Sigur fyrir Útvarp Sögu og Pétur Gunnlaugsson. Varnarsigur fyrir tjáningarfrelsið sem á í vök að verjast.

Ákærunni um "hatursglæpi" á hendur Útvarpi Sögu og Pétri Gunnlaugssyni var vísað frá í Héraðsdómi í dag. Niðurstaðan er varnarsigur fyrir tjáningarfrelsið og frjálsa óháða fjölmiðlun. Engu að síður á tjáningarfrelsið í vök að verjast fyrir pólitískum rétttrúnaði. Viðbúið er að þeir sem harðast vilja ganga fram í "rétthugsun" fái nú löggjafann til að herða reglur og skilgreina enn þrengra hvað sé rétt hugsun og röng. Einnig munu hinir rétttrúuðu heimta enn frekari styrkingu "haturs- og hugsana lögreglunnar. Þetta er mjög varasöm þróun.

Máli Péturs á Útvarpi Sögu vísað frá

ESB reynir að koma í veg fyrir að Bretland geri sjálfsstæða fríverslunarsamninga við USA og önnur ríki.

Framkvæmdastjórn ESB sýnir nú á sér kunnuglega kúgunartakta. Takta sem við könnumst alveg við úr ICESAVE deilunni og í deilunni um makrílinn. Framkvæmdastjórn ESB óttast mjög að nú eftir BREXIT bjóðast Bretum sjálfsstæðir og hagstæðir viðskiptasamningar við öll helstu ríki heimsins, s.s. Bandarikin, Kína, Indland, Astralíu auk fjölda smáríkja. Framkvæmdastjórn ESB er svo ótrúlega valdasjúk og skini skroppinn að þeir ætla að reyna að þvælast fyrir því að Bresk stjórnvöld geti gert tvíhliða og sjálfsstæða viðskiptasamninga við þessi ríki, fyrr en Bretland er alveg farið út. Þessi hroki og yfirgangur framkvæmdastjórnar ESB er alveg eftir öðru hjá þessu kúgunarapparati og þessi freklega framganga þeirra opnar aðeins augu annarra ríkja á því hversu glataður þessi klúbbur er.

Mega ekki semja um viðskipti

BREXIT; Bretar ætla út úr ESB, þeir ætla ekki að vera á "innri markaði" sambandsins. Þeir ætla ekki að lúta tilskipunum frá Brussel.

Thersa May forsætisráðherra Bretlands talaði alveg skýrt í dag. Bretland er á leið út úr ESB og þar verður ekkert hálfkák, þeir verða ekki á innri markaði Sambandsins, þeir taka fulla stjórn á landamærum sínum og innflytjendastefnu. Þeir muni stöðva greiðslur til Sambandsins og þeir munu ekki lúta tilskipunum frá Brussel. Theresa May varaði ráðamenn ESB að ætla að beita Breta refsiaðgerðum eða þvingunum.

Bretar myndu auðvitað afram verða hluti að Evrópu og þeir vildu vera vinir og bandamenn Evrópuþjóðanna og hafa við þau sem mest viðskipti.

Bretland er lang mikilvægasta viðskiptaland Íslands, þangað flytjum við stærstan hluta okkar sjávarafurða og þaðan koma flestir ferðamenn til landsins. Útganga Breta mun skapa okkur tækifæri á að efla viðskiptin við Bretland með tvíhliða samningum, sem verður hagstætt báðum aðilum.

Verða utan innri markaðar ESB

USA vill nú vinna hratt í því að gera öflugan fríverslunarsamning við Bretland ! Áfall fyrir ESB sem hefur haft í hótunum eftir BREXIT !

Donald Trump nýkjörinn forseti Bandaríkjanna vill að unnið verði hratt í því að gera öflugan fríverslunar- og viðskiptasamning við Bretland. Slíkur samningur yrði gríðarlega mikilvægur fyrir Breta nú þegar þeir eru að vinna að úrsögn úr ESB eftir BREXIT. En forystumenn ESB hafa hótað Bretum öllu illu í reiði sinni yfir því að þjóðin kaus BREXIT. Þannig töldu þeir sig getað einangrað Breta, en sennilega mun það frekar verða þeirra hlutskipti sjálfra.

