæðagreiðslunnar um að Bretland yfirgefi Evrópusambandið nái fram að ganga.

En skoðanakannanir sýna að fólk vill binda endi á þetta og er þess vegna tilbúið að Bretland fari út án samnings.

Skoðanakannanir sýna líka að Boris Johnson nýtur hylli og gæti hæglega unnið næstu þingkosningar og þess vegna vil Stjórnarandstaðan ekki kosningar þeir eru hræddir við þjóðina.

En Boris er maður fólksins og öflugur leiðtogi og þó hann sé nú um stund ofurliði borinn þá mun hann mæta tvíefldur til leiks og vonandi tekst honum á endanum að efna loforðin við þjóðina og leiða Bretland farsællega burt úr Evrópusambandinu!

Ég segi NEI við ESB !

Boðar til nýrra kosninga um þingrof

Mike Pence, varaforseti Bandaríkjanna heiðrar Ísland. Fleðulæti Kötu Jak og "góða fólksins" hlægileg !

Hálf vandræðalegt og eiginlega kjánalegt fyrir alla vinstri stjórnmálaelítuna á Íslandi var að neyðast til að taka á móti varaforseta  Bandaríkjanna Mike Pence og vera með öll þessi látalæti og uppgerðar fleðuskap við fólk sem það hefur marg lýst botnlausu hatri sínu á.

Hápunktur sýndarmennskunnar og láta látana var þó þegar Dagur B. Eggerts borgarstjóri mætti í Höfða eins og grjót harður Maóisti á kínversku reiðhjóli og svo í framhaldinu þegar Guðni Th. með hommabandið um úlnliðinn og forseti "góða fólksins" hvíslaði því að Penca en passaði auðvitað að allir fjölmiðlarnir heyrðu að "Hann væri sjálfur Gorbatsjow" og varð svo eins og Mikki refur á svipinn.

Svo voru regnbogafánarnir á öllum fánastöngum "góða fólksins" og "góðu fyrirtækjanna" í Borgartúninu beinlínis til þess að ögra varaforsetanum og sýna að þau væru öll í rétta liðinu á sama tíma og heiftúðleg vitstola íslensk ungmenni brenndu bandaríska fánann í fjöruborðinu við Höfða og myndir af tiltækinu voru birtar í öllum helstu fjölmiðlum og hatrið og heift þessara tveggja mótmælenda gerð þar góð skil og auðvitað lét RÚV "okkar allra" ekki sitt eftir liggja í að níða niður þennan næst æðsta leðtoga Bandarikjanna. Lokapunturinn í leikritinu var svo þegar yfirkommúnistinn Kata Jak flaðraðiði og daðrari við varaforsetann í gömlu herskýli bandaríska flugflotans á Keflavíkurflugvelli.

Þá næstum gubbaði ég gamli herstöðvaandstæðingurinn.

How low can you go !

Ég óska Mike Pence og eiginkonu hans alls hinns besta og þakka honum fyrir Íslandsheimsóknina !

Hann kann greinilega málsháttinn um að best sé að halda óvinum sínum mjög nálægt sér, honum tókst það býsna vel í dag.  

Mótmæltu komu Pence

Enn og aftur situr Breska þingið á svikráðum við Bresku þjóðina og svíkst um og neitar að framfylgja skýrum fyrirmælum þjóðaratkvæðagreiðslunnar um að Bretland yfirgefi ESB.

Boris Johnson forsætisráðherra Breta er enginn veifiskati og þó svo hann hafi tapað þessari atkvæðagreiðslu í Breska þinginu í gærkvöldi þá á hann eftir að koma tvíefldur til baka. Þó þessi orusta tapist þá mun hann samt vinna stríðið.

Á þessari mynd sem tekin var í kvöld er hann greinilega mjög svektur og vonsvikinn á svip. Enda enginn furða þar sem 27 flokksfélagar hans greiddu atkvæði gegn BREXIT og ásamt Corbyn og Verkamannaflokknum og Lib.Dem og þannig báru þeir stjórn hans ofurliði við að framfylgja skýrum vilja þjóðarinnar um að Bretland yfirgefi Evrópusambandið.

Boris mun koma tvíefldur til leiks og vonandi mun hann taka saman við hinn sigursæla Brexit flokk Nigels Farage og þannig munu þeir farsællega vinna þingkosningarnar og leiða Bretland farsællega út úr þessu miðstýrða óþolandi apparati ESB.

Stjórnin undir í Brexit-atkvæðagreiðslu

EES samningurinn er orðinn einhliða einstreymisloki tilskipanaflóðs frá Brussel. Finna þarf nýja lausn ellegar segja þessum samningi upp. EEXIT !

EES samningurinn var í upphafi fyrst og fremst hugsaður sem gagnkvæmur fríverslunarsamningur jafnrétthárra samningsaðila. Hann átti aldrei að verða að þessu ólýðræðislega monsteri sem hann er nú orðinn og hann átti aldrei að þýða það að við afsöluðuðum okkur löggjafar- og framkvæmdavaldi og dómsvaldi eins og nú er orðið. Það er gróflega vegið að fullveldi og sjálfsstæði þjóðarinnar.

