Tjáningarfrelsið lítilsvirt með dómi Héraðsdóms, þar sem HR er sýknað af öllum bótakröfum Kristins Sigurjónssonar hinns burtrekna lektors. Hinn pólitíski rétttrúnaður sem tröllríður skólakerfinu er nú með kverkatak á dómskerfinu, eða hvað ?

Snorri Óskarsson kennari var fyrirvaralaust rekinn frá grunnskóla á Akureyri sem hann hafði þjónað með sóma í áratugi vegna þess að hann hafði tjáð sig utan vinnutíma um umdeild þjóðfélags mál og vitnað í Biblíuna og fylgt sinni sannfæringu í anda trúar sinnar og sannfæringar. Snorri brást til varnar og uppsögnin var dæmd ólögleg fyrir dómstólum, dauð og ómerk, þó Snorra hafi verið dæmdar sannarlega mjög lágar bætur og enginn pólitíkus á Akureyri né bæjarstjórinn voru látnir axla ábyrgð á ólögmætinu. Nánast allir fjölmiðlar hinns pólitíska rétttrúnaðar atyrtu og rægðu Snorra Óskarsson frá upphafi.

Snorri hefur enn ekki fengið aðra vinnu, honum hefur verð ýtt út af sviði mannlegs samfélags.

Héraðsdómur Reykjavíkur hefur nú hafnað öllum bótakröfum Kristins Sigurjónssonar fyrrverandi lektors HR eftir að háskolinn vísaði honum fyrirvaralaust og án nokkurrar viðvörunar úr starfi fyrir hans persónulegu ummæli sem hann viðhafði utan vinnutíma og í sínum persónulega vina- og kunningja hópi á FB. Ummæla sem vel mátti gagnrýna eða deila á en voru ekki hættulegar neinum og alls ekki til þess fallinn að rústa og eyðileggja mannorð Kristins Sigurjónssonar. Dómurinn staðfestir þessa aðför HR að æru og mannorði hans.

Rökstuðningur og dómsniðurstaða Héraðsdóms er gríðarlegt áfall fyrir tjáninga- og skoðanafrelsið í landinu. Persónufrelsi einstaklingana er í hættu fyrir öfgum og pólitískri rétthugsun! Réttarríkið og einstaklingsfrelsið riðar til falls.

Jón Steinar Gunnlaugsson verjandi Kristins segir að dómnum verði ekki unað undir neinum kringum stæðum og honum verði umsvifalaust áfrýjað til Landsréttar !

Ég skora hér með á alla þá sem vilja verja skoðana- og tjáningarfrelsið að rétta Kristni Sigurjónssyni hjálparhönd í þeirri baráttu fyrir réttlætinu sem framundan er, en nokkrir vinir hans hafa hafið fjársöfnun. 

Banki 162, hb 26, bankareikn.nr. 12277, kt.261165-3929 (Páll Steingrímsson)

Kristinn mun áfrýja til Landsréttar

EES samningurinn mun svipta okkur fullveldinu ! ESB valdið og taglhnýtingar þeirra hér innanlands misnota EES samninginn til að koma landi og þjóð í bútum undir Brussel valdið.

EES samningurinn var í upphafi hugsaður sem einskonar millileikur þeirra þjóðríkja sem síðar kæmu að fullu og öllu inn í Evrópusambandið, sem þá var aðeins viðskipta- og fríverslunar samband frjálsra þjóða en ekki miðstýrt Evrópskt stórríki sem heimtar alræðisvöld og vill leggja niður lýðræðisleg völd þjóðríkjanna eins og nú stefnir í.

Eftir að Norðmenn felldu ESB aðild tvisvar sinnum og svo þegar ljóst var að ESB umsókn Íslands frá 2009 var aðeins gönuhlaup Samfylkingarinnar og meirihluti þjóðarinnar vildi alls ekki inn í Evrópusambandið þá var eins og valdaelítan í Brussel forhertist og með hjálp meðvirkra stjórnmálamanna þessara landa og óþjóðlegs embættismannavalds sem þráir ekkert heitara en fá aukin völd frá skrifræðis miðstjórninni í Brussel og laus undan forræði og eftirliti lýðræðisins í sínum eigin þjóðlöndum þá er EES samningurinn nú keyrður áfram af fullkomnu miskunnarleysi og og allra bragða beitt. Embættisvaldið færist nú í aukana og fjölmiðlum og dómsvaldi beitt til að ná alræðisvöldum ! Orkupakki 3 og fautagangurinn við að innleiða hann í íslensk lög þvert gegn vilja þjóðarinnar er skýrt dæmi um ofstopann og hrokann sem miðstýringarvaldið með hjálp embættisaðalsins og fjölmiðlaelítunnar er tilbúið að beita. Ég segi Nei við ESB og ég segi Nei við Orkupakka 3.

