Boris Johnson; "Vill frekar liggja dauður út í skurði, frekar en biðja um frest á BREXIT" - Brynjar Níelsson notar nú sömu taktík, af öðru og minna tilefni.

Boris Johnson þverneitar að láta Breska þingið þvinga sig til að biðja um enn einn frestinn á BREXIT. Hann segist frekar vilja liggja dauður úti í skurði frekar en láta þvinga sig til þess.

Hnn mun nú enn á ný leggja til að boðað verði til almennra kosninga þar sem kjósendur velji hann og BREXIT, sem hann vill standa og falla með.

Stjórnarandstaðan sem gerir allt til að koma í veg fyrir skýran vilja þjóðarinnar um að Bretland yfirgefi Evrópusambandið, vill samt ekki þingkosningar því þeir eru hræddir við kjósendur og að þeir muni frekar fylgja Boris, þess í stað vilja þeir halda Bretlandi innan ESB með einskonar gíslatöku og valdbeitingu og vanvirða enn og aftur niðurstöður þjóðaratkvæðagreiðslunnar frá 2016. 

Ég sé svo að Brynjar Níelsson þingmaður Sjálfsstæðisflokksins hefur tekið dauða heitstrengingar Borisar eitthvað til sín, en þó af öðru og minna tilefni sé.

Hann segist "fyrr vilja dauður liggja" en þiggja neinar þær stöður og sporslur sem Áslaug Arna gengdi áður en Bjarni Benediktsson skipaði hana sem dómsmálaráðherra, vegna öflugs stuðnings hennar við samþykkt og innleiðingu Orkupakkans frá ESB.

Það hefði nú verið meiri mannsbragur á dauðahótunum Brynjars ef þær hefðu komið fyrr og þá snúið að raunverulegum hugssjónum og hagsmunum þjóðarinnar eins og í þessu tilfelli Borisar Johnsons.

Þannig hefði Brynjar ákveðið og sterkt getað hafnað forræði ESB í orkumálum þjóðarnar og þannig staðið með stefnu Sjálfsstæðisflokksins í staðinn fyrir að vera að þessu spælingar væli nú.

Tilbúnir að fara í mál vegna Brexit