Mikilvægt er fyrir nýjan utanríkisráðherra okkar að fylgjast mjög vel með þessu.

Bretland og Bandaríkin eru miklvægustu viðskiptalönd okkar. Það er ekki að efa að Guðlaugur Þór mun fylgjast mjög vel með þessum málum enda hefur hann verið mjög áfram um að Ísland nýti möguleikana sem felast í sjálfsstæðinu og frelsinu með því að standa utan ESB og geta gert sjálfsstæða og hagstæða fríverslunarsamninga sniðna að okkar hagsmunum.

Vill semja hratt við Breta um viðskipti

RÚV óttast mjög ef Trump og Pútín ætli kannski að velja Reykjavík fyrir leiðtogafund !

RÚV kvöldfréttir voru uppfullar af því að neita því að nokkuð gæti verið hæft í fréttum NYT og fleiri fjölmiðla um að þeir Trump og Pútín vilji halda nýjan leiðtogafund í Reykjavík. RÚV-arar sem hafa lengi kynt undir andófi og áróðri gegn Pútín Rússlandsforseta og beittu sér mjög gegn kjöri Trumps sem forseta Bandarikjanna geta ekki hugsað sér að þessir "vondu" leiðtogar komi hingað til lands og mengi yfirráðasvæði RÚV og þeirra heilaga pólitíska rétttrúnaðar !

RÚV vill ekki að Rússland og Bandaríkin friðmælist það passar ekki pólitískri afstöðu RÚV !

Engar viðræður um leiðtogafund

Trump og Pútin boðnir velkomnir til Reykjavíkur til að ræða frið.

Auðvitað eiga nú bæði ríkisstjórnin og borgarstjórn Reykjavíkur að bjóða þjóðhöfðingjana Donald Trump og Vladímír Pútín velkomna til Íslands. Hér geta þeir fetað í fótspor Regans og Gorbatsjovs sem hér í Höfða lögðu drögin að endalokum Kalda stríðsins. 

En ég held að villta vinstrið í borgarstjórn geti ekki hugsað sér að þessir tveir fordæmdu menn í þeirra augum fái að koma hingað. Friður meðal þjóða er ekki markmið villta vinstrisins og anarkitana sem halda höfuðborg okkar í gíslingu. Mönnum er í fersku minni þegar borgarstjórn Reykjavíkur varð sér að atlægi með því að setja viðskiptabann á Ísrael.

Nýr utanríkisráðherra gæti líka slegið sér upp í leiðinni með því að tilkynna Pútín um afnám þessa fáránlega viðskiptabanns okkar gagnvart Rússlandi sem er haldið úti af þjónkunn einni við ráðamenn ESB !

Trump vill funda með Pútín í Reykjavík

Pólitískur rétttrúnaður; Skólayfirvöld á Akranesi áhyggjufull. Biðja foreldra vera á varðbergi. "Sést hefur til gráhærðs manns í kringum skólana gefa sig á tal við ungmennin og dreifa Nýja testementinu meðal skólabarna"

Pólitískur rétttrúnaður hefur náð heljartökum á íslensku samfélagi.

Í meðfylgjandi frétt er sagt frá þeim voðalega atburði að sést hafi til eldri manns kring um skólana á Akranesi þar sem hann sé að dreifa "Nýja testamentinu" meðal skólabarna. Í viðtali við Flosa Einarsson aðstoðarskólastjóra Grundarskóla kemur fram að skólayfirvöld líta málið mjög alvarlegum augum. Pólitískum rétttrúnaði hefur fyrir löngu tekist að hrekja alla uppfræðslu um Kristnina og Kristin gildi út úr grunnskólunum. Það er því ekki að furða að viðbrögð skólayfirvalda skuli vera eins og hér sé um hættulegan barnaperra að ræða sem væri að byrla börnunum eiturlyf.