EES með yfirþjóðleg einkenni

ESB stefnir nú ríkisstjórn Belgíu fyrir Evrópudómstólnum, fyrir að innleiða ekki tilskipanir og reglugerðir samkvæmt 3ja Orkupakkanum.

Framkvæmdastjórn Evrópusambandsins beitir nú ríkisstjórnir aðildarlandanna fullri hörku til að lúta tilskipana- og boðvaldi 3ja orkupakkans í einu og öllu. Lýðræðislega kjörnar ríkisstjórnir skulu hlýða boðvaldi miðstjórnarinnar.

Ríkisstjórn Belgíu hefur nú verið stefnt fyrir Evrópudómstólnum fyrir að hafa ekki innleitt reglugerðir um raforku og gas á réttan hátt. Innleiðingar Orkupakkans heimta skilyrðislaust valdaafsal þjóðríkjanna að eigin orkumálum.

Guðlaugur Þór heldur því fram að samþykkt Íslands á orkupakkanum skipti engu máli og hann sé bæði með belti og axlabönd út af haldlausum fyrirvörum. Það er alveg ljóst að samþykkt 3ja orkupakkans er algert glapræði og Guðlaugur Þór mun fyrr en seinna standa á sviðinu frammi fyrir Evrópska rannsóknarréttinum með allt niður um sig. Mér og flestum mun þá samt standa alveg á sama um buxnaleysi Guðlaugs Þórs, en mér mun ekki standa á sama um að sjálfsstæði og hagsmunir íslensku þjóðarinnar verða fótum troðnir af erlendu dómsvaldi þessa ráðstjórnarapparats sem að lýðræðið og fólkið í landinu hefur ekkert um að segja.

Stefnir Belgíu vegna þriðja orkupakkans

Viðreisnar flokkurinn óþjóðlegi og ESB sinnaði, berst alltaf fyrst gegn þjóð sinni og atvinnuvegum af öllu afli, reynir nú að eyðileggja og rústa íslenskan landbúnað !

Það er alltaf mjög fyrirsjáanlegt hver afstaða og stefna stjórnmálaflokksins Viðreisnar er þegar kemur að málum er varðar íslenska þjóðarhagsmuni eða að gæta að íslenskri menningu og rétti íslensks atvinnulífs og einstaklinga til athafna og frelsis. Þessir þingmenn ESB flokksins Viðreisnar minna á óþjóðholla konungskjörna þingmenn hinns gamla alþingis sem helst voru hálaunaður og handvaldir embættismenn hins danska konungsvalds og börðust gegn sjálfsstæði lands og þjóðar. Þeir eins og Viðreisnar postularnir gæta alltaf fyrst að hagsmunum alþjóða glópalismans og miðstýrða ESB apparatsins í Brussel fyrst, Nú berjast þeir af alefli gegn íslenskri þjóðmenningu og sauðfjárbændum og íslenskum landbúnaði sem þeir vilja feigan. Íslenskur landbúnaður er hreinn og ómengaður og alveg einstakur og þarf að fá að lifa með reisn, hann er stór partur af þjóðinni og þjóðmenningunni. - Svei, já svei þessum landráðaöflum Viðreisnar !

Tollkvóti fyrir lambahryggi ekki opnaður

Heimsenda spárnar um hamfarahlýnun ná nýjum hæðum hjá RÚV. - "Við munum öll deyja, þú ert dauðans matur"

RÚV sem á að vera þjóðarútvarp og samkvæmt lögum hlutlaust og vandaður þjóðarmiðill allra landsmanna er samt alveg stanslaust í áróðri og innrætingu fyrir botnlausum áróðri glópalista og vinstri útópíu, ekki ósvipað Útvarpi Austur Þýska alþýðulýðveldisins sem heilþvoði almenning og sagði stanslausar hamfarasögur af hinum óskaplega vonda kspítalisma í vestri

Nú nýlega birtir RÚV áróðurs- og bullgrein Karls Ágústs Þorbergssonar þar sem hann hótar landsmönnum öllum dauða og útrýmingu vegna meintra "loftslagshamfara af mannavöldum" "og segir Ísland og íslendinga helmingi verri umhverfis- og orkusóða em meðaltal ESB Guðsríkisins.