EES samningurinn átti að vera bráðabirgða samningur fyrir þau ríki Evrópu sem ekki vildu ganga í ESB eða voru ekki tilbúinn til þess þá. Noregur og Ísland vildu ekki inn í ESB og reyndar ekki Sviss heldur. Reynt var í tvígang að koma Noregi inn í ESB en það var tvisvar sinnum fellt í þjóðaratkvæðagreiðslu. EES samningur var felldur í Sviss og Svisslendingar báru gæfu til að standa bæði utan ESB og EES líka. Þeir hafa síðan gert tvíhliða fríverslunarsamninga við ESB og engum dettur í hug að tala um fyrirmyndarríkið Sviss sem eitthvert einangrað, afdalaríki eins og hræðsluáróður ESB sinna hér á landi gengur út á.

EES samningurinn hefur breyst í allt um lykjandi kæfandi faðmlag þar sem endalausum tilskipunum er einhliða dembt yfir. Regluverk miðstýringar skrifræðisins krefst svo sífellt að nýjum rándýrum valdastofnunum og eftirlitsapparötum sé komið á fót sem eiga svo að heyra beint undir Brusselskar stofnanir án nokkurrar raunverulegrar aðkomu lýðræðisins eða þjóðkjörinna fulltrúa lýðræðisins.

Þetta sjáum við greinilega nú í nýsamþykktum 3ja Orkupakka ESB þar sem valdastofnuninni ACER er fært æðsta vald í orkumálum þjóðarinnar. 

Þessu ólýðræðislega miðstýringar fargani verður að fara að linna áður en þetta kaffærir okkur alveg.

Ég segi NEI við ESB !

Ég segi NEI við EES !

Góðu samkomulagi stefnt í uppnám

Þessi orusta tapaðist. En við ætlum okkur að vinna stríðið og verja sjálfsstæði þjóðarinnar.

Orkupakki ESB nr. 3 var samþykktur af Alþingi áðan. Sannarlega sorglegt að meirihluti þingmanna þjóðarinnar skuli frekar vilja lúta boðvaldi frá Brussel en hlusta á og fara eftir vilja mikils meirihluta sinna eigin kjósenda og uppnefna þá sem vilja gæta þjóðarhagsmuna sem "þjóðrembur"

En það er alveg víst að þetta er ekki síðasta orrustan um Ísland og nú þurfum við að safna liði og sækja fram gegn landsölu liðinu sem ætlar sér að koma Íslandi með húð og hári undir miðstjórnarvald Evrópusambandsins. 

Ekki verður hægt að treysta á að forsetinn lyfti svo mikið sem litla putta til þess að hafna undirskrift laganna og vísa málinu til þjóðarinnar. Hann hefur sýnt að hann er eins og strengjabrúða ESB trúboðsins á Íslandi.

Næsta mál á dagskrá er að hefja baráttu fyrir uppsögn EES samningsins! 

Þriðji orkupakkinn samþykktur

Hinn forbannaði flokkur AFD vinnur stórsigur í sambandskosningum í Þýskalandi.

Alternative für Deutscheland er stóri sigurvegari héraðskosninganna í Þýskalandi í dag.

Þessi nýi framsækni stjórnmálaflokkur Þýskalands er að tvöfalda fylgi sitt og vel það og er nú hinn nýji þjóðarflokkur Þýskalands. Það er óhætt að óska Þjóðverjum til hamingju með AFD sigurvegara kosninganna.

Hér á Íslandi er veruleg þörf fyrir stórbreytingu með nýjum þjóðarflokki sem þorir og getur farið fram gegn hinum óþjóðlegu glópalista flokkum sem vilja svíkja þjóðina undir boðvald hinns Evrópska Stórríkis !

Hægriöfgar á afmæli heimsstyrjaldar

Katrín Jakobsdóttir flaðrar og daðrar við Merkel kanslara Þýskalands og æðsta höfuð Evrópusambandsins

Kata Jak heldur ekki vatni yfir stórpólitískri heimsókn Angelu Merkel.

Hrifning og hollusta hennar við þennan misheppnaðasta kanslara Þýskalands síðan á tímum Adolfs Hitlers leynir sér ekki. Báðir þeir kanslarar Þýskalands vildu koma á Stórríki Evrópu. Fyrri tilraunin fór sem betur fer út um þúfur, en seinni tilraunin stendur yfir og mun enda með ósköpum.

"EIN REICH, EINE FUHRER" hrópaði sá fyrri, en sá seinni hrópar í dag, -EIN REICH, EINE COMMÍZAR-

Og Kata Jak kyssir og klappar! 

Kata Jak sýnir Merkel Ísland og orkumannvirkinn og lofar og staðfestir 3ja orkupakkann, en hún ætlar svo að flýja land þegar Mike Pence varaforseti Bandaríkjanna heimsækir Ísland. 

