ESB valdið vélar nú um æðstu embættismenn, hverjir munu taka við af Juncker og Tusk sem forsetar og æðstu valdamenn þessa valdsækna stjórnsýsluapparats !

Það kemur ekki á óvart að Frau Mercel kanslari Þýskalands skuli enn einu sinni koma vilja sínum fram um hvernig ESB valdaapparatið velur í goggunarröðina um þá sem komast að í valdastöðurnar hjá Brussel valdinu.

Skipunartími þeirra Jeans Claude Junckers forseta framkvæmdastjórnarinnar og Donalds Tusks forseta leiðtogaráðsins er 5 ár og sá tími er brátt liðinn. Junckers verður helst minnst fyrir að standa varla í lappirnar opinberlega sökum þrálátrar drykkjusýki, sem valdaelítan reyndi þó stöðugt að þræta fyrir, þrátt fyrir fjölda mynbandsupptakna sem sýndu að keisarinn var alls nakinn og blindfullur á sviðinu. Donalds Tusks verður helst minnst fyrir fádæma hroka og ummæli hans um að "sérstök álma í helvíti hefði verið tekin frá fyrir þá sem studdu BREXIT" sýndi að þessi hroka karl Brussel valdsins bar enga virðingu fyrir almennings lýðræði. 

Báðir þessir gerspilltu forsetar ESB þurfa þó ekkert að kvíða framtíðinni, ESB elítan hefur tryggt þeim gengdarlaus forréttindi og fúlgur fjár til æviloka, þannig virka kommísera forréttindin hjá valda elítunni í Brussel og almenningur er aldrei spurður !

Það kemur heldur ekki á óvart að næstu handvöldu silkihúfur Brussel valdsins skuli báðar vera eindregnir baráttumenn fyrir stórríki ESB og að það verði eitt stórríki, eitt Super State með eigin her og mikil miðstjórnar völd klíkunnar. Þjóðríkin verði bara valdalaus fylki í ESB hertogaveldinu og lýðræðið verði aðeins upp á punt. Embættisklíkan og sérfræðingaráðin hafi tilskipunarvaldið og öll völd.

Fyrir aðeins örfáum árum þverneituðu íslenskir ESB sinnar því að þetta væri eða yrði markmið ESB, en nú þegar það liggur alveg ljóst fyrir þá hljóta þau að láta af stuðningi sínum við að litla Ísland verði valdalaust peð í þessu hertogadæmi Brussel valdsins.

Eða vilja þau sjálfsstæði og fullveldi íslensku þjóðarinnar feigt ?

Hver er hinn nýi leiðtogi ESB?