RÚV ætti að biðja þjóðina afsökunar á miklu fleiru ! Hlutleysis- og trúnaðarbrot RÚV eru miklu fleiri og alvarlegri !

"Batnandi fólki er best að lifa" segir máltækið.

En þessi afsökunarbeiðni RÚV er lítil og léttvæg og reyndar aðeins eitt korn af þungu hlassi hlutleysisbrota og pólitísks rétttrúnaðar sem fréttastofa þessarar stofnunar hefur gróflega og ítrekað framið til að draga vagn hinns pólitíska rétttrúnaðar vinstri elítunnar á Íslandi.

Kannski að þeir hafi aðeins gert þetta af því að rithöfundurinn og fyrrverandi VG þingmaðurinn áttu í hlut.

En þeir hafa ekki enn beðið forsetann afsökunar á því hvernig þeir í langan tíma misnotuðu aðstöðu sína í síðustu forsetakosningum gegn ÓRG og með sínum eigin frambjóðanda.

Ekki hafa þeir heldur enn beðið forsetann eða þjóðina afsökunar á því hvernig þeir af mikilli hlutdrægni fjölluðu um ICESAVE málin og hvernig þeir reyndu að troða þeim skuldaklafa upp á þjóðina.

Ekki biðjast þeir heldur afsökunar á því hvernig þeir ítrekað hafa hundsað og sniðgengið skoðanir og sfstöðu ESB andstæðinga meðan þeir í sífellu hampa ESB sinnum og þeirra málsstað.

Hef ekki mikla trú á að þetta sé einhver alvöru siðbót hjá RÚV.

Þeir munu örugglega áfram þjóna sínum og verða því áfram "útvarp vinstri manna og flestra starfsmanna"  

Bað forseta og orðuhafa afsökunar

Athugasemdir

[Hilmar Hafsteinsson (IP-tala skráð) 19.6.2015 kl. 08:27]

RÚV er steintröll í íslenskri fjölmiðlun, gjörsamlega vanhæft og ófaglegt fyrirbæri.

Í stað þess að eyða milljörðum af skattfé almennings í þennan óskapnað á ári hverju á einfaldlega að leggja RÚV niður - því fyrr því betra.

[Helga Kristjánsdóttir, 19.6.2015 kl. 17:36]

 Fréttamenn á Rúv eru svo vanir að gera allt tortryggilegt sem frá andstæðingum ESB kemur. Sjái þeir þar einn, er allt klabbið illa snyrt með beinum og ormum.