 

 

Blaðamannafundur hafinn í Viðey

Orkan okkar skilar vönduðu sérfræðiáliti sem sýnir ótvírætt fram á skaðsemi á innleiðingu 3ja Orkupakka ESB.

Sérfræðinefnd Orkunnar okkar kynnti í dag á opnum kynningarfundi í Þjóðmenningarhúsinu vandað sérfræðíálit þar sem rauði þráðurinn í niðurstöðu skýrslunnar er að Alþingi ætti að hafna upptöku 3 orkupakkans á þeirri forsendu að upptaka hans í íslensk lög væri, "skaðleg fyrir íslenska þjóð, efnahag hennar og náttúru.

Skýrslan er 83 blaðsíður og hafa höfundar skýrslunnar skilað mjög góðu verki á skömmum tíma.

Í inngangi skýrslunnar segir að hér sé um að ræða einhverja stærstu ákvörðun sem þjóðin hefur staðið frammi fyrir í sögu lýðveldisins.

Ritstjórar skýrslunnar eru þrír þekktir prófessorar þeir; Jónas Elíasson, Stefán Arnórsson og Haraldur Ólafsson.

Auk þeirra eru aðalhöfundar efnis þeir, Hjörleifur Guttormsson, Bjarni Jónsson, Elías B. Elíasson, Ragnar Árnason, Eyjólfur Ármannsson, Sigurbjörn Svavarsson, Styrmir Gunnarsson og Jón Baldvin Hannibalsson.

Hér með eru færðar þakkir til allra þeirra sem að skýrslunni hafa komið og óhætt er að óska Orkunni okkar til hamingju með þessa vönduðum skýrslu. Vonandi verður hún og efni hennar öflugt vopn í baráttunni við að hrinda innleiðingu 3ja Orkupakka ESB í íslensk lög.

Stærsta ákvörðun „íslensks lýðveldis“

Katrín Jakobsdóttir býður Angelu Merkel í sérstaka viðhafnarheimsókn til Íslands. Orkupakki ESB og og afsal orku- og auðlinda Íslands til ESB stórríkisins verður þar staðfest með fleðulátum. Ætli kanslarinn fái nýtt skjálftakast af fögnuði ?

Ætli Katrín Jakobsdóttir haldi sömu innblásnu hátíðarræðuna yfir Angelu Merkel á Þingvöllum eða kannski í Hellisheiðarvirkjun þegar hún fagnar fyrirhugaðri samþykkt Íslands á Orkupakka 3 með Frau Merkel og játar um leið Evrópusambandinu ævarandi ást sína og tryggð eins og hún gerði svo eftirminnilega í Strassbourg fyrr á þessu ári þegar hún fagnaði ógurlega 25 ára afmæli EES samningsins á sérstökum viðhafnar hátíðarfundi með Frau Merkel, Macron og Juncker og allri æðstu elítu Evrópusambandsins. 

Gæti verð að þýski kanslarinn Frau Merkel fái þá nýtt skjálftakast af eintómum fögnuði og gleði yfir  sannri ESB samevrópskri hamingju ?

Merkel í heimsókn til Íslands

BREXIT fulla ferð. Bretland fer út úr ESB 31. október. Aukinn meirihluti þjóðarinnar styður útgöngu og vasklega framgöngu Borisar Johnsons.

Boris Johnson nýr leiðtogi Bretlands nýtur nú sífellt meiri stuðnings almennings, með vasklegri framgöngu sinni og einörðum yfirlýsingum og loforðum um að virða og framfylgja ákvörðun þjóðaratkvæðagreiðslunnar um að Bretland yfirgefi ESB og engar refjar. "No if" - No but" 

Útgangan úr ESB alveg sama hvað, nýtur nú aukins meirihluta Bresku þjóðarinnar samkvæmt nýrri skoðanakönnun The Daily Telegraph. Samkvæmt sömu könnun nýtur Breska þingið sífellt minna fylgis við að reyna að hindra eða stöðva Boris og ríkisstjórn hans við að framfylgja vilja þjóðarinnar. 

Breski Íhaldsflokkurinn er í stefnuskrá sinni algerlega á móti ESB aðild og styður niðurstöður þjóðaratkvæðagreiðslunnar 2016 um útgöngu úr ESB, þrátt fyrir það er hluti þingflokksins ekki á því máli og það var einmitt ástæðan fyrir því að Teresu May var ýtt til hliðar eftir að hún ítrekað sveik stefnu flokksins og reyndi uppgjafarsamninga við ESB. Þess vegna var Boris Johnson valinn leiðtogi með yfirburða kosningu.

Sama hreinsunin þyrfti að eiga sér stað hér á Íslandi í stærsta borgaralega flokknum, Sjálfsstæðisflokknum þar sem formaðurinn og flokkselítan hefur algerlega svikið grasrótina og stefnu flokksins um að standa gegn ESB aðild og frekara valda afsali til þess apparata.

Áfram Boris Johnson, lifi lýðræðið !

Ég segi NEI við ESB !

 

 

Vilja Brexit sama hvað það kostar