Býður börnum Nýja testamentið

Nýrri ríkisstjórn óskað heilla. Mikilvægt að ESB umsóknin sé í frosti.

Það er óhætt að óska þjóðinni til hamingju með nýja ríkisstjórn, sama hvað fólki kann að finnast  

Sjálfsstæðisflokkurinn er hér burðarrásin með tvo nýja smáflokka sem eflaust verður ekki auðvelt að starfa með, ekki síst með svona knappan meirihluta. Mikilvægt er að Sjálfsstæðisflokkurinn stóð í lappirnar gegn ESB sýki þessara tveggja ESB sinnuðu flokka, alla vegana til að byrja með. En alls óvíst er að þessi ríkisstjórn lifi undir lok þessa kjörtímabils og þó svo þá geti hugsanlega komið til einhverrar tillögu í þinginu um einhverskonar þjóðaratkvæðagreiðslu um "áframhaldandi aðildarviðræður" eins og það heitir í stjórnarsáttmálanum. Þessir ESB flokkar tveir vita að þjóðin vill ekki ESB aðild og ESB er sjálft með allt niður um sig, því eru þeir ekki ófúsir til að fresta og halda einhverri glufu opinni og eiga þá möguleika á að þvæla ESB málinu áfram. Hættan er sú að með aðkomu þessara tveggja flokka að ríkisstjórninni þá reyni þeir að grafa undan sjálfsstæðinu m.a. með því að eyðileggja okkar góða landbúnað og vinna skemdarverk á gjaldmiðli okkar íslensku krónunni. Einnig munu þeir á allan hátt líma okkur við regluverk ESB og elta vitlausa utanríkisstefnu þeirra í blindni. Við andstæðingar ESB aðildar óttumst ekki heiðarlega og beina spurningu þar sem þjóðin væri spurð hreint út. Því fyrr sem þjóðin tekur þess mál í eigin hendur og hafnar ESB aðild með öllu því betra. Því þá verður þetta ESB mál jarðað endanlega.

Sóttu fast að fá ráðuneytin

Ný ríkisstjórn - Óskrifað blað ! Píratar öskuillir !

Greinilegt að villta vinstrið er strax komið í harða stjórnarandstöðu. Fjölmiðlar þeirra eins og RÚV, Stundin og Kjarninn eru í augljósri fýlu. Í dag heyrðist ramakvein frá Pírötum sem ráðasr harkalega að Óttari Proppé og saka hann um svik við Pírata partýið og Birgitta ætlaði víst í einum hvelli að leggja fram vantraust á komandi ríkisstjórn, jafnvel áður en hún liti dagsins ljós.

Afhverju leggja Píratar bara ekki fram vantrausts tillögu á allar komandi ríkisstjórnir á Íslandi næstu 50 árin ?

Björt framtíð samþykkti sáttmálann

Theresa May forsætisráðherra Bretlands talar skýrt fyrir útgöngu Bretlands; "Við erum að fara burt, við erum að koma okkur út, við ætlum ekki að vera aðilar að ESB"

Theresa May og rikisstjórn Bretlands undirbýr nú úrsögn Breta úr ESB bæði af kappi og forsjá. Nú er Boris Johnsson utanríkisráðherra Bretlands a leið til USA til að ræða við Trump og helstu ráðgjafa hans. En einnig hefur verð skýrt frá því að Theresa May munu halda til fundar við Trump nú í vor. Áður höfðu Trump og Nigel Farrage einn hesti leiðtogi Breskra útgöngusinnafundað í Bandarikjunum. En Trump hefur miklar mætur á Farrage.

Það kæmi ekki a óvart að Bretland og Bandaríkin muni nú þétta samstarf sitt og samvinnu og líklega reyna að hraða gerð víðtæks viðskipta- og fríverslunarsamnings milli ríkjanna. Slikt yrði eitur í beinum Brussel klikunnar sem hefur ekkert kunnað annað en hafa í hótunum við Breta ! 

Nálgun Breta „ekki vitund ruglingsleg“