VG - Forystan með ESB þjónkunn sinni, alveg að verða búinn að eyðileggja þetta sem var hér áður, eina raunverulega vinstra afl Íslenskrar alþýðu !

Ekki er ég hissa á að þessi unga, gáfaða og vel hugsandi kona og nú fyrrverandi formaður "Ungra Vinstri Grænna" Brynja Halldórsdóttir skuli nú á endanum eftir endalaus vonbrigði segja sig úr flokknum sem eitt sinn var að hennar og margra annarra mati flokkur staðfestu og þjóðfrelsis.

Flokkurinn og forysta hans er fyrir löngu búinn að missa allt raunverulegt jarðsamband við "grasrótina" í flokknum og ekkert bendir til annars en þeir verði bara áfram auðmjúk og sífellt eftirgefandi hækja Samfylkingarinnar.

Um fjórðungur þingmannaliðs sem kosinn var af stuðningsmönnum flokksins í s.l. kosningum er nú genginn fyrir borð og hefur sagt skilið við flokkinn og annar fjórðungur sem þó enn eftir situr er niðurlægður og er samt á báðum áttum.

Áfram keyrir samt formaðurinn SJS og harðlínuklíkan í kringum hann, þetta hroðalega ESB- stef og þetta þjóðhættulega blindflug til Brussel í boði Samfylkingarinnar. 

Þetta eru einhver mestu pólitísku vonbrigði sem ég hef upplifað og það á við um mörg þúsundir annarra íslendinga sem í sannfæringu sinni köstuðu atkvæði sínu á þetta pólitíska afl sem ég í reiði minni kalla nú ekkert annað en "flokksskríbbli" og ómerkilega hjáleigu og hundakofa Samfylkingarinnar ! 

 

Segir sig úr VG

Athugasemdir

[Örn Ægir (IP-tala skráð) 4.12.2011 kl. 21:46]

Sæll já það er gott hjá henni að segja sig úr flokknum það hljóta fleiri að gera. Það er athyglisvert að hálftíma eftir að samþykkt er að hafna beri aðlögun að Evrópusambandinu er samþykkt að taka við 600 milljónum frá ESB til að auðvelda þeim það sem þeir eru að reyna,þettað segir manni bara það að það er ekkert að marka þennan flokk í honum eru fólk sem vinnur að því hörðum höndum að koma landinu í Evrópusambandið en þykjist vera á móti.Þóttist líka vera á móti aðild fyrir síðustu kosningar en var samt búið að semja bakvið tjöldin að sækja um aðild að ESB kæmust þau til valda.

[Sigurður Haraldsson, 5.12.2011 kl. 11:36]

Flott hjá Brynju, foringjaræðið og flokksræðið er hér allt að drepa.