Geðveilur Kapítalismans, læknaðar með Sósíalisma andskotans - Björgunarsjóðurinn orðin 1,3 billjón EVRUR ! !

Þessi endaleysa gengur aldrei upp þetta eru u.þ.b. 350.000 Evrur eða um 56 milljónir íslenskra króna á hvert mannsbarn innan EVRU svæðisins.

Þetta eru ca 20 ára meðalævitekjur hvers einasta vinnandi manns á öllu Evru svæðinu. Ef tekið er tillit til þeirra sem eru atvinnulausir, öryrkjar og eða gamalmenni, eða utan vinnumarkaðar af einhverjum ástæðum þá dekkar þessi upphæð sjálfsagt ævitekjur allra íbúa EVRU svæðisins.

Ævitekjur allra íbúa EVRU svæðisins sóað á einu bretti í þessa dómadags vitleysu.

Allar ævitekjur næstu kynslóða EVRU svæðisins fara í að greiða fyrir þennan "svokallaða "Björgunarleiðangur" - þennan banvæna kokteil tvíeykisins "Mer-Kozy".

Þetta er margfallt verra og ófyrirleitnara en Versala-nauðungarsamningurinn var Þjóðverjum eftir fyrra stríð  

Þetta er svona eins og geðveilur og græðgi kapítaliskrar óstjórnar sé reynt að lækna með sósíalisma andskotans. 

Svo er strax byrjað á að tala um að þetta sé allt of lítið og komi allt of seint og dugi hvergi til.

Þetta lítilræði er svo aðeins gert til að bjarga EVRUNNI sem gjaldmiðli og bankakerfi ESB/EVRU landana sem annars færu í umvörpum á hausinn við að afskrifa hluta af skuldum hinns gjaldþrota ESB/EVRU lands Grikklands sem þó er aðeins lítið 10 milljóna land.

Hvað þarf þá mikið til við að bjarga bankakerfi ESB/EVRU landana öðru sinni þegar tugmilljóna lönd eins og Ítalía og Spánn byrja að skjálfa.

En sá skjálfti er reyndar þegar byrjaður. 

Takið eftir að allir þessir neyðarfundir og öll þessi gríðarlega peningasóun fer ekki í að bjarga Grískum almenningi, nei síður en svo hún fer öll í að bjarga stórkapítali ESB/EVRU svæðisins.

Reikningurinn aftur á móti er sendur á skattgreiðendur ESB/EVRU svæðisins og næstu kynslóðir. 

Inn í þetta Óreiðu Skuldabandalag stefnir Samfylkingin. Það verður að stöðva þessa helför Ríkisstjórnarinnar til Brussel STRAX.

Fyrsta skrefið er að skrifa undir hjá: skynsemi.is 

 

Björgunarsjóður yfir billjón

Athugasemdir

[Haraldur Hansson, 27.10.2011 kl. 20:31]

Er ekki tveimur núllum ofaukið hjá þér?

1,3 billjón evrur gerir 1.300.000 milljónir og í Evrulandi búa 332 milljónir. Það gerir rúmlega 3.900 evrur á hvert mannsbarn.

Í íslenskum krónum gerir það rúmar 2,5 milljónir á hverja fjögurra manna fjölskyldu sem mér þykir nú alveg kappnóg.

[Gunnlaugur Ingvarsson (IP-tala skráð) 27.10.2011 kl. 21:04]

Sæll Haraldur.

Ja þetta getur svo sen vel verið rétt hjá þér.

En mér reyndar sundlaði nú samt alveg við herlegheitin. Var búinn að marg reyna að reikna þessar himinháu tölur á reiknivélina mína, en gafst upp af því að hún var ekki gerð fyrir svona háar tölur.

Fór síðan að reikna þetta með gömlu aðferðinni handvirkt, með því að margfalda og geyma einn aukastaf og svo framvegis en það getur vel verið að mér hafi aðeins yfirsést, en mér er alveg sama þó svo sé - þessi svokallaði björgunarsjóður er algert brjálæði og þetta mun ekki standast lengur en 3 vikur eða svo þá verður sama vitleysan komin í gang aftur af því að þetta stenst engan veginn.

OK takk fyrir leiðréttinguna 3.900.- Evrur eða u.þ.b 630.000.- krónur á hvert mannsbarn plús vexti sem tikka daglega er nú talsverð brekka, eða hvað ? !

[Haraldur Hansson, 28.10.2011 kl. 00:17]

Jú, þetta er svimandi. En þetta eru ábyrgðir en ekki útgjöld og enginn veit hversu mikið kann að falla. Ef Ísland þyrfti að taka ábyrgð af þessari stærð og þó að aðeins 1/5 félli og kæmi til borgunar værum við komin upp í fjárhæð svipaða og Icesave II átti að kosta okkur.

Það er ekki nokkur leið að skilja svona fjárhæðir.