Hann endar áróðurs grein sína hjá RÚV svo eins og sannur og heittrúaður Marxisti og Stalínisti að hann óski ógeðslega og vonda

"kapítalismanum tortýmingar sem fyrst !

"Hamfarahlýnun" Heimsendaspárnar uppfærðar og RÚV áróðurinn keyrður áfram og allt vonda kapítalismanum að kenna ! Hjólaðu í vinnuna, trúðu okkur, eða við munum skattleggja þig í drep !

Ég veit að það að taka ekki 100% undir allar öfgafyllstu hamfara- og heimsenda spár loftslags glópana mun setja mig út á jaðarinn hjá RÚV og öllum þeim heimsendaspámönnum sem segja okkur að heimurinn sé að farast útaf því að þú skulir leyfa þér að eiga þinn eigin bíl og ferðast stundum um heiminn með almennu farþegaflugi.

Fremstir í heimsenda spánum er þó sjálft "góða fólkið" og forréttindaliðið sem ferðast um heiminn þveran og endilangan á fyrsta farrymi eða á eiturspúandi einkaþotum og segir svo okkur að hafa samviskubit og að hjóla í vinnuna !

Óttast áhrif hitabylgju á Grænlandsjökul

Boris Johnson nýr forsætisráðherra Bretlands er bæði rægður og smánaður í helstu fjölmiðlum íslenskra ESB sinna.

Það var auðvitað við því að búast að flestir helstu fjölmiðlar Íslands sem árum saman hafa dásamað Evrópusambandið og barist fyrir því að Ísland myndi ganga þar inn, myndu nú ekki kætast yfir því að Boris Johnson vann yfirburða sigur í leiðtogakjöri Breska íhaldsflokksins og er nú nýr forsætisráðherra Bretlands. 

 

Fréttablaðið og miðlar 365 hafa ekki sparað svigurmælin og kallað hann popúlista og ýmsum ónefnum. RÚV bregst aldrei þegar málsstaður ESB er annarsvegar og nú er reynt að spirða þá Trump og Johnson saman sem "The Bad Boys"- svona einskonar óvinir mannkyns númer 1.

ESB sinnar eins og Eiríkur Bergmann og Ólafur Harðarson eru óspart kallaðir í frétta settið hjá RÚV til að vitna um mannvonsku, meint siðleysi og tudda hátt þessa nýja ómögulega forsætisráðherra. Síðan fær sjálf  ESB drottningin Sigrún Davíðsdóttir ómældan tíma í svokölluðum fréttaskýringarþáttum Spegisins til að rægja og ófrægja Boris og nýja ríkisstjórn Bretlands.

Steininn tók þó alveg úr þegar ég las umfjöllun Samfylkingarsnepilsins Kjarnans um nýskipaða ráðherra í nýrri ríkisstjórn Bretlands. Þar sem nöfn þeirra voru birt og óskapast yfir því að þetta væru harðir og samviskulausir BREXIT gaurar og við bætt mjög niðrandi og neikvæðum umsögnum, nánast eins og þetta væru allt saman ótýndir þrjótar og glæpamenn. Það er ekki við því að búast að þessir fréttasneplar geti búið til óhlutdrægar fréttir, þetta gætu alveg eins verið ríkisstyrktir fjölmiðlar í Sovétríkjunum á sjöunda áratug síðustu aldar að segja fréttir frá myndun kapítalískrar ríkisstjórnar í hinum vondu og siðspilltu vesturlöndum

Boris Johnson nýr forsætisráðherra Bretlands, heitir því að framfylgja vilja þjóðarinnar og koma Bretlandi út úr ESB ekki seinna en 31. október n.k.

Boris Johnson nýr forsætisráðherra Bretlands nýtur mikils trausts almennings langt út fyrir raðir eigin flokks, hann segir hlutina umbúðalaust og á mannamáli. Það verður samt ekki auðvelt fyrir hann að standa við stóru loforðin og framfylgja vilja þjóðarinnar um útgöngu úr ESB. Fjölmiðlavaldið með BBC í broddi fylkingar og embættis elítan í landinu nánast eins og hún leggur sig og stærsti hluti stjórnmálaelítunnar líka berst á móti honum og ætlaði sér aldrei að taka mark á þjóðaratkvæðagreiðslunni 2016 ef hún yrði ekki eins og þau vildu að hún yrði, það er að þau héldu og vildu að þjóðin samþykkti áframhaldandi ESB aðild. Stóra sjokkið fyrir þessa sjálfskipuðu valdaelítu var niðurstaða þjóðaratkvæðagreiðslunnar og lýðræðisleg höfnun almennings á frekari samleið Bretlands í Evrópusambandinu.

