Auðvitað eiga hagsmunir þjóðarinnar að vera í fyrirrúmi. En ekki hagsmunir eða reglufargan ESB !

Hárrétt hjá Jóni Bjarnasyni.

Alþingi samþykkti sem betur fer ákveðna fyrirvara með ESB umsókninni og eftir þeim fyrirvörum sem eru grundvallar hagsmunir þjóðarinnar ber að vinna.

Samninganefndarmenn Íslands í ESB viðræðunum sem allir eru þekktir ESB sinnar og voru handvaldir af Össuri Skarphéðinssyni í þessar viðræður, komast ekkert framhjá þessum fyrirvörum þó svo þeir reyni það á ýmsan hátt og reyni með hjálp ESB sinnaðra fjölmiðla að rjúka upp moldviðri og reyna að gera Sjávarútvegs- og landbúnaðarráðherra að einhverjum sökudólg til þess að breiða yfir það að þeir eru að reyna með lymskulegum hætti að fara á svig við þessar samþykktir sjálfs Alþingis.

Jón Bjarnason á hrós skilið fyrir það að virða samþykktir Alþingis og er einn af örfáum í þessari ríkisstjórn sem þorir og vill standa í lappirnar við að gæta hagsmuna lands og þjóðar gagnvart ESB innlimuninni !

Hagsmunir þjóðar í fyrirrúmi

Athugasemdir

[Pétur (IP-tala skráð) 7.11.2011 kl. 20:00]

Tjah, það má vera að evrópusambands sinnar séu að notfæra sér, hversu auðvelt er að ráðast á landbúnaðar kerfið hérna, til að koma sínu á framfæri. En tollvernd fyrir landbúnað sem takmarkar framleiðslu matvæla, er alls ekki liður í að tryggja fæðu örryggi. Það er frekar liður í að neyða þjóðina til að versla á lélegustu kjörunum, og vekur þá spurningu hjá mér, um hvers vegna forfeður okkar vildu sjálfstæði í fyrsta lagi. Við virðumst vera okkur sjálfum verst, allavega ef þetta er það besta sem fólk er að bjóða uppá. Íslenskur landbúnaður er rekinn eins og geðspítali og fólk sem færir rök fyrir honum virðist geðsjúkt í allra augum, þar sem rökin þeirra falla um hvort annað, og útiloka sig sjálf. Burt með heftir á landbúnað, áfram með framleiðslu, og ef það er afgangur, þá finnum við útúr því með sköpunargáfum.