Hér heldur Boris á skilti sem á stendur.

BREXIT NOW,

FREEDOM,

INDEPENDENCE,

IDENTITY,

DEMOCRACY,

SOVEREIGNTY !

Fyrir þetta kallar íslenska Fréttablaðið og önnur áróðursrit hann popúlista og reyndar öllum illum nöfnum. Þau fylgja ESB í blindni og vinna að því öllum árum að koma Íslandi undir hramm Brussel, hræðsla þeirra nú er að honum takist að sameina Bresku þjóðina og framfylgja þjóðarvilhanum og leiða Bretland farsællega út úr Evrópusambandinu.

Áfram Boris Johnson. NEI við ESB

Ný ríkisstjórn tekur á sig mynd

Til hamingju Boris Johnson - Nýr forsætisráðherra Bretlands tekur við lyklavöldum í dag. Hlaut yfir burða kosninguí leiðtogavali Breska íhaldsflokksins og heitir því að framfylgja skýrum þjóðarvilja um að Bretland yfirgefi Evrópusambandið!

Boris Johnson er enginn venjulegur stjórnmálamaður, hann tekur í dag við lyklavöldum Breska forsætisráðuneytisins af Theresu May sem herfilega mistókst að framfylgja skýrum þjóðarvilja samkvæmt þjóðaratkvæðagreiðslunni 23. Júní 2016 um að Bretland yfirgefi Evrópusambandið.

Boris Johnson tekur í dag við æðsta embætti Breskra stjórnmála eftir stórsigur í leiðtogavali Breska Íhaldsflokksins. Boris er maður fólksins hann er enginn venjulegur meðalmaður og klæðir sig ekki í föt meðalmennskunnar.

Hann er þess vegna hataður af elítunni og fjölmiðlaklíkunni sem berst gegn öllum sem vilja Bretland út úr ESB og samþykkja ekki fyrirvaralaust forræði ESB klíkunnar.

Þess vegna var Boris Johnson útmálaður af fréttastofu RÚV og Sigrúnu Davíðsdóttur fréttastjóra RÚV í Englandi fyrir löngu síðan. Hann hefur heitið því að hann og ríkisstjórn hans muni framfylgja þjóðarvilja um og koma Bretlandi út úr ESB ekki seinna en 31. Október n.k.

Ef hann gerir það ekki er eins víst að eftir næstu þingkosningar muni Nigel Farage leiðtogi hinns sigursækna BREXIT flokks taka við sem næsti forsætisráðherra Bretlands.

Viðbrögð við sigri Johnsons

Orðið "hatursorðræða" er stimpill sem fjölmiðlar misnota gegn fólki sem ekki hefur "réttar skoðanir" STASI og ritskoðunar lögbann eru handan við hornið.

Brynjar Níelsson alþingismaður er oft góður í að benda á hræsnina og tvöfeldnina sem hinir sjálfsupphöfnu réttlætispostular hinns pólitíska rétttrúnaðar verða ítrekað uppvísir að þegar þeir vilja banna og þagga niður allar skoðanir sem eru þeim eða þeirra pólitíska rétttrúnaði ekki að skapi. Brynjar mætti hinns vegar vera harðari í horn að taka þegar kemur að því standa uppi í hárinu á þessu liði á alþingi.

Hingað til hefur almenningi og öllu venjulegu fólki hinns vestræna heims leyfst algerlega að gagnrýna trúarbrögð harðlega og gera að þeim gys. Ekki hvað síst hefur kristinn dómurinn þurft að liggja undir harðri gagnrýni um kennisetningarnar og tilvist sína og legið undir háði og spotti. 

En nú er orðið bannað að gagnrýna trúarbrögðin ISLAM þau eru sett í stóran sviga og fólki hótað fangelsi eð útskúfun sem vogar sér að gagnrýna framkvæmd og boðun þessara trúarbragða.

Hvað er að, tjáningarfrelsið er í stórhættu !

„Nú þarf ekki lengur